Star Love (I)

Chapter (8)

Unicode

******************

Start of Our Destiny Part (3)

သြဂတ်စ်(August ) Nebbia တောအုပ်ထဲကိုရောက်တော့ သန်းခေါင်ကို တော်တော်ကျော်နေပြီဖြစ်သည်။

Flame ကိုလိုက်ရှာဖို့ တခြား Werewolf တွေ ထွက်သွားကြတာ ကြာပြီဖြစ်သော်ငြား သြဂတ်စ်က တမင်ပင်နောက်က ချန်နေခဲ့တာဖြစ်လေသည်။ သူရဲ့ ရည်ရွယ်ချက်က ကြယ်လေး မားကပ်စ်တို့လက်ထဲ ရောက်မသွားဖို့၊ ကြယ်လေးကို အပါခေါ်နိုင်ဖို့ပင်ဖြစ်သည်။

ဒါကြောင့် Werewolf ပုံစံဖြင့် သည်းကြီးမည်းကြီးလိုက်မရှာ။ လူသားအသွင်ပုံစံဖြင့်ပင် တောထဲတွင် ဖြည်းဖြည်းနှင့် မှန်မှန်လိုက်ရှာနေမိသည်။

Werewolf Alpha ရဲ့ သားဖြစ်သူ သြဂတ်စ်က Nebbia Werewolf အုပ်စုထဲတွင် အလျင်မြန်ဆုံး၊ ခွန်အားအကြီးမားဆုံး၊ အနံ့ခံအကောင်းဆုံး နှင့် အမဲလိုက်အတော်ဆုံးဖြစ်သည်။ ဒါကြောင့် လူသားတစ်ယောက်ကို နောက်ယောင်ခံလိုက်နိုင်ဖို့က သြဂတ်စ်အတွက် သိပ်မခက်ခဲပေ။

ထို့အတူ နောက်က နောက်ယောင်ခံလိုက်လာတာကိုလည်း ဘယ်သူမှ သတိမထားမိအောင်လည်း ဘယ်လိုလုပ်ရမယ်ဆိုတာ ကောင်းကောင်းကျွမ်းကျင်ပြီးသား။

သြဂတ်စ်အရင်ဆုံးရောက်သွားတာက Nebbia တောအုပ်ထဲက Flame တို့မိသားစုနေထိုင်ခဲ့သော အိမ်ကြီးဆီသို့။

Flame တို့အိမ်ကြီးရဲ့ ခြံဝမှတဆင့် Flame ရဲ့ခြေရာတွေကို ကြည့်ကာ တောလယ်က ရေကန်နားဆီကိုရောက်လာလေသည်။

သြဂတ်စ်ရေကန်နားကိုရောက်တော့ ထိုရေကန်အနားတွင်ရှိသော ဝံပုလွေ အသေနှစ်ကောင်ကိုတွေ့လိုက်ရလေသည်။ ထို့နောက် သွေးတွေ အများကြီး မြေကြီးပေါ်တွင်ပေနေတာကိုပါ တွေ့လိုက်ရလေသည်။

သြဂတ်စ် ထိုဝံပုလွေနှစ်ကောင် အနားတွင် ဒူးထောက်ထိုင်ချကာ သွေးတွေကို စစ်ဆေးကြည့်လိုက်လေသည်။

သွေးတွေက အမျိုးအစားသုံးမျိုးကွဲနေသည်။ ဝံပုလွေတွေရဲ့သွေး၊ Vampire တစ်ယောက်ရဲ့သွေးနှင့်် နောက်ဆုံး တစ်ခုက လူသွေးဖြစ်သည်။ သေချာတာကတော့ Vampire သွေးက Flame ရဲ့သွေးဖြစ်ပြီး လူသွေးကတော့ ကြယ်လေးရဲ့သွေးဖြစ်နိုင်လေသည်။