Star Love (I)

Chapter (21)

Unicode

*****************

Star Falls For Flame Part (1)

ညသန်းခေါင်ယံကိုကျော်လွန်နေပြီဖြစ်သည်...။ လမိုက်ညပီပီ ပတ်ဝန်းကျင်တစ်ခုလုံးမှောင်မိုက်လျက် လေပြင်းတို့လည်း တိုက်ခတ်နေကာ သစ်ရွက်ခြောက်များကလည်း ဟိုဒီပြေးလွှားနေသည့်အပြင် သစ်ပင်ကြီးများမှ သစ်ကိုင်းကြီးများကလည်း ဟိုဒီယိမ်းနွဲ့နေသဖြင့် တည်ငြိမ်မှုမရှိ။

Nebbia Werewolf စံအိမ် တည်ရှိရာ ခြံကျယ်ကြီးရဲ့ အနောက်ဘက် တွင်ဖြစ်သည်။ ထိုနေရာတွင် Gravestone များစွာရှိလေသည်။

ထိုနေရာသည် ခေတ်အဆက်ဆက်က Werewolf မျိုးနွယ်စုကို အုပ်ချုပ်ခဲ့ကြတဲ့ Alpha တို့ကို မြှုုပ်နှံရာနေရာဖြစ်လေသည်။

ထိုနေရာတွင် လူနှစ်ဆယ်ခန့်သည် ငြိမ်သက်စွာ မတ်တပ်ရပ်လျက်ရှိနေကြသည်။ လူတွေအားလုံးသည် အနက်ရောင် အကျီများကို ဝတ်ဆင်ထားကြလျက်ရှိပြီး ထိုသူတို့၏ ကုတ်အကျီများသည် လေပြင်းတိုက်ခတ်နေတာကြောင့် လေတွင် တလွင့်လွင့်။

ထို့အပြင် အားလုံးသည် မိမိတို့၏လက်နှစ်ဖက်ကို ရင်ဘတ်တွင် ယှက်တင်ထားကာ မျက်လွှာချထားပြီး ခေါင်းတွေကိုပါငုံ့ထားကြလေသည်။ သိသာထင်ရှားနေသည်က ထိုသူ့တို့၏မျက်လုံးများမှ မျက်ရည်ကြည်များနှင့် ဝမ်းနည်းမှုအရိပ်အယောင်များ။

ထိုသူတို့၏ ဝမ်းနည်းမှုအရိပ်အယောင်များကြောင့် ပတ်ဝန်းကျင်တစ်ခုလုံးကလည်း မှိုင်းညှို့ကာ ဝမ်းနည်းဖွယ်အသွင်ကိုဆောင်နေတော့တာ။

ထိုသူအားလုံးမျက်နှာမူထားသည်က တစ်ခုသော မြေကွက်လပ်တစ်ခု။

ထိုမြေကွက်လပ်နေရာတွင် ကျင်းတစ်ခုတူးထားပြီး အသစ်စက်စက် Gravestone တစ်ခုကိုလည်း စိုက်ထူထားလေသည်။ ထို့နောက် ထိုမြေကျင်းဘေးတွင် အနက်ရောင်ပြောင်လက်နေသော ကျွန်းသစ်သားခေါင်းတစ်ခု။

ထိုမြေကွက်လပ်နေရာတွင် ဒူးထောက်ထိုင်ချကာ အခေါင်းကို အသိစိတ်မဲ့နေသူတစ်ဦးလို တွေတွေကြီး စိုက်ကြည့်နေသော လူတစ်ယောက်။ ဆံပင်တွေကလည်း ပွယောင်းနေလျက် မျက်လုံးအကြည့်တွေပါ မှိုင်းညှို့လျက်။ သို့သော် လက်သီးတွေကိုတော့ နီရဲသွားသည်အထိ ကျစ်ကျစ်ပါအောင် ဆုပ်ထားလျက်။