Unicode
***********
The Encounter Part (3)
ရှို်င်းကို မီးလျှံဆီကို ပို့ပေးပြီးနောက်တွင်တော့ အခန်းထဲတွင် တစ်ယောက်တည်းကျန်ခဲ့သော သြဂတ်စ်ကို စုန်းကဝေတွေက မှော်ပညာတွေဖြင့် မရုန်းကန်နိုင်အောင် လုပ်လိုက်ကာ အောက်ထပ်ကိုခေါ်သွားရန်ပြင်သည်။
"သူ့ကို အောက်ထပ်က သခင့်ဆီကိုခေါ်သွားကြ"
ဂျွန်ရဲ့ အမိန့်သံအဆုံး သြဂတ်စ်ကို စုန်းကဝေနှစ်ယောက်က လက်မောင်းတစ်ဖက်ဆီမှချုပ်ကိုင်ကာ အောက်ထပ်ဧည့်ခန်းကို ဆွဲခေါ်သွားကြသည်။ ဧည့်ခန်းကိုရောက်တော့ မားကပ်စ်ထိုင်နေရာ ဆိုဖာရှေ့တွင် သြဂတ်စ်ကို ဒူးထောက်ထိုင်ချခိုင်းလိုက်လေသည်။
အောက်ထပ်ကို ရောက်သော် မြင်လိုက်ရသော မြင်ကွင်းကြောင့် သြဂတ်စ်သွေးများ ပွက်ပွက်ဆူလောင်မြိုက်သွားလေတော့သည်။
"ဖေဖေ.."
သြဂတ်စ် စိုးရိမ်တကြီးအော်ဟစ်လိုက်မိသည်။
မားကပ်စ်မှာ ဆိုဖာပေါ်တွင် ကျကျနနထိုင်နေလျက် ဖခင်ဖြစ်သူရစ်ချတ်မှာ မားကပ်စ်လက်ချက်ကြောင့် ဝေဒနာခံစားနေရသည်ကို မြင်လိုက်ရတာ..။
ရစ်ချတ်မှာ နှလုံးကိုဆွဲညှစ်နေသလို အသည်းခိုက်အောင် နာကျင်မှုနှင့်အတူ အသက်ရူလို့လည်း မရသဖြင့် မျက်နှာတစ်ခုလုံးဖြူဆုတ်ကာ မျက်လုံးများကလည်း ပြူးကျယ်နေသည်။ ပါးစပ်မှလည်း တအစ်အစ်အသံထွက်နေရသည်။
ပိုပြီးတော့ ဆိုးရွားနေသည်က ထိုအခြင်းအရာကို မားကပ်စ်က ပျော်ပွဲရွှင်ပွဲတစ်ခုကိုကြည့်နေရသလိုမျိုး အရသာခံပြီး ကြည့်နေခြင်းပင်။
သြဂတ်စ် ဖခင်ဖြစ်သူကို မြင်လိုက်ရခြင်းမှာပင် ချက်ချင်းဒေါသဖြင့် မျက်လုံးများနီရဲလာကာ ခန္ဓာကိုယ်တစ်ခုလုံးလည်း တဆတ်ဆတ်တုန်လာပြီး ဆိုဖာပေါ်တွင် ထိုင်နေသော မားကပ်စ်ကို တိုက်ခိုက်ရန် ကြိုးပမ်းလိုက်မိသည်။
"လွှတ်စမ်း မိစ္ဆာကြီး..."
သို့သော် သြဂတ်စ် လှုပ်ပင်မလှုပ်ရှားနိုင် စုန်းကဝေတွေရဲ့ ချုပ်ကိုင်ထားမှုကြားမှာ ငြိမ်နေရပြီး ဒေါသတကြီးအော်ဟစ်နေရုံမှအပ မတတ်နိုင်။ မျက်စိရှေ့မှာပင် နိုင်ထက်စီးနင်းလုပ်ခြင်းခံနေရသော ဖခင်ကို မြင်နေပါလျက် ဘာမှမကူညီနိုင်သော သြဂတ်စ် ရင်ထဲတွင် ခံရခက်နေသည်မှာ ဘာနဲ့မှနှိုင်းယှဉ်လို့မရ..။
ESTÁS LEYENDO
Star Love (I)
FantasíaYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
