Bcckground Music - I hate you, I love you By Gnash ( Conor Maynard's Cover)
************************************************************************************
Unicode
****************
Flame's Love Part (2)
ရုတ်တရတ်ကြီး မိမိကို လာတိုက်ခိုက်သော သြဂတ်စ်ကြောင့် မီးလျှံ ဒေါသက ထောင်းခနဲထွက်သွားသည်။ မြေပြင်ပေါ်ကို လဲကျသွားရကနေ ချက်ချင်းပြန်ထရပ်လိုက်ကာ မီးလျှံအား တိုက်ခိုက်လာသူ သြဂတ်စ်ကို မျက်နှာချင်းဆိုင်ရင်ဆိုင်လိုက်ပြီး မေးလိုက်မိသည်။
''မင်း ဒါဘာလုပ်တာလဲ''
''ခင်ဗျားခေါင်းထဲကို အသိစိတ်လေးနည်းနည်းဝင်လာအောင် လုပ်ပေးလိုက်တာ''
သြဂတ်စ်စကားကြောင့် မီးလျှံ ဒေါသပိုထွက်သွားသည်။ သို့သော် ပေါက်ကွဲထွက်လိုက်ချင်စိတ်တို့ကို ထိန်းချုပ်ကာ ပြောလိုက်သည်။
''အခုအချိန်မှာ ငါ့စိတ်တွေက ဆတ်ဆတ်ထိ မခံနိုင်လောက်အောင်ကို ကြွပ်ဆတ်နေတယ် Alpha .. ဒေါသတွေကိို လာမဆွဘဲ လာရာလမ်းက လှည့်ပြန်လိုက်တာကောင်းမယ်.. ငါ အခုအချိန်မှာ သူများ အသတ်ကို မသတ်ချင်ဘူး.. ''
မီးလျှံရဲ့အပြောကို သြဂတ်စ်က ဂရုမစိုက်ဟန် ဖြင့် ပြောလိုက်သည်။
''ကျုပ်ကလည်း ခင်ဗျား ဘာဖြစ်ဖြစ် ဂရုမစိုက်ဘူး... ဒါပေမယ့် ခင်ဗျားက အရမ်းတန်ဖိုးကြီးတဲ့အရာကို ပိုင်ဆိုင်ထားရပေမယ့် တန်ဖိုးမထားဘဲ အန္တရာယ်ကြားထဲကို တွန်းပစ်လိုက်လောက်အောင် အမှောင်တွေ ဖုံးလွှမ်းနေလို့ နည်းနည်းလောက် အသိစိတ်ဝင်သွားအောင် လာပြောတာ.. ခင်ဗျားကြောင့် နှလုံးခွဲထုတ်ပြီး ယဇ်ပူဇော်ခံရတော့မယ် ရှိုင်းဘက်ကိုနည်းနည်းလောက်ဖြစ်ဖြစ် လှည့်ကြည့်ပေးဖို့လာပြောတာ.. ''
ဒေါသမျက်လုံးများဖြင့် ပြောလာသော သြဂတ်စ် အပြောကို ကြားတော့ မီးလျှံက အလွန်ရယ်ရသော ပြက်လုံးတစ်ခုကို ကြားရသလို မျက်နှာကို လန်ထွက်သွားသည်အထိ ဟက်ဟက်ပက်ပက်ရယ်လိုက်မိသည်။ ရှိုင်းနှင့် ပတ်သက်တော့ လူများအားလုံး ရှိုင်းကအစ အတကြီးကြသည်။ ကိုယ့်အတွက်ဘဲ ကိုယ်ကြည့်ကြသည်။
ESTÁS LEYENDO
Star Love (I)
FantasíaYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
