Star Love (I)

Chapter (23)

Unicode

****************

Star Falls For Flame Part (3)

ရှိုင်း မီးလျှံကျောပေါ်ကနေ လည််ပင်ကိုဖက်ထားရင်း သူရဲ့ အညိုရောင်ဆံနွယ်ရှည်တွေက ရှိုင်းရဲ့နှဖူးကို လာရောက်ကျီစယ်နေလေသည်။ ပြေးနေတဲ့အရှိန်က အရမ်းကို မြန်လွန်းတာကြောင့် ဘေးက လိုဏ်ဂူနံရံတွေကိုလည်း သေချာ မမြင်ရတော့ဘဲ နားထဲတွင် တစ်ဝူးဝူးအသံတွေကိုသာ ကြားနေရလေသည်။

မျက်လုံးများကိုဖွင့်ကြည့်ဖို့ ကြိုးစားကြည့်လိုက်သော်လည်း မျက်လုံးထဲကို လေဝင်တာကြောင့်ရော မီးလျှံရဲ့ဆံပင်တွေက မျက်နှာကိုလာထိနေတာကြောင့် ဖွင့်လို့မရ..။

မီးလျှံရဲ့ အသက်ရှူသံတွေ ပြင်းလာတာကို သတိထားလိုက်မိတာကြောင့် မောပန်းနေမှာကို သိလိုက်မိကာ အားနာသွားမိပြီး နားထဲမှကြားနေရသော တစ်ဝူးဝူးအသံတွေကို အံတုကာ ပြောလိုက်မိသည်။

"ခင်ဗျား.. မောနေပြီလား.. ခဏနားကြရအောင်လား.. ဒါမှမဟုတ်လည်း ကျွန်တော်် လမ်းလျှောက်သွားပါတော့မယ်.."

ရှိုင်း ပြောသော်လည်းမီးလျှံက မကြားသည်လား မကြားချင်ယောင်ဆောင်နေသည်လားမသိ တစ်စက်မှကိုမနားဘဲ ပြေးနေလေတော့သည်။

နာရီဝက်လောက်မရပ်မနားပြေးပြီးနောက်တော့ သစ်ပင်တွေနှင့်ဖုံးအုပ်ထားသော အပေါက်ဝတစ်ခုကိုတွေ့လိုက်ရလေသည်။ ထိုအပေါက်ဝကိုတွေ့လိုက်သော အခါ ကျောပေါ်မှရှိုင်းကို မပြောမဆိုဘဲနှင့် အောက်ချပေးလိုက်သည်။

ရုတ်တရတ်မို့ ရှိုင်းတစ်ယောက် မြေကြီးပေါ်ကို ထိုင်ရက်လေးပြုတ်ကျသွားလေတော့သည်။

"အ.. ဖြေးဖြေးလုပ်ပါဗျ.. ဆင်းဆိုလည်း ဆင်းလို့ပြောပါလားဗျာ.. ကိုယ့်ဘာသာကိုယ်ဆင်းမှာပေါ့.. မပြောမဆိုဘဲ ပစ်ချရလား.. "

ရှိုင်းက နာသွားသော တင်ပါးကို ခပ်ဖွဖွပွတ်နေလိုက်ရင်း ရှုံ့မဲ့မဲ့ဖြင့်ပြောနေလေတော့သည်။ ထိုအခါ မီးလျှံက မြေကြီးပေါ်တွင် ငုတ်တုတ်လေးဖြစ်နေသော ရှိုင်းကို ပြန်လှည့်ကြည့်လိုက်ပြီးပြောလေသည်။