Chasing Hearts (DH 6 || Completed)

Kabanata 46.

A/N: Baby Clive on he multimedia Baby'ng baby pa sya dyan. Look at his nose! Manang -mana sa daddy, ang tangos!  :)


Kabanata 46:

I was breast-feeding Clive when Clyde enters our room. Kaagad siyang nag-iwas ng tingin pagkakita sa ayos naming mag-ina. Minsan ay gusto ko nalang batuhin ng kung ano si Clyde, eh. Kailan kaya siya masasanay na makita akong nagpapadede ng anak namin?

"Sorry." He said before he walks towards us.

"Sorry? You've seen me naked, Claudio! Nauna ka pa ngang dumede sakin kaysa sa anak mo." I laughed hard making him glared at me. Tinaasan ko naman siya ng kilay.

"It's so unfair. Hindi ko pa rin maalala kung paano natin ginawa si Clive." Umakto pa siya na tila pinipilit ang sariling isipin kung paano nga namin iyon ginawa. "Ginapang mo ba ako?"

Hinampas ko siya ng hotdog pillow ni baby. "Baliw! Hindi kita kailangang gapangin dahil willing ka naman na gawin iyon. Ilang taon ka nga bang nagpigil?" sumibangot siya bigla. Lately ay napapansin ko na ayaw niya ng tinutukso.

Ang nakagising na si baby Clive ay kaagad na bumitiw sa akin at sumama sa ama. Kung minsan ay gusto ko ng magtampo dahil mas gusto na niyang sumama sa daddy niya kaysa sa akin na parang sumasama nalang siya sa akin kapag no choice o di kaya'y nagugutom.

"Ano'ng gagawin natin? Should we move here in Canada?" Clyde asked after a while.

Clive has skin allergy and the doctor suggested that we stay here in Canada. Masyado raw kasing mainit ang klima sa Pilipinas para kay Clive. But our baby's condition is curable lalo na kung maaagapan. The rashes on his skin was caused by too much exposure to sunlight. The doctor assured us that it is not a serious case. Ang naging sanhi naman ng lagnant ni baby Clive ay ang tumutubong ngipin so there is really nothing to worry about.

Umiling ako. His family were mostly in the Philippines samantalang ako, kami nalang sa mga Amorsolo ang nananatili sa Pilipinas. At kung ako ang masusunod ay mas gusto kong sa Pilipinas manirahan lalo na at doon na ako lumaki at nagkaisip.

"Your family is there at maging ang business ninyo. Hindi nga ba at sa'yo ibibigay ang Telpace Medical Hospital? You should be there."

"Kay Kuya Axl nalang kaya lahat? Mag-aalaga nalang ako ng anak natin."

Sinabunutan ko ang kulot niyang buhok. Medyo mahaba na iyon kaya may nasasabunutan na talaga ako sa kaniya. Kaunti nalang at halos pareho na sila ni Dwight ng buhok – mukhang hindi nausuhan ng suklay.

"A-aw!" daing niya.umirap ako.

"Mamaya at sa kama kita sinasabunutan di ka umaaray tapos ngayon..." bulong ko habang patungo sa closet ni baby.

"Ano 'yon?"

"Wala!"

"Baby 'yung mommy mo baliw na. As in baliw na sa atin."

Humagikgik naman si baby Clive na animo naintindihan ang sinabi ng ama. Kaya hayun, hinayaan ko nalang si Clyde na siraan ako sa anak naming basta masaya sila, okay na ako. Huwag lang sanang lumaking maloko na tulad ni Clyde si Clive.

"Kidding aside, Claudio," naupo ako paharap sa kanila ni baby. "We can't stay here for good. Nasa Pilipinas ang buhay natin. As for Clive, nagprisinta naman sila Auntie na maaari muna siyang dumito."

"No. We're not leaving him here, Amber."

"You still need to study, Clyde. At sino ba ang nagsabing iiwan natin ng mag-isa si baby dito? I'll stay here while you're studying.  I won't leave our son until I made sure that he's safe to go back to the Philippines."