Star Love (I)

Chapter (12)

Unicode

**************

Star Begins To Shine Part (3)

မီးလျှံ Nebbia ကနေ ကားကို သုံးနာရီကျော်ကျော်ခန့်မောင်းရသော Avalon City ကို မနက်စောစောပင်ထွက်လာခဲ့သည်။ ထိုမြို့လေးက မီးလျှံနေတဲ့နေရာနှင့် မတူ ရာသီဥတုက အေးပေမယ့် သာယာပြီး စိုက်ခင်းတွေဖြင့် ကျေးလက်သဘောမျိုးဆောင်နေကာ နေချင်စဖွယ် အေးချမ်းသော မြို့လေးဖြစ်လေသည်။

မီးလျှံ အကြောင်းကိစ္စရှိမှသာ တောထဲ အိမ်ကနေထွက်တတ်ပြီး တခြားအချိန်တွင် အိမ်မှာပင် အချိန်ကုန်ဆုံးတတ််လေသည်။ မားကပ်စ်တို့က မီးလျှံကို မျက်ခြေမပျက် အမြဲတမ်းစောင့်ကြည့်နေသောကြောင့်ဖြစ်လေသည်။

မီိးလျှံသွေးဝယ်လိုသည့် Black ဆိုသည့်လူ ချိန်းသောနေရာသည် ခရစ်ယာန်ဘုရားကျောင်းတစ်ခုဖြစ်လေသည်။ အမှန်တော့ ထိုနေရာသည် မီးလျှံတို့လို Vampire တော်တော်များများ အတွက် လူသားတွေကို အန္တရာယ်ပြုရခက်သော နေရာဖြစ်လေသည်။ ဒါကြောင့် ဒီလိုဘုရားကျောင်းမျိုးတွင်ချိန်းသော Black ဆိုသည့်လူရဲ့ ဉာဏ်ပြေးမှုကို ချီးကျူးမိလေသည်။

ဘုရားကျောင်းသည် မိဘမဲ့ဂေဟာဝန်းထဲတွင်ရှိခြင်းဖြစ်သည်။ သစ်ရိပ်ဝါးရိပ်များနှင့် အေးချမ်းသော နေရာလေးဖြစ်ပြီး ကလေးတွေကလည်း ပျော်ပျော်ရွှင်ရွှင်ကစားနေကြတာကို မြင်ရသဖြင့် မီးလျှံ အရမ်းကို သဘောကျမိလေသည်။

မီးလျှံ ကားကို တမင်ပင် ဘုရားကျောင်းနှင့် အနည်းငယ်လှမ်းသော နေရာတွင်ရပ်ခဲ့လေသည်။ သေချာတာကတော့ မီးလျှံရဲ့နောက်ကို စုန်းကဝေတစ်ယောက်က လိုက်ချောင်းနေမည်ဖြစ်သည်။

မီးလျှံဘုရားကျောင်းထဲကို ဝင်သွားတော့ ဘုရားကျောင်းထဲတွင် ဘုရားဝတ်ပြုသူများနှင့်စည်ကားလျက်ရှိနေပြီဖြစ်သည်။ ဘုရားကျောင်း ထဲကိိုဝင်သွားပြီး ဟိုသည်ကြည့်မိလေတော့ Black ဆိုသည့်လူလို့ ထင်ရနိုင်သည့် လူ တစ်ယောက်တစ်လေမှပင်မရှိပေ။ ဒါကြောင့် မီးလျှံ ဟိုးအရှေ့ထိလျှောက်လာကာ ခုံတန်းတွေရဲ့ အနောက်ဆုံးအစွန်ပိုင်းတွင် သွားထိုင်လိုက်လေသည်။ ထို့နောက် အလိုက်သင့်ပင် ဘုရားဝတ်ပြုနေဟန် နေလိုက်သည်။