Star Love (I)

Chapter (44)

Background Music- Too Good At Goodbyes by Sam Smith

***********************************************************************************************

Unicode

************

Flame's Love Part (3)

Nebbia တောအုပ်ထက်ကို ကြောက်စရာ ခြောက်ခြားစရာကောင်းသော တောတွင်းတစ်နေရာ။ ရာသီဥတုက သွေးချောင်းစီး တိုက်ပွဲတစ်ပွဲ ဖြစ်ပေါ်လာဖို့အတွက် အဆင်သင့် ပြင်ဆင်ထားပေးသလိုမျိုး အရာအားလုံး ငြိမ်သက်လျက်။ ကောင်းကင်ပေါ်က တိမ်တိုက်ကြီးများက ရွေ့ပင်မရွေ့။ ကောင်းကင်ပေါ်က တိမ်တိုက်များအထိကို တိိုးထွက်နေသော ငွေရောင်အလင်းတန်းများကို မျက်ခြေမပျက်ခြေရာခံကာ လျင်မြန်စွာပင် ဦးတည်ရာကို သွားလျက်ရှိနေကြလေသည်။

သြဂတ်စ်၊ နိကိုလပ်စ်နှင့် နိကိုလပ်စ်ရဲ့စုန်းကဝေများ။ သြဂတ်စ်သည် သူ့ရဲ့ Werewolf Beta များကို ခေါ်မလာခဲ့ပါ။ တစ်ယောက်တည်းသာ လိုက်ပါလာတာဖြစ်သည်။

နောက်ဆုံးအနေဖြင့် ရှိသမျှအားအင်တွေကို စုစည်းကာ မားကပ်စ်ကို သေအောင် သတ်ပစ်ပြီး ရှိုင်းကို ကယ်တင်ဖို့ရည်ရွယ်ချက်ဖြင့်။ သေချာကြိုတင်စီစဉ်ကာ ကယ်ထုတ်လို့ ဘယ်လိုမှကြိုးစားလို့မရတော့သည့်အတွက် နောက်ဆုံးအကြံအစည်အနေဖြင့် ဒီအတိုင်း အင်အားသုံးကာ တိုက်ခိုက်ဖို့ ဆုံးဖြတ်လိုက်ကြခြင်းဖြစ်သည်။ နောက်ဆုံးမရလျှင် ရှိုင်းတစ်ယောက်ကို ခေါ်ကာ လွတ်ရာနေရာကို ခေါ်ထုတ်သွားဖို့ စဉ်းစားထားသည်။

ထိုစဉ် သြဂတ်စ်ရဲ့ နားထဲသို့ မိမိတို့အနားကို လျင်မြန်စွာ ချဉ်းကပ်လာလေသော မြောက်မြားစွာသော ခြေသံများကို စတင်ကြားလိုက်ရပြီး သြဂတ်စ် အံ့သြစွာဖြင့်ပင် ခြေလှမ်းများကို ရပ်တန့်ကာ နောက်သို့လှည့်ကြည့်လိုက်မိလေသည်။

နောက်တွင် ပေါ်လာသော လူများကို မြင်လိုက်တော့ အံ့သြမယုံကြည်နိုင်စွာ ရေရွတ်လိုက်မိလေသည်။

''မင်းတို့တွေ ဒီထိ ဘာလို့လိုက်လာကြတာလဲ.. ''

သြဂတ်စ်ရဲ့နောက်ကို လိုက်လာကြသူတွေကတော့ သြဂတ်စ်ရဲ့ လက်အောက်ခံ Werewolf Beta များ။