Background Music- One call away by Charlie Puth
********************************************
Unicode
***********
The Encounter Part (2)
"ပါပါးက သာမာန်လူတော့ မဟုတ်ဘူးမလား.."
တောနက်ထဲက အထွက် ရှိုင်းကို တစ်နေရာခေါ်သွားရန် ကားဖြင့်သွားနေသော လမ်းမှာ ရှိုင်းကသြဂတ်စ်ကို မော့ကြည့်ရင်းမေးလိုက်တာဖြစ်သည်။
ရှိုင်းနှှင့်သြဂတ်စ်က နောက်ခန်းတွင် ဘေးချင်းကပ်ထိုုင်နေလျက် တောထဲတွင် ရှိုင်းကို ၀ိုင်းထားကြသော လူသုံးယောက်မှ နှစ်ယောက်က ရှေ့ခန်းတွင်ထိုင်ပြီး.. နောက်တစ်ယောက်ကတော့ ဘယ်ရောက်သွားမှန်းမသိတော့ပေ။
သြဂတ်စ်ရှိုင်းကို လှည့်ကြည့်လိုက်မိတော့ ရှိုင်းရဲ့မျက်နှာက ပကတိတည်ငြိမ်နေလျက် ခေါင်းထဲတွင် ဘာအတွေးတွေရှိနေလဲ စဉ်းစားလို့မရ.။
သြဂတ်စ်ဘာမှပြန်မဖြေမိ..။ ရှေ့ကိုသာ တည့်တည့်ကြည့်နေလိုက်မိသည်။
ရှိုင်းက တစ်ချက်ပြုံးသည်။ ပြီးတော့ ပုံမှန်လေသံအေးအေးလေးဖြင့်ပင်ဆက်ပြောနေသည်။
"ကျွန်တော် အရင်ကတည်းက ခန့်မှန်းမိပြီးသားပါ.. ပါပါးက အသက်လည်း ပိုကြီးမလာဘူး.. ကျွန်တော် အလင်းရောင်တွေတောက်နေရင်လည်း ပါပါးမမြင်ရဘူးလို့ပြောပေမယ့်လည်း ပါပါးမြင်ရတယ်ဆိုတာ ကျွန်တော်သိတယ်..."
ရှိုင်း စကားကိုု ခဏရပ်လိုက်သည်။ ပြီးတော့ ရှိုင်းကို မျက်နှာချင်းမဆိုင် ရှေ့ကိုသာ စိုက်ကြည့်နေသော သြဂတ်စ်ကို သေချာစိုက်ကြည့်ပြီး မေးလိိုက်သည်။
"ပါပါးက ရိုးရိုးသာမန်လူတော့ မဟုတ်ဘူးမလား.. ကျွန်တော့်ကိုပြောပြပါ.."
"မင်းအခု သိသွားပြီဘဲမလား.. ဘာလို့အပိုတွေမေးနေရသေးတာလဲ.."
သြဂတ်စ် ခပ်ဆတ်ဆတ်ပြောလိုက်တော့ ရှိုင်း ငြိမ်သွားပြန်သည်။ သိချင်တာရှိလျှင် မရမက မသိရမချင်း ရအောင်မေးတတ်သော ရှိုင်း ခဏသာငြိမ်နေပြီးထပ်မေးပြန်သည်။
DU LIEST GERADE
Star Love (I)
FantasyYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
