Unicode
***********
Star Love's Part (4)
မျက်စိရှေ့ကိုက်တစ်ရာတွင် ပိုပြီးတော့ အုံ့မှိုင်းနေသော မြူအုပ်ကြီးကို တွေ့လိုက်ရလေသဖြင့် မီးလျှံ ပြေးနေသော ခြေလှမ်းတွေကို ရပ်ပစ်လိုက်လေသည်။ လေပြင်းတွေ အရှိန်ပြင်းစွာ တိုက်ခတ်နေတာဖြစ်သော်ငြား ထိုမြူအုပ်ကြီးက ရွေ့လျားခြင်းမရှိိသဖြင့် ထိုနေရာတွင် တစ်စုံတစ်ခုရှိနေတယ်ဆိုတာ သေချာပေါက် သိလိုက်လေသည်။
ထင်သည့်အတိုင်းပင် မီးလျှံ ထိုမြူအုပ်ကြီးနားကို ရောက်သွားချိန်မှာတော့ မသဲကွဲသော မြူအုပ်ကြီးက တစ်ဖြေးဖြေးပျောက်ကွယ်သွားပြီး မားကပ်စ်အပါအဝင် မြောက်မြားစွာသော စုန်းကဝေတွေက ရပ်စောင့်နေကြသည်ကိုတွေ့လိုက်ရလေသည်။
မြူအုပ်တွေ ဖုံးလွမ်းထားသည့်ကြားမှ အနက်ရောင် ဝတ်ရုံများနှင့် စုန်းကဝေများသည် ခြောက်ခြားဖွယ် မနှစ်မြိုဖွယ်အတိဖြစ်နေသည်။ မားကပ်စ်သည် မီးလျှံကို မြင်လိုက်လေသော အခါ မျက်နှာက ကျေနပ်သည့်ပုံစံဖြစ်သွားပြီး နှုတ်ခမ်းကို တွန့်ရုံလေးပြုံးလိုက်လေသည်။
''ငါက မင်းအိမ်အထိ လိုက်လာရတော့မယ်ထင်နေတာ မီးလျှံ.. ''
မားကပ်စ်သည် ငွေရောင် ဝတ်ရုံကို ခေါင်းထိလုံအောင် အပြည့်လွှမ်းခြုံထားပြီး ခါးတွင်လည်း ဆင်စွယ်ဖြင့်ပြုလုပ်ထားသော လက်ကိုင်ပါသည့် ဓားကို ချိတ်ဆွဲထားသည်ကိုတွေ့လိုက်ရလေသည်။
မီးလျှံ ဘာမှမပြောဘဲ မားကပ်စ်ရဲ့ရှေ့တွင် ရပ်ကာ မားကပ်စ်မျက်နှာကိိုသာ စူးစိုက်ကြည့်နေလိုက်သည်။
''မင်းနဲ့အတူတူ တခြားလူတွေကို ခေါ်မလာဘူးဆိုတာသေချာပါတယ်နော်.. နိကိုလပ်စ်တိို့ သြဂတ်စ်တို့... ''
မားကပ်စ်က ထိုသို့ပြောရင်း မီးလျှံရဲ့ အနောက်ဘက်ကို စူးစမ်းသလို ကြည့်လိုက်လေသည်။ မီးလျှံနှင့်အတူ လူတစ်ဦးတစ်ယောက်မှ ပါမလားဘူးဆိုတာ အရမ်းကို သိသာလွန်းနေလေသည်။ တခြား စုန်းကဝေတွေ၊ Werewolf တွေရဲ့ အရိပ်အယောင်လည်း လုံးဝမတွေ့ရသည့်အပြင် ယုတ်စွအဆုံး ကြယ်ကလေးရဲ့ အရိပ်အယောင်ပင် မမြင်ရ။ မီးလျှံ တစ်ယောက်တည်းဆိုတာ အရမ်းကို သေချာနေတော့တာဖြစ်သည်။
ESTÁS LEYENDO
Star Love (I)
FantasíaYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
