நீ
சிரிச்சுத்
தள்ளித்
தவழ்ந்து
விழுந்து
நடந்து
ஓடிப்
பாடி
ஆடுன இடமெல்லாம்
நான் போறேன்
உன் காலடித்தடம் கூட
காணலயே !
காடும் மேடும்
கண்ட கவியெல்லாம்
பாடி வச்சதென்னவோ
உன் பெரும தானடி !
வீட்டுக் குழந்தைக்கும்
இல்லாத சிறப்பெல்லாம்
ஊர் பெத்த மவராசி
உனக்குன்னு இருந்துச்சு !
கல்லு முள்ளு
காடு மலையெல்லாம் தாண்டி வந்து
ஒத்த ஓட்டத்துல ஓஞ்சே போயிட்டயோ !
நீ பெத்த மண் குழந்தைய
நாம் பறித்த கோவமோ !
இலக்கணம் எழுதுனமே
உந்தன் தலக்கணம் புரியலயே !
வாக்கப்பட்டது
காட்டுமிராண்டி கூட்டமுன்னு
பொறந்த வீடே
போயிட்டியோ !
உன் வரவ எதிர்பார்த்து
ஊரு சனம் காத்திருக்கு !!!
வந்து சேருடி !!! வாய் பெருத்த ராசத்தி !!!
