Unicode****************
Star Is Awakened Part (3)
စုန်းကဝေတိို့ရဲ့ နေရာ မြေအောက်ခန်းကျယ်ကြီး။
ထိုနေရာသည် ခေတ်အဆက်ဆက် ကြယ်လေးတွေရဲ့ စွမ်းအင်ကို လွှဲပြောင်းရယူသော ယဇ်ပူဇော်ပွဲများကို ကျင်းပရာနေရာပင်ဖြစ်သည်။ အခုတော့ ဒီနေရာကြီးက ခြောက်ကပ်လျက်ရှိလေသည်။
အရင်တုန်းက ကြယ်အစွမ်းတွေကြောင့် အမြဲလင်းလက်နေခဲ့တဲ့ ဖန်သားပြင်ကြီးဟာ အခုတော့ လုံလောက်သော အလင်းရောင်ကို မပေးစွမ်းနိုင်တော့ပေ။ ကြယ်လေး၏တည်နေရာကို အာရုံခံနိုင်လောက်တဲ့အချိန်အထိ အလင်းရောင်တွေ မပေးစွမ်းနိုင်တော့။
မြေအောက်ခန်းကြီးရှိ စုန်းကဝေအမှတ်အသားတည်ရှိရာ ဖန််သားရောင်စုံနံရံရှေ့တွင် မားကပ်စ်သည် ငူငူကြီး ရပ်နေလျက်ရှိလေသည်။ မားကပ်စ်သည် အရင်တုန်းကထက်ပင် ပိုပြီးတော့ အိုမင်းရင့်ရော်သည့်ဟန်ပေါက်နေလေပြီ။ စုန်းကဝေတို့ မှော်စွမ်းအင်တို့ကို အဓိက ထုတ်သုံးရာကိုယ်အင်္ဂါဖြစ်သည့် လက်များသည်ကား အရေတွေတွန့်လျက် ကောင်းစွာ အလုပ်မလုပ်နိုင်တော့။
စုန်းကဝေခေါင်းဆောင်ဖြစ်သော မားကပ်စ်မှာ ကြယ်စွမ်းအင်များကို လွှဲပြောင်းရယူသင့်သည့်အချိန်တွင် လွှဲပြောင်းရယူခြင်းမပြုခဲ့နိုင်။ နှစ်ပေါင်းနှစ်ဆယ်နီးပါးရှိနေလေပြီ။ ကြယ်စွမ်းအင်ကို အခြေတည်ပြီး လေ့ကျင်မှုတွေ ပြုလုပ်ထားခဲ့တဲ့ မှော်ပညာတွေက ကြယ်စွမ်းအင်လိုအပ်နေသော အချိန်တွင် မရယူနိုင်ခဲ့သဖြင့် လျှော့ပါးလျက်ရှိနေလေပြီ။
ဒါကြောင့် လေယူရာ ယိမ်းတတ်သည် တချို့စုန်းကဝေတို့သည် အင်အားနည်းစပြုနေပြီဖြစ်သော မားကပ်စ်တို့ကို ပုန်ကန်ကြလေပြီဖြစ်သည်။ အရင်ကလို ပုန်ကန်သူတိုင်းကို လိုက်ရှာကာ အပျောက်ရှင်းနိုင်သည့် အင်အားလည်း မားကပ်စ်တွင်မရှိတော့။ မားကပ်စ်အတွက် သစ္စာခံပေးမည့်လူများကလည်း တစ်စတစ်စနှင့် နည်းလာပေပြီ။ ကြာလျှင် မိမိတွင် နှမ်းစေ့လောက်ပင် အင်အားမရှိတော့မှာကို အရမ်းကိုကြောက်နေမိလေသည်။
VOCÊ ESTÁ LENDO
Star Love (I)
FantasiaYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...