Unicode
***********
Star Begin To Shine Part (1)
ရှိုင်း စက်ဘီးအနီလေးကို အမြန်နင်းကာ စပျစ်စိုက်ခင်းတွေ အဆုံးနားက ဆိုဖီနှင့် ဒန်နီတို့ အိမ်ကို သွားလေသည်။
နွေဦးရာသီဖြစ်တာကြောင့် နေရောင်ခြည်နှင့်အတူ တစ်ဖက်တစ်ချက်တွင် မြင်နေရသော စပျစ်စိုက်ခင်းတွေက အရမ်းကို လှပနေတော့တာ။
မနက်ခင်းရဲ့ လတ်ဆတ်သောလေကို တဝကြီးရှူရှိုက်လိုက်ရင်း စက်ဘီးကို အမြန်နင်းလာမိသည်။
ဆိုဖီနှင့်ဒန်နီတို့ အိမ်ဝရောက်တော့ ခြံဝတွင် ရပ်စောင့်နေကြလေသည်။
ရှိုင်းက စက်ဘီးကို အမြန်နင်းလာရာမှ အမွှာနှစ်ယောက်ရှေ့တွင်ရပ်လိုက်ပြီး စက်ဘီးပေါ်ကဆင်းလိုက်ကာ ဒေါက်ထောက်ရပ်လိုက်ပြီး သူငယ်ချင်းနှစ်ယောက်ကို သွားဖြဲပြလိုက်ရသည်။
ရှိုင်းကိုမြင်တာနှင့် ဒန်နီက လက်သီးချင်းတိုက်ကာ နှုတ်ဆက်သော်လည်း ဆိုဖီကတော့ မျက်ထောင့်နီကြီးဖြင့်ကြည့်ကာ ပွစိပွစိလုပ်ခြင်းလုပ်ငန်းကို စတင်လေပြီ။
"နင် အခုဘယ်အချိန်ရှိနေပြီလဲဆိုတာ သိလား .. ငါတို့နှစ်ယောက် နင့်ကိုစောင့်နေရတာနဲ့နောက်ကျနေပြီ. ဒီနေ့နောက်ကျလို့မရဘူးဆိုတာ သိရဲ့သားနဲ့"
"အေးပါဟ.. ငါလည်းအခုအမြန်နင်းလာတာဘဲ.. မေမေ့ဆီမှာ ခဏအိပ်ပျော်သွားလို့.."
"နင်ကလေ တွေ့ရာနေရာမှာအိပ်တတ်တဲ့အကျင့်နဲ့ တစ်နေနေ့ ဒုက္ခရောက်မှာဘဲ.."
ဆိုဖီ့စကားကို ဒန်နီက ကြားဖြတ်ဝင်ပြောသည်။
"တော်ပါတော့ ဘဲနှုတ်သီးမရယ်.. နင်ပွမ်နေတာနဲ့ နောက်ကျတော့မယ်.. ဟေ့ကောင် ရှိုင်း.. ရော့.."
ဒန်နီက သူ့လက်ထဲက Skate Board လေးကို ရှိုင်းကို ပစ်ပေးလိုက်သည်။ ရှိုင်းက Skate Board ကိုလှမ်းယူလိုက်ပြီး မြေကြီးပေါ်ကိုချလိုက််သည်။ ပြီးတော့ ကျောပိုးအိတ်ထဲက လျှာထိုးဦးထုပ်လေးကို ထုတ်ကာဆောင်းလိုက်ပြီး အပေါ်က Hoodie ကိုပါ ထပ်ဆောင််းလိုက်သည်။ ရှိုင်း ပုံစံကိုကြည့်ပြီးတော့ ဆိုဖီက ထုံးစံအတိုင်းပွစိပွစိလုပ်ကာ ဆရာကြီးလုပ်ပြန်လေပြီ..။
KAMU SEDANG MEMBACA
Star Love (I)
FantasiYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
