Unicode
*************
Flame's Haatred Part (1)
မီးလျှံရဲ့ ရင်ထဲမှာ....
မီးတောင်ပေါက်သလို ပေါက်ကွဲနေကာ ဒေါသတွေ စိုးရိမ်စိတ်တွေဖြင့် ပူပြင်လောင်မြိုက်နေသည်။
တဝုန်းဝုန်းတိုက်ခတ်နေသော လေပြင်းတွေရဲ့အရှိန်နှင့် မိုင်ကုန်မောင်းနေသော ကားရဲ့အရှိန်သည်ပင် မိမိရဲ့စိတ်စောနေမှုျကို မမှီနိုင်။
တစ်မြို့လုံးကိုလိုက်ရှာပြီးနောက်ပိုင်း၊ လယ်ရီဆီက ဘားကိုလည်း ပြန်ရောက်မလာဘူးဆိုတာကို သိခဲ့ရပြီးနောက်ပိုင်း မီးလျှံရဲ့ စိုးရိမ်မှုတွေနဲ့ ဒေါသမီးတွေက ပိုဆိုးလာတော့တာဖြစ်သည်။
လူတစ်ယောက်အတွက် ပူပြင်းလောင်မြိုက်ရတာမျိုး ရှည်လျားလှသော သက်တမ်းတစ်လျှောက်မှမရှိခဲ့ဖူး။ မခံစားရခဲ့ရဘူးပေ။
ကားစတီယာရင်ကို ကိုင်နေရင်းမှာပင် ဆောင့်တက်လာသော ဒေါသတွေနှင့်အတူ တင်းတင်းကြပ်ကြပ်ဆုပ်ကိုင်လိိုက်မိတာကြောင့် ကားစတီယာရင်တွင် လက်ရာကြီးပင် ချိုင့်ဝင်နေလေပြီ။
ရှိုင်းတစ်ယောက် ဘယ်ကိုများရောက်သွားသည်လဲ။ အရင်တစ်ခါတုန်းကလိုဘဲ စုန်းကဝေတစ်ယောက်ယောက်ကများ ဖမ်းခေါ်သွားလေသည်လား။ တစ်ခုခုဖြစ်သွားရင် ဘယ်လိုလုပ်မလဲ။
ထိုသို့သော မေးခွန်းပေါင်းများစွာက မီးလျှံကို အသေသတ်နေသည်။ ဦးနှောက်တစ်ခုလုံးကို မီးမြိှုက်နေသလို ပွက်ပွက်ဆူစေလေသည်။
ရှိုင်းကိုစိုးရိမ်နေသလို တစ်ဖက်တွင်လည်း အခုအချိန်ထိ လုံခြုံနေသေးသည်လို့ပင် စိတ်ထဲယုံကြည်နေမိသလို။
ရှိုင်းရဲ့လည်ပင်းမှာဆွဲထားသော ပယင်းကျောက် မိမိတွင်လည်းရှိရင်ကောင်းမည်။ ချက်ချင်းပင် ရှိုင်းရှိနေရာကို လိုက်သွားနိုင်မည်။ အခုတော့ ရမ်းသမ်းမှန်းဆကာ လိုက်ရှာနေရုံသာ။ မိမိဆီမှလွဲပြီး သွားစရာနေရာမရှိတဲ့ ရှိုင်းဟာ တစ်စုံတစ်ခုဖြစ်မနေဘူးဆိုရင် နောက်ဆုံးမိမိအိမ်ကိုသာ ပြန်လာလိမ့်မည်ဆိုတာကို သိနေသဖြင့် မီးလျှံတစ်ယောက်ကားကို တောစပ်ကိုသာ မောင်းလာလေတော့သည်။
DU LIEST GERADE
Star Love (I)
FantasyYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
