Star Love (I)

Chapter (37)

Background Music - We Are In Love ( 우리 사랑했잖아 ) by Davichi and T-ara

**************************************************************************************

Unicode

*************

Flame's Hatred Part (3)

အပိုင်းပိုင်းကျိုးကျေနေသော ဆိုဖာပေါ်တွင် ပြုတ်ကျနေကာ ရှိုင်းကို အံ့သြတကြီးမော့ကြည့်နေသော မီးလျှံကို ရှိုင်း နာကျင်စွာပင်ကြည့်လိုက်မိသည်။

အခုအချိန်တွင် ရှိုင်းရဲ့နှလုံးသားမှာ အခု မီးလျှံထိုင်ချထားသော ဆိုဖာအပိုင်းများကဲ့သို့ပေ အစိတ်စိတ်အမွှာမွှာ ကျိုးကျေကာ လေးလံသော အရာတစ်ခုဖြင့် ဖိနှိပ်ခြင်းခံထားရသလို ရစရာမရှိတော့ပေ။

မီးလျှံသည် ရက်စက်ခြင်းအတတ်ပညာတွင် အရမ်းကို ကျွမ်းကျင်လွန်းသည်။

နာကျင်ရသည်။ မခံမရပ်နိုင်လောက်အောင် နာကျင်လှသော်လည်း သူ့ကို အပြစ်မမြင်ရက်ပေ။

ရှိုင်းရဲ့ခန္ဓာကိုယ်မှ အလင်းရောင်များက မီးလျှံကို ကြည့်နေရင်း ကြည့်နေရင်းမှာပင် တဖြေးဖြေးနှင့် မှေးမှိန်ပျောက်ကွယ်သွားလေပြီဖြစ်သည်။

မီးလျှံရဲ့မျက်နှာမှာ အံ့သြခြင်းအရိပ်အယောင်တွေရှိိနေရာမှ တဖြေးဖြေးနှင့် ခံစားချက်ကင်းမဲ့သော မျက်နှာအနေအထားကို ပြောင်းလဲသွားကာ မတ်တပ်ထရပ်သည်။

ထို့နောက် ကိုယ့်ရင်ဘတ်ကိုယ်ဖိကာ အသက်ကိုကြိုးစားရှူလျှက် မီးလျှံကို ဝမ်းနည်းစွာဖြင့် စိုက်ကြည့်နေရှာသော ရှိုင်းရဲ့အနားကို တဖြေးဖြေးနှင့်တိုးကပ်လာလေသည်။

"မင်းရဲ့အချစ်တွေဆိုတာ ငါအတွက်တော့ အဆိပ်တွေဘဲ.. ဒါကြောင့် ငါနဲ့ဝေးဝေးကို မင်းထွက်သွားလိုက်တော့ ချာတိတ်.. ကြယ်ကို သတ်ပစ်ဖို့ စဉ်းစားထားခဲ့ပေမယ့် ကြယ်ကမင်းဖြစ်နေတဲ့အတွက် ငါမသတ်ချင်ဘူး.. ငါ့မျက်စိရှေ့ကိုသာ နောက်ထပ်လုံးဝပေါ်မလာပါနဲ့တော့.. မားကပ်စ်တို့နဲ့ ငါနဲ့ ဘာဘဲဆက်ဖြစ်ဖြစ် မင်းနဲ့မဆိုင်သလို မင်းနဲ့ သူတို့ ဘာဘဲဖြစ်ဖြစ် ငါနဲ့မဆိုင်သလိုဘဲ နေပေးပါ.. ငါ့ဘဝမှာ မင်းဆိုတာမရှိတော့ဘူးလို့ စဉ်းစားလိုက်မယ်.. မင်းလဲ အဲ့ဒီလိုဘဲ စဉ်းစားလိုက်ပါတော့.. "