Unicode
*************
Start Of Our Destiny Part (4)
မီးလျှံတစ်ယောက် ရှိုင်းကို တောစပ်ကို ပို့ပေးပြီးသည့်နောက်တော့ တောနက်ထဲက မိမိနေထိုင်ရာ နေအိမ်ကြီးဆီသို့ ပြန်လာခဲ့သည်။
ဟိို ဆံပင်ကွက်ကျားနဲ့ချာတိတ်လေး လုံခြုံတဲ့နေရာကို အေးအေးဆေးဆေးရောက်သွားစေဖို့ မျှော်လင့်မိသည်။ သေချာ မစောင့်ရှောက်ပေးနိုင်ခဲ့တဲ့အတွက် တာဝန်မကျေသလို ခံစားရသော်လည် မီးလျှံ ယခုလက်ရှိအချိန်တွင် ယခုလို လုပ်ရုံမှအပ တခြားရွေးချယ်ပိုင်ခွင့်မရှိတာကြောင့်ပါ။
နှစ်ပေါင်းနှစ်ရာကျော် အသိနောက်ကျနေခဲ့သော မီးလျှံအတွက် ယခုလက်ရှိပုံစံဖြင့် လူတွေကြားထဲကို လုံးဝသွားလို့မဖြစ်သေး။ အရင်ဆုံးလောကကြီး ဘာတွေပြောင်းလဲသွားပြီလဲဆိုတာကို အရင်လေ့လာသင့်သည်ဟု ထင်မိသည်။
ဒါကြောင့် မိမိအိမ်ကို အရင်ဆုံးဦးတည်ခဲ့တာဖြစ်သည်။
မီးလျှံ ခြေလှမ်းပုံမှန်ဖြင့်ပင် တောနက်ထဲကို ဦးတည်လာခဲ့လေတော့သည်။
ထိုစဉ် နောက်ကလိိုက်လာသော ခြေသံများစွာကို ကြားလိုက်ရပြီးသည့်နောက် သိလိုက်သည်က Werewolf တွေ နောက်ကလိုက်လာပြီ။
မနေ့ညက ချာတိတ်လေးရှိနေသဖြင့် တစ်ခုခုဖြစ်မှာဆိုးသဖြင့် ရှောင်ပြေးခဲ့ပေမယ့် အခုတစ်ခေါက်တော့ မပြေးချင််တော့..။ ထိပ်တိုက်ဘဲ ရင်ဆိုင်လိုက်မည်။
ခြေသံတွေက အဝေးကနေ တစ်ဖြေးဖြေးနီးလာပြီး နောက်ဆုံးတော့ မီးလျှံရဲ့နောက်တွင် Werewolf ခုနှစ်ကောင်၊ ရှစ်ကောင် ခန့် ပေါ်လာကြလေတော့သည်။
မီးလျှံ အနားကို ရောက်တော့ ခေါင်းဆောင်ဖြစ်ဟန်တူသော တစ်ယောက်က လူအသွင်ကိုပြောင်းလိုက်ကာ မီးလျှံနှင့်မျက်နှာချင်းဆိုင်လိုက်သည်။ နောက်က Werewolf တွေကတော့ အသင့်အနေအထားဖြင့် ဝံပုလွေ ပုံစံအတိုင်းရှိနေလျက်..။
မီးလျှံလည်း ထို Werewolf တွေနှင့် ခပ်တည်တည်ပင် မျက်နှာချင်းဆိုင်လိုက်ပြီး တမင်ပင် ထီမထင်ဟန် မျက်နှာထားဖြင့် စကားစပြောလိုက်သည်။
أنت تقرأ
Star Love (I)
خيال (فانتازيا)You don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
