تضحية أسعدتني

الجزء الرابع

الفصل الرابع
سارة بحرج: اهلا بيك يا فندم انا اسفه مبسلمش علي حد مش محرم ليا
سيف بأعجاب: ولا يهمك وانتي سارة ايه
سارة: سارة عبدالرحمن الهاشمي
سيف: اهلا يا سارة تشرفت بمعرفتك
سارة: الشرف ليا يا فندم بعد اذن حضرتك
سيف ملاطفا لسارة: وهو ينظر في عينيها لسه بدرى خليكي شويه اشربي حاجه طيب
سارة وهى تنظر أرضا: شكرا يا فندم لسه ورايا شغل كتير
انصرفت سارة وسيف يقف ينظر في أثرها ويحدث نفسه حلوة قوي البنت دي لازم اشوفلي سكه معها دا حتي عيب تعدي من تحت ايدي كدا افاق سيف من شروده علي رنين هاتف التقطه واجاب علي الطرف الثاني
سيف: حبيب قلبي وحبيب الملايين ابو حميد واحشني يا غالي
احمد الالفي والد سيف: ايوه يا اونطجي يا باكاش مزعل عمك ليه انت يدوب لسه واصل امبارح لحقت تزعله
سيف: ابدا يابابا انا مزعلتوش هو مصر اني اروح اقعد عنده وانت عارف اني مش برتاح هناك بسبب نرمين بنته طول النهار بتلزقلي زي خيالي حتي بالليل لما باخرج اقابل صاحبي عاوزه تيجي معايا حاجه تقرف
احمد: وفيها ايه ماهي تعتبر خطيبتك
سيف: سوري داد الكلام ده انت اللي اتفقت عليه مع عمي من غير ما تاخد رأيى وانا اصلا نرمين طول عمري بعتبرها اختي مش اكتر
احمد: خلاص مش وقت الكلام ده انت بتعمل ايه دلوقتي
سيف: انا لسه جاي من برة كنت بجري هاخد شور وانزل اروح لعمي عندي ميتنج مع أصحاب الشركه التانيه علشان نمضي عقد الصفقه الجديده
احمد: ياريت تخلص بسرعه وترجع الشركه هنا مقدرش عليها لوحدي وسيبك من البنات اللي وأكله عقلك
سيف: كدا بردوه انت تعرف عني كدا يا حج
احمد: انا اعرف كدا دا انت ابو كدا دا انت كدا نفسه
سيف: ماشي يابو احميد منا طالعلك بردوه
احمد: اخرس انت طالعلي انا انا مفيش في حياتي غير حبيبت عمري مريم امك يا فاسد
سيف: مقبوله منك يا حج علي العموم عاوز حاجه اصل يدوب اخد شور والحق الميتنج
احمد: سلام ومتتاخرش
سيف: سلام يا بابا وسلم علي ست الكل
احمد: ماشي وخد بالك من نفسك
سيف: حاضر مع السلامه
احمد: مع السلامه
انهي سف اتصال والده واتجه للحمام
دعوني اعرفكم علي عائلة سيف الالفي فهو بطل الروايه والده هو احمد الالفي هاجر الي انجلترا بعد وفاة والديه مثل كل الشباب الذي حلم بالهجرة من أجل العمل وتأسيس مستقبل يشرف به ليس لديه غير أخ واحد وهو محمود الالفي وكانت عائلة احمد متوسطة الحال والده موظف حكومي بسيط ووالدته ربة منزل منذ أن هاجر احمد الي انجلترا وعمل بجد من أجل الحصول على المال عمل في مطعم وكافيه وفي عدة مصانع عامل بسيط لم يتكبر علي عمل طالما عمل شريف وضع القرش علي القرش والمليم علي المليم وجمع مبلغ لا بأس به واستأجر أحد الأماكن البسيطه وعمل كا متعهد توصيل خضروات للمطاعم والفنادق وأخذ عمله في الاتساع فقام باستاجر أحد الأماكن التي تؤجر للشركات وافتتح اول شركه لديه وأرسل الي أخيه محمود في مصر ايضا المال الازم لا افتتاح شركه تصدير واستيراد فاكانت مهمة محمود شراء الخضروات والمنتجات الغذائيه وتصديرها لشركة أخيه في انجلترا توسع عملهم في خلال عامين كانت شركاتهم من أهم شركات التصدير والاستيراد في مصر وانجلترا وفي خلال رحلة كفاح احمد في انجلترا تعرف علي ماري فتاه انجليزيه شقراء قابلها صدفه في احد المراكز الاسلاميه فهي كانت دراستها في الجامعه المقارنه بين الأديان فكانت تذهب الي المراكز الاسلاميه من أجل التعرف علي الاسلام بشكل اوضح واصح وابتدت في الاهتمام بالإسلام مما وجدت في من آيات تحسنا علي التسامح واللين وحب الخير وعدم اذي الآخرين أنشدت الاسلام من داخلها ولنقول أن الله منا عليها بالهداية الي الاسلام كانت تعرفها باحمد في أول الأمر مجرد نظرات صامته ولكن تعبر عن مدي الاعجاب لبعضهم ثم تحولت إلي إلقاء السلام وتبادل بعض الكلمات المختصره ثم الاعتراف بالحب والزواج وإسلام ماري واختيارها لاسم مريم وعاشت هي وأحمد اجمل قصة حب ورزقهم الله بسيف بعد خمس أعوام من زواجهم ولكن للاسف لم يستطيعوا أن ينجبوا غيره رغم محاولتهم الكثيرة فحمدا الله ورضيت بم كتب الله عليهم وأصبح سيف الامل الذى يعيشون من أجله كبر سيف تحت رعاية والديه ودرس إدارة الأعمال بجامعة كامبردج وتخرج وعمل مع والده في مجموعة شركات الالفي بل إمبراطورية الالفي ما بين مصر وانجلترا هذه هي حياة سيف وعائلته لكن ينقص شئ هو أن سيف انسان هوائي يصاحب الكثير من الفتيات من أجل اللهو لا يمر عليه شهر دون أن يكون صاحب فتاه أو أكثر هكذا هي حياة سيف فمن لم تأتي بالكلام المعسول تأتي بالمال عايش حياته بالطول والعرض يظن أن كل الفتيات سهله بالنسبه له أو لنقول أنه لم يقابل من تجعله يلتزم حدوده معها فكل من تعرف عليهم لا يهمهم سوي ماله ستري بعد ذلك ما الذي يحدث بينه وبين سارة في الأجزاء القادمه