Nerdy Delinquency

Chapter 11: Nicholas Kaizen King III

"Hello there...seatmate." nakangising bulong nito sa akin na para bang may binabalak na masama.

Nanatili lang naman akong walang kibo at di nililihis ang tingin sa pisara kahit nakatulala parin ang guro dahil sa paglipat ni Cole.

"Bakit ka lumipat dito?" sabi ko ng di siya nililingon sa halip na batiin siya. May pinaplano tong masama, I just knew it.

Sa gilid ng mata ko, kita kong napatingin siya sa akin at ngumisi. Taenang gwapong mukhang yan pero hindi yun uubra sa akin.

"Bingi ka yata, I just stated my reasons a while ago, nerd." Napaigting ang panga ko sa sagot niya.

Rinig na rinig ang bulungbulungan sa paligid sa paglipat ng kanilang hari. Ang masama ay kasali ako sa bulong bulungan nila. Pilit pinapatahimik sila ng babaeng guro na hindi ko parin alam ang pangalan pero walang nakikinig sa saway niya hanggang sa hinampas niya ng malakas iyong desk kaya nakuha niya ang atensiyon ng lahat.

Iyong mahinhin niyang mukha ay parang nagtransform na galit pero agad din namang nawala at napalitan ng isang maamong mukha.

"Good, tumahimik rin. Now, I want you to get one whole sheet of paper. We're having a long quiz." Ngumiti siya ng matamis na para bang sobrang dali ng pinapagawa niya.

Nagsulat na siya sa pisara sa pagsusulit namin.

Kakatapos lang niyang magdiscuss at alam niyang walang nakikinig sa kanya at ngayon magpapalong quiz siya. Damn.

Ghaaad! Bakit ba andaming dumidikit sa aking gulong di ko naman gusto. Ni hindi pa ako nakakaabot ng isang linggo dito.

Napa-ungol ang mga tao sa paligid pero agad namang sumunod sa pinapakuha ng teacher. Nagsikilos na ang lahat maliban nalang sa katabi ko.

Naglabas na rin ako ng papel at nagsulat na ng pangalan ko.

Queen He—agad akong napatigil. Muntik ko ng masulat iyong totoo kong pangalan.

Agad ko namang kinuha iyong correction pen ko para burahin.

"You can't even write your name right. Pano ka nakagraduate ng elementary?" sabi niya habang nakasandal lang sa upuan niya at nakatingin sa ginagawa ko, ni wala siyang inilabas na papel.

"Mind your own business." Sabi ko at ipinagpatuloy ang ginagawa

"You've got some nerve huh? If you think you'll easily get away after you..."

"Kicked your D?" putol ko sa kaniya dahilan para makatanggap ako ng masamang tingi mula sa kanya, hindi na ako nag-abalang magtaas ng tingin sa kanya at nagpatuloy sa pagkopya sa sinusulat ng guro sa pisara.

"You're pissing me off. "

"Wag mo kong kausapin." Sabi ko ng hindi parin nagtataas ng tingin.

Tumahimik na siya at nagpatuloy na ako sa ginagawa ko ng maramdaman kong nakatingin parin siya sa akin. Di ko na pinansin pero pagkaraan ng ilang minuto ay napatigil ako sa ginagawa ko at hinarap siya. Hindi ako makapagcon-centrate sa ginagawa ko dahil sa kanya eh.

"Kung wala kang matinong magawa, wag kang mandamay ng ibang tao." Simple lang siyang ngumisi sa akin, nakakairita.

"Queen Eliza Cruz."

"What?"

Binabasa niya pala iyong pangalan sa papel ko..

Tumawa siya bigla kaya nakuha niya ang atensiyon ng mga kaklase namin. Wala talagang pag-asa ang lalaking ito.

"You know, we've been classmates for so long, ngayon lang kita napansin."

"Shit happens. Minalas ako."