Unicode
***********
Star Begins To Shine
"သား..သြဂတ်စ်.."
သြဂတ်စ် ရှိုင်းဆီကနေ အိမ်ကို ပြန်လာပြီး အိမ်ထဲဝင်သောအချိန်တွင် ရစ်ချတ််က ဧည့်ခန်းတွင် ထိုင်စောင့်နေရင်း ဝင်လာသော သားဖြစ်သူကို လှမ်းခေါ်လိုက်သည်။
"ဗျာ..ဖေဖေ.."
"ဒီမှာ ခဏလာထိုင်ဦး.."
သြဂတ်စ်က ပြန်ထူးလိုက်တော့ ဧည့်ခန်းက ဆိုဖာပေါ်တွင် ထိုင်နေသော ရစ်ချတ်က ဆိုဖာပေါ်တွင်လာထိုင်ရန် လက်ပြခေါ်လိုက်တော့ သြဂတ်စ်လည်း ဖခင်ရှေ့သို့ရောက်လာကာ ဝင်ထိုင်လေသည်။
"ပြောစရာရှိလို့လား ဖေဖေ.."
အရေးကြီး ကိစ္စမှအပ ဘယ်သော အခါမှ သြဂတ်စ်ပြန်အလာကို စောင့်မနေတတ်သော ဖခင်ဖြစ်သူရဲ့ အကြောင်းကို သိသဖြင့်မေးလိုက်ခြင်းဖြစ်သည်။
ရစ်ချတ်က စားပွဲရှေ့တွင်ချထားသော ၀ိုင်ခွက်မှ စပျစ်ဝိုင်တစ်ခွက်ကို ယူသောက်လိုက်ကာ ပြောလေသည်။
"သားကိုမေးစရာရှိလို့ပါ.."
"ပြောလေဖေဖေ.."
"ကြယ်လေးရဲ့အကြောင်းကို ဘာသတင်းရသေးလဲ ... သိချင်လို့ပါ"
သြဂတ်စ်မျက်နှာ အရောင်ပြောင်းသွားသည်။
"ဘာ..ဘာသတင်းမှ မကြားရသေးဘူးဖေဖေ..."
ရစ်ချတ်က ကျေနပ်သလို ခေါင်းကို တဆတ်ဆတ်ငြိမ့်နေသည်။ ပြီးတော့ ဆက်ပြောသည်။
"မားကပ်စ်တို့ စုန်းကဝေတွေဘက်ကတော့ အသည်းအသန်ရှာနေကြတာဘဲ.. ဒါပေမယ့် သူတို့လည်း လုံးဝကို မျက်ခြေပြတ်သွားတဲ့ပုံဘဲ..."
ဖခင်ဖြစ်သူရဲ့ စကားကြောင့် သြဂတ်စ် အနည်းငယ်တော့ စိတ်အေးသွားမိသည်။
"အခုဖေဖေတို့ကို မီးလျှံကို စောင့်ကြည့်ပေးဖို့ပြောထားပေမယ့်.. မီးလျှံဘက်ကလည်း ဘာလှုပ်ရှားမှုမှ မရှိဘူးဖြစ်နေတယ်. သူနိုးလာခဲ့ပြီး အချိန်ကစလို့ အခုအချိန်ထိ တောထဲက သူ့အိမ်ကနေ အပြင်ကိုလုံးဝ မထွက်သလောက်နီးပါးကိုနေနေတာ.."
ESTÁS LEYENDO
Star Love (I)
FantasíaYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
