Unicode
************
Start Of Our Destiny Part 2
Nebbia မြို့အစွန်ပိုင်းတွင် ခမ်းနားကြီးကျယ်စွာဆောက်လုပ်ထားသော အဖြူရောင် ခေတ်မှီတိုက်အိမ်ကြီးတစ်ခု။ Nebbia တောစပ်ကို နောက်ခံထားထားပြီး ဆောက်လုပ်ထားသော ထိုအိမ်ကြီးမှာ Nebbia မြို့တစ်မြို့လုံးတွင် အခမ်းနားဆုံးလို့ပင်ပြောလို့ရသည်။
ဒါ့အပြင် ထိုအိမ်ကြီးရဲ့ အရှေ့ဘက် မျက်နှာစာတွင်ရှိသော ဝံပုလွေတစ်ကောင်မန်ဖီနေသောပုံစံ ရုပ်ထုကြီးကြောင့် ပိုပြီးခမ်းနားစေတာဖြစ်သည်။
ထိုခမ်းနားလှသော အိမ်ကြီးရဲ့ဧည့်ခန်းတွင် ထိုအိမ်ကြီးရဲ့ အရှင်သခင်ဖြစ််ဟန်တူသူ အမျိုးသားတစ်ယောက်ထိုင်နေလေသည်။ လက်မောင်း၊ ကျောဘက်နှင့် ရင်ဘတ်တွေမှာလည်း တက်တူးပေါင်းများစွာကို ထိုးထားသော ထိုလူကြီးမှာ ရင်အုပ်ကျယ်ကျယ် လေးထောင့်ဆန်ဆန်မျက်နှာနှင့် ခန့်ညားသော အသွင်ကို ဆောင်လျက်ရှိလေသည်။
ထိုင်နေသော အမျိုးသားကြီးရဲ့ ဘေးတွင်လည်း သန်မာထွားကျိုင်းကာ အင်အားကြီးမားဟန်ရှိသော လူများက ဝန်းရံကာ မတ်တပ်ရပ်လျက်ရှိကြလေသည်။
အမှန်စင်စစ် ထိုလူကြီးမှာ Nebbia မြို့ရဲ့ မြို့တော်ဝန် တစ်ဦးလည်း ဖြစ်ပြီး Nebbia မြို့တွင်ရှိသော သမန်းဝံပုလွေ အုပ်စုရဲ့ ခေါင်းဆောင် Alpha (အယ်လ်ဖာ) တစ်ဦး ဖြစ်သူ ရစ်ချတ်(Richard) ဖြစ်လေသည်။
Author's Note - ဝံပုလွေများသည် အုပ်စုလိုက်နေတတ်သော အလေ့အထ ရှိပါသည်။သမန်းဝံပုလွေများ (Werewolf) များသည်လည်း ထိုကဲ့သို့ပင် ဖြစ်သည်။ ဝံပုလွေအုပ်စုတစ်စု (Pack ) ကိုအုပ်ချုပ်သော ခေါင်းဆောင် ဖြစ်သည့် Leaderကို Alpha ဟုခေါ်ဆိုပါသည်။ ထို Leader Of The Pack; Alpha ရဲ့အုပ်ချုပ်မှုအောက်မှာနေတဲ့ အဖွဲ့ဝင်တွေကို Betaဟု ခေါ်ဆိုပါသည်။ ထို့အပြင် အုပ်စုလိုက်မနေဘဲ တစ်ကောင်တည်း နေလေ့ရှိသော သင်းကွဲဝံပုလွေများလည်း ရှိပါသည်။ ထိုသင်းကွဲဝံပုလွေကိုတော့ Omega ဟု ခေါ်ဆိုပါသည်။
ရစ်ချတ်သည် ဧည့်ခန်းထဲက ဆိုဖာပေါ်တွင်ထို်င်ကာ တစ်စုံတစ်ဦးကို စိတ်စောစွာ စောင့်မျှော်လျက်ရှိလေသည်။
YOU ARE READING
Star Love (I)
FantasyYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
