Unicode
*****************
Star Is Awakened Part (1)
ကောင်းကင်ကြီးတစ်ခုလုံး မည်းမှောင် အုံ့မှိုင်းမည်းမှောင်နေကာ မိုးစက်မိုးပေါက်များကလည်း တဝေါဝေါနှင့် သည်းကြီးမည်းကြီးရွာချနေလေသည်။
သို့သော် တစ်ခုသော Highway လမ်းမပေါ်တွင် ပြင်းထန်လှသည့်ရာသီဥတုကြားမှ သည်းထန်စွာကျဆင်းနေသော မိုးစက်များကို အံ့တုကာ Hammer ကားတစ်စီးက တရိပ်ရိပ်ပြေးလျက်ရှိနေသည်။
ကားပေါ်တွင်တော့ ကားမောင်းနေသော မီးလျှံနှင့် လယ်ရီတို့ရှိနေသည်။
မိုးစက်မိုးပေါက်တွေက အရမ်းကို များပြားနေသည့်အပြင် အရှိန်ပြင်းလွန်းလှစွာ ရွာသွန်းနေတာဖြစ်ပြီး ကားမှန်Wiper တောင် သိပ်မနိုင်ချင်တော့တဲ့အတွက် လမ်းရှေ့ကို သိပ်မမြင်ရတာကြောင့် ကားကို သေချာ အာရုံစိုက်ကာမောင်းနေရလေသည်။ လယ်ရီကတော့ မီးလျှံဘေးတွင် စကားတစ်ခွန်းမှမပြောဘဲ ငြိမ်သက်စွာလိုက်ပါလာလေသည်။
မိုးကတော့ ဒေါသတကြီးကို တဝေါဝေါရွာသွန်းနေလျက် တစ်ခါတစ်ရံ လျှပ်စီးနှင့် မိုးကြိုးများပင်ဖြစ်ပေါ်လာသော်လည်း မီးလျှံကတော့ မိုးစက်များနှင့် အပြိုင်ကို ကားကို လျှင်မြန်စွာမောင်းလျက်ရှိနေသည်။
ကားမောင်းတာ အရှိန်အရမ်းပြင်းလွန်းတာကြောင့် တစ်ချိန်လုံးငြိမ်လိုက်လာသော လယ်ရီ မနေနိုင်သဖြင့် သတိပေးရလေပြီဖြစ်သည်။
"မီးလျှံ.. အရှိန်ကိုနည်းနည်းလောက်တော့ လျှော့ပါဗျာ.. ကျွန်တော်တို့ အလျင်လိုနေတာလည်း မဟုတ်ဘဲနဲ့.. ကားမှောက်လို့ ကျွန်တော်တို့ မသေနိုင်ဘူးဆိုပေမယ့်လည်း .. မဖြစ်တာကတော့ အကောင်းဆုံးပေါ့.. မဟုတ်ဘူးလား.. "
လယ်ရီက နောက်သလိုလို ပြောင်သလိုလိုနှင့် သတိပေးလိုက်တာကို မီးလျှံက ကားကိုအရှိန်မလျှော့ဘဲ ဆက်မောင်းနေရင်းမှပြောလိုက်သည်။
"မြန်မြန်သွား.. မြန်မြန်ပြန်ချင်လို့.. "
"အဲ့ဒီလို အလျင်လိုစရာမှမလိုတာ.. နောက်ကျနေရင်လည်း ညအိပ်လိုက်ပေါ့.. ရတာဘဲ.. "
KAMU SEDANG MEMBACA
Star Love (I)
FantasiYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
