Unicode
************
Flame Started To Burn Part (1)
ဒုန်း..ဒုန်း.. ဒုန်း..
"ချာတိတ်.. မြန်မြန်လုပ်..သွားမယ်.. ကြာလိုက်တာ"
အခန်းပြင်က တစ်ဒုန်းဒုန်းထုသံနှင့် အတူ မီးလျှံရဲ့ စိတ်မရှည်ဟန် လောဆော်သံကြောင့် ရှိုင်း အကျီကြယ်သီးကို မြန်မြန်တက်လိုက်ကာ အခန်းထဲက ဝုန်းဒိုင်းကြဲထွက်လာလိုက်မိသည်။ အခန်းဝရောက်တော့ အခန်းဝတွင် အခန်းဘောင်ကို လက်ထောက်ကာ ရပ်စောင့်နေသော မီးလျှံနှင့် တိုးလေတော့သည်။
စိတ်မရှည်တတ်သော မီးလျှံ တစ်ယောက် အခန််းဝတွင်စောင့်မနေလောက်ဘူးဟု ထင်ထားလိုက်မိသဖြင့် ဝုန်းဒိုင်းကြဲပြေးထွက်လာမိသော ရှိုင်းမှာ မီးလျှံရဲ့ ရင်ဘတ်နှင့် တိုက်မိသွားလေတော့သည်။
အင့်..
မာကျောလှသော ရင်ဘတ်အကျယ်ကြီးနှင့် တိုက်မိလိုက်တာကြောင့် ရှိုင်းရဲ့နှဖူးလေးကတော့ နီရဲသွားပေမယ့် မီးလျှံကတော့ ဘာဆိုဘာမှမဖြုံပေ။
အခန်းတံခါးဘောင်ကို ထောက်ထားရင်း မျက်နှာရှုံ့မဲ့နေသော ရှိုင်းကို မျက်မှောင်ကုတ်ပြီး ငုံ့ကြည့်နေသည်။
"ပြီးပြီလား.. ပြင်လို့ဆင်လို့.. ပြီးရင်သွားမယ်... အိမ်အတွက် လိုတာတွေ သွားဝယ်ရမယ်.."
ထိုသို့ပြောပြီး အောက်ထပ်ကိုဆင်းသွားလေတော့သည်။ ရှိုင်းလည်း ရှုပ်ပွနေသော ဆံပင်တွေကို လက်နှင့် သပ်သပ်ရပ်ရပ်ဖြစ်အောင် လုပ်လိုက်ပြီးနောက် အောက်ထပ်ကို လိုက်လာခဲ့လေသည်။
ရှိုင်းတို့ရောက်နေတာ လယ်ရီရဲ့ဆိုင်အပေါ်ထပ်က အိမ်ဖြစ်လေသည်။ မနေ့က နေမကောင်းဖြစ်သွားခဲ့သော ရှိုင်းကြောင့် လယ်ရီက မီးလျှံနှင့် ရှိုင်းကို တစ်ညအိပ်ခွင့်ပေးခဲ့တာဖြစ်သည်။
ရှိုင်း အောက်ထပ်က ဆိုင်ကိုရောက်သွားတော့ လယ်ရီနှင့် စားပွဲပေါ်တွင် ထိုင်ကာ စကားပြောနေသော မီးလျှံကို တွေ့လိုက်ရလေသည်။
အောက်ထပ်ကို ရှိုင်းဆင်းလာတာကို မြင်တော့ လယ်ရီက လှမ်းပြောသည်။
KAMU SEDANG MEMBACA
Star Love (I)
FantasiYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
