Star Love (I)

Chapter (27)

Background Music - Like I'm Gonna Lose You by Megan Trainor Ft. John Legend

************************************************************************************************

Unicode

*********

Flame Started To Burn Part (3)

ညက ညဉ့်နက်ပိုင်းကို ချဉ်းကပ်လာပြီဖြစ်သည်။

မနေ့က လပြည့်ညဖြစ်ခဲ့တာကြောင့် လမင်းကြီးက ယနေ့တိုင်ကောင်းကင်ပေါ်တွင် ထိန်ထိန်သာနေဆဲဖြစ်သည်။

အိမ်ထဲပြန်ရောက်နေကြပြီဖြစ်သော ရှိုင်းနှင့် မီးလျှံတို့နှစ်ယောက်မှာ ဘာစကားမှမပြောဖြစ်သေးဘဲ ဧည့်ခန်းထဲရှိဆိိုဖာပေါ်တွင် တစ်ယောက်မျက်နှာ တစ်ယောက်ကြည့်ကာ တိိတ်ဆိတ်ငြိမ်သက်စွာ ထိိုင်နေကြတုန်းပင်ဖြစ်သည်။

မီးလျှံ ရှိုင်းကိုကြည့်လိုက်သည်။ ပြီးတော့ မီးလျှံစောစောက ဒေါသတကြီး အော်ဟစ်ဆူပူလိုက်မိပြီး သွေးတွေကို အတင်းသောက်လိုက်ပြီးနောက်ကတည်းက လုံးဝကို ငြိမ်သက်သွားကာ မီးလျှံကိုသာ ငေးကြည့်နေတော့တာ..။

တစ်ကိုယ်လုံး ငြိမ်သက်လျက်ရှိနေသော်လည်း လက်မလက်သည်းခွံလေးနှစ်ခုကို တစ်ခုနှင့်တစ်ခုတိုက်နေပြီးတော့ မီးလျှံကို ကြည့်နေသော မျက်လုံးလေးတွေက စိတ်လှုပ်ရှားစရာ တစ်စုံတစ်ခုကို တွေ့ကြုံခဲ့တယ်ဆိုတာ သိသာနေလျက်ရှိလေသည်။

ပြီးတော့ ရှိုင်းရဲ့ လည်ပင်းနားတွင်တော့ မီိးလျှံ အကြမ်းပတမ်းဆွဲညစ်ခဲ့သဖြင့် နီရဲနေသောလက်ရာကြီးတစ်ခုနှင့် အတူ နားရွက်အောက်နားတွင်တော့ သွားကိုက်ရာမှ သွေးတစ်ချို့စီးကျနေလျက်ရှိနေလေသည်။

မီးလျှံ တကယ်ကို စိတ်မကောင်းဖြစ်သွားကာ သနားလည်း သနားသွားမိသည်။ မီးလျှံက စိုးရိမ်စိတ်တွေ လွန်ကဲခဲ့ပြီး ဒေါသအရမ်းထွက်သွားခဲ့သဖြင့် ထိုဒေါသတွေ အကုန်လုံးကို ချာတိတ်လေးအပေါ်ကို ပုံချခဲ့မိတာဖြစ်သည်။

သနားစိတ်တွေ ဖြစ်လာပြီးနောက်တော့ အလိုအလျောက်ပင် မီးလျှံရဲ့လက်တို့က ရှေ့တွင်ထိုင်နေသော ရှိုင်းရဲ့လည်ပင်းဆီကိုရောက်သွားကာ လည်ပင်းက လက်ရာကိုထိလိုက်မိပြီးနောက် သွားကိုက်ရာကို ထိလိုက်လေတော့ ရှိုင်း က တွန့်ခနဲတစ်ချက်ဖြစ်သွားလေသည်။