Star Love (I)

Epilogue

Background Music - Star By Jay Park

***************************************************************************

Unicode

***********

You are the only star that can shine my heart.

Autumn ဟုခေါ်သော ဆောင်းဦးရာသီအချိန်။

တောင်ပေါ်မြို့လေးတစ်မြို့ဖြစ်သော Avalon City မြို့ထဲရှိ လှပသော အရောင်တောက်ပသော နီယွန်မီးရောင်တွေကြား မြို့သူမြို့သားများသည် မီးပုံးရောင်စုံလေးတွေကို ကိုယ်စီကိုယ်စီကိုင်စွဲလျက် တစ်မြို့လုံးအနှံသွားလာနေကြလေသည်။ လူတွေလက်ထဲမှာ မီးပုံးရောင်စုံလေးတွေကို ကိုင်ထားသည်သာမက တစ်မြို့လုံးကိုလည်း နီယွန်မီးများဖြင့် ထိန်ထိန်ညီးနေအောင် ထွန်းထားလေသည်။ ထို့အပြင် တစ်မြို့လုံးရှိ အိမ်တိုင်းဆိုင်တိုင်းကိုလည်း မီးလုံးများ မီးပုံးများဖြင့် အလှဆင်ထားပြီး သိမ်းငှက်ပုံကြီးတွေ Pheonix ငှက်ပုံကြီးတွေကိုလည်း မီးလုံးများဖြင့် အလှဆင်ထားသည်ကိုပါတွေ့ရလေသည်။ ဒါကြောင့် ပတ်ဝန်းကျင်တစ်ခုလုံး ထိန်ထိန်ညီးလျက် တောက်ပနေလေသည်။

Avalon City ရဲ့အထင်ကရ ပွဲတော်တစ်ခုဖြစ်တဲ့ မီးထွန်းပွဲတော်ဆိုသည်မှာ စပျစ်ပေါ်သော ရာသီတွင် ကျင်းပသော ပျော်ပွဲရွှင်ပွဲတစ်ခုဖြစ်တဲ့အတွက် Avalon မြို့သူမြို့သားများအားလုံး ပျော်ရွှင်စွာဖြင့် မြို့လုံးကျွတ်ပါဝင်ဆင်နွဲကြခြင်းဖြစ်လေသည်။

အပြုံးကိုယ်စီဖြင့် သွားလာနေကြသော လူတွေနဲ့ ထိန်ထိန်ညီးနေသော မီးရောင်များရဲ့ပေါင်းစပ်မှုကြောင့် ဖြစ်ပေါ်လာသော လှပမှုများကြားတွင် အတောက်ပဆုံးသော အလှပဆုံးသော အရာတစ်ခုကို မီးလျှံ ခပ်လှမ်းလှမ်းအဝေးတစ်နေရာကနေ ငေးကြည့်နေမိလေသည်။

ကြယ်ကလေး။ ရှိုင်းလို့ခေါ်သော ကြယ်ကလေး.။

အရင်တုန်းကလိုမျိုး ခန္ဓာကိုယ်က ပျော်ရွှင်မှုကြောင့် ငွေရောင်အလင်းတန်းတွေ တောက်ပနေခြင်းမရှိသော်ငြား မျက်နှာထက်တွင် ဆင်မြန်းထားသော ခွက်ဝင်နေသော ပါးချိုင့်လေးတွေနှင့်တွဲလျက် အပြုံးလေးကမှု ဘေးပတ်ဝန်းကျင်တွင်ရှိသမျှ နီယွန်မီးရောင်တွေထက်ကို တောက်ပနေသည်ဟုပင် ထင်ရလောက်အောင် လှပလေသည်။