Unicode
****************
The Encounter Part (1)
ရှိုင်း တစ်ယောက်ဟိုလူကြီးနှင့် တွေ့လိုက်မိတဲ့နေ့ကတည်းက ဘာကိုမှအာရုံစိုက်လို့မရတော့ပေ။
ခဏတာသာ တွေ့လိုက်ရသည်။ ထိုလူကြီးက ရှိုင်းကိုပင်မမှတ်မိ။ သို့သော် ရှိုင်းရဲ့ရင်ထဲတွင် အပြင်းအထန်လှုပ်ရှားသွားသည်မှာ ဘယ်လိုမှထိန်းချုပ်မရ။
ထပ်တွေ့ချင်သော စိတ်တို့က ထိန်းမနိုင်သိမ်းမရ...။ ဘာကြောင့်လဲဆိုတာ ဆက်စဉ်းမစားမိ..၊ စဉ်းစားချင်စိတ်လဲမရှိပေ။
ဘာဆက်လုပ်ရမလဲဆိုတာကိုလည်း စဉ်းစားလိို့မရသဖြင့် ရှိုင်း တစ်ယောက်တည်း ကျောင်းက စာကြည့်တိုက်ကို လာမိသည်။ စိတ်အေးလက်အေး တိတ်ဆိတ်သောနေရာတွင် တစ်ယောက်တည်းနေလိုသော ရှိုင်းအတွက်ကတော့ ဒီစာကြည့်တိုက်လိုနေရာမျိုးက အသင့်တော်ဆုံးပင်ဖြစ်လေသည်။ တစ်ယောက်တည်း အတွေးနယ်ချဲ့လို့အကောင်းဆုံးနေရာ..။
ဆိုဖီနှင့်ဒန်နီအမွှာနှစ်ယောက်ကတော့ ရှိုင်း အတန်းမတက်ချင်သဖြင့် သူတို့ကလည်း အတန်းလိုက်မတက်ကြ။ စာကြည့်တိုက်ကိုလိုက်လာကြပြီး စာဖတ်ရန်ထားပေးထားသော စားပွဲများတွင်ထိုင်ကာ စာအုပ်ဖတ်လိုက် အင်တာနက်သုံးလိုက်လုပ်နေကြလေသည်။
ရှိုင်းကတော့ စာကြည့်တိုက်ရဲ့ အတွင်းကျဆုံးနေရာ စာအုပ်စင်များထားထားသော ကြားနေရာတွင် စာအုပ်စင်တစ်ခုကိုမှီကာ ထိုင််ချလိုက်ကာ သီချင်းနားထောင်နေရင်း ပန်းချီဆွဲနေမိလေသည်။
ဒီတစ်ခါတော့ရှိုင်းဆွဲနေမိတာက သူလက်ဆောင်ပေးခဲ့သော ငွေဆွဲသီးပုံလေး။ ဆွဲပေးလိုက်ကတည်းက မနေ့က သူ့ကိုတွေ့လိုက်လို့ သတိလက်လွတ်ဆွဲချွတ်လိုက်မိတဲ့အချိန်မှအပ တစ်ခါမှကို လည်ပင်းက မချွတ်ခဲ့ဖူးသော လည်ဆွဲ။ လှုပ်ရှားနေသော စိတ်တို့တည်ငြိမ်သွားစေရန် ပန်းချီကိုသာ စိတ်နှစ်ဆွဲနေလိုက်မိသည်။
ထိုစဉ်
ရှိုင်းစိတ်ထဲတွင် ရှိုင်းကို တစ်စုံတစ်ယောက်က စောင့်ကြည့်နေသလိုမျိုးခံစားချက်ကို ခံစားလိိုက်ရသလို ရှိုင်းကျောထဲတွင်လည်း စိမ့်ခနဲဖြစ်သွားလေသည်။
ESTÁS LEYENDO
Star Love (I)
FantasíaYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
