Unicode
**********
Flame's Hatred Part (2)
လေပြင်းများ တိုက်ခတ်နေတာကြာပြီဖြစ်ပြီး ကောင်းကင်ပေါ်တွင် တအိအိပြိုကျလုနီးပါဖြစ်နေခဲ့တဲ့ မီးခိုးရောင် တိမ်တိုက်တွေက အခုတော့ အားပြင်းသော မိုးရေစက်များအသွင်ကို ပြောင်းဖို့အတွက် တာစူနေလေပြီ။
ရှိုင်းကတော့ နိကိုလပ်စ်ဘေးတွင် ဒူးထောက်ထိုင်ချကာ ဘာစကားမှမပြောဘဲ ငြိမ်သက်နေသည်မှာ အချိန်တော်တော်ကြာနေပြီဖြစ်သည်။
မီးလျှံထွက်သွားပြီးကတည်းက မျက်ရည်တွေသာ ကျနေရှာကာ အသံလုံးဝမထွက်တော့သော ရှိုင်း။
ငိုနေတယ်လို့ ပြောလို့မရ။ ရှိုက်သံလည်း မကြားရ။ မျက်ရည်တွေသာ တတွေတွေ ကျနေတာဖြစ်သည်။
အလင်းရောင်တွေ အများကြီး တောက်ပခဲ့တာဖြစ်သဖြင့် သေချာပေါက်ကို ရှိုင်းတစ်ယောက်အားနည်းနေတော့မှာဖြစ်သည်။ လဲကျခါနီးအနေအထားမျိုး။
သို့သော် မိုးစက်တွေ သည်းကြီးမည်းကြီးရွာချလာတာတောင်မှ ရှိုင်းက ကျောက်ရုပ်လေးတစ်ရုပ်လို ငြိမ်သက်နေဆဲ။ ခန္ဓာကိုယ်က အလင်းရောင်တွေက တဖြေးဖြေးနှင့် မှေးမှိန်ပျောက်ကွယ်သွားတာကြောင့် စိတ်တွေ တည်ငြိမ်သွားပြီလို့မှတ်ယူနိုင်သော်ငြား အခုထိတဖွဲဖွဲကျဆင်းနေခဲ့သော မျက်ရည်တွေက ရင်ထဲက ဝမ်းနည်းမှု အတိုင်းအဆကို ခန့်မှန်းလို့ရနိုင်တာမို့ နိကိုလပ်စ် ရိီှုင်းအတွက် အရမ်းကို စိတ်ပူနေမိလေသည်။
လဲကျနေရာမှ အားယူထလိုက်ပြီး ရှိုင်းရဲ့ပါးလေးနှစ်ဖက်ကို ခပ်ဖွဖွကိုင်ကာ မျက်နှာလေးကို သေချာကြည့်မိလေသည်။ နိကိုလပ်စ်က စတင်လှုပ်ရှားလိုက်တော့မှ မျက်လုံးလေးတွေက အနည်းငယ် အသက်ဝင်လာကာ ဖခင်ဖြစ်သူကို ကြည့်ကာ မေးလာသည်။
"ဖေဖေအဆင်ပြေရဲ့လား.. "
ထိုမျှခံစားနေရချိန်မှာတောင် မိမိအတွက် စိုးရိမ်ပေးနေသော ရှိုင်းကြောင့် နိကိုလပ်စ်ရင်ထဲတွင် နင့်နေအောင်ခံစားရပါသည်။
နိကိုလပ်စ်က ခေါင်းကို ငြိမ့်ပြလိုက်ကာ ပြန်ဖြေရသည်။
"အားပြတ်သွားသလိုဖြစ်သွားတာ ခဏနားလိုက်ရင် ကောင်းသွားမှာပါ.. ကလေးရော အဆင်ပြေရဲ့လား.. အရမ်းငိုထားတာ မျက်နှာတစ်ခုလုံးနီရဲနေတာဘဲ.. "
YOU ARE READING
Star Love (I)
FantasyYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
