She's the Man |BBS 1|

Chapter 3 ♦️ News

Max's POV

It was all over the news ang biglaang pagdating ni Chase Luke Raccini, the CEO of the most famous and expensive luxury cars in the world. Namataan kasi ito sa airport at ang nakakapagtataka lang ay hindi nito ginamit ang private jet nito. It could be na baka ginagamit ng tatay nito kaya hindi niya magamit at napilitan magregular plane.

Palipat lipat ako ng channel even sa BBC ay siya yung laman ng balita ang pagdating niya sa Pilipinas. Hindi na yun nakakapagtataka dahil isang kilala at mayaman ang taong yun at talagang hindi yan tatantanan ng media.

"Grabe boss, ang guwapo pala ng Chase na yan. Amoy dollar, amoy guwapo...." Saad naman ni Baldo habang nakikinood din ito ng TV dito sa shop.

"Nga no? Mayaman na nga, guwapo pa. Nasa kanya na ang lahat." Saad ko naman. Napaka-unfair lang naman talaga ng buhay. Kung sino pa yung mayaman sila pa yung mga magaganda at gwapo.

"Sus boss, pogi ka rin naman ah. Hindi ka rin naman papahuli diyan." Saad naman ni Baldo sa akin na nakangisi pa talaga.

Iniumang ko naman sa kanya ang aking kamao. "Wala akong piso Baldo, pero ito willing na willing kong ipamigay ng libre." Saad ko rito. Naiinis ako pagtinatawag nila akong pogi. Hindi naman ako pogi. Pero ano ba magagawa ko, napagkakamalan talaga nila akong tomboy dahil nga sa pormahan ko. Kahit mahaba na nga ang buhok ko, ganun pa rin ang iniisip nila. Malamang kasi sa negosyo at interest ko pati na rin sa pagsasalita at galawan ko.

"Boss naman eh. Pero teka, kelan ulit pupunta yung girlfriend mo dito boss? Si Miss Kate." Tanong naman nito sa akin.

Bestfriend ko yun at hindi girlfriend. Pero napagkakamalan dahil nga binibisita ako, dinadalhan ng pagkain tapos yung abnormal ko na bestfriend napagkakatuwaan yung mga empleyado ko at pinabayaan pa talaga na isipin ng mga ito na girlfriend ko siya. Hindi ko na lang din itinama dahil nga nakakatawa daw yung mga mukha ng empleyado ko.

"Siguro mamaya Baldo, bakit interesado ka?" Nakataas kilay na tanong ko rito. Aba ay mukhang may gusto pa ata to sa bestfriend ko.

"Eh, wala lang boss. Syempre, parang boss na rin namin si Miss Kate dahil nga girlfriend mo siya." Nakangising saad naman nito.

Sipsip talaga ang isang ito. Bigla na lang nagring yung cellphone ko at nakita ko ulit si Chrome na tumatawag. Ano na naman ang kailangan nito?

"Hello Chrome, ano na naman?" Tanong ko rito.

"Good morning din!" Sarkastikong saad nito.

"Ano ba kailangan mo, keaga-aga nambubulabog ka na naman." Angil ko rito.

"Eh kasi po, itatanong ko lang sana kung libre ka ba mamayang gabi." Saad nito sa akin.

"Bakit? Anong meron mamayang gabi?" Tanong ko naman rito. May family gathering ba kami?

"Kasi may karera mamaya sa Macapagal 500k ang pot money and winner takes all." Balita nito.

Namilog naman ang mga mata ko. Ang laki nun sobra! Dati rati kasi ay hanggang sa mga 150k lang yung pot money kasi naman pustahan lang yun ng mga nagkakarera sariling pera tapos ngayon.

"Sige, sige ano bang oras?" Tanong ko kaagad.

"Alas dose, para wala na yung nga panget na nagpapatrol." Sagot naman ni Chrome. "Basta punta ka ah. Tagal mo ng di sumasali mula ng pumunta ka sa US." Saad naman nito.

Tama. Hindi na nga ako sumasali sa karera dito sa Pilipinas but it doesn't mean na hindi ako sumasali sa drag racing doon sa connecticut. Hindi na nga lang ako sumasali rito dito dahil inuna ko muna ang negosyo kasi syempre papasimula pa dati itong negosyo ko kaya hindi pwedeng may kaagaw sa oras.