Nerdy Delinquency

Chapter 35:At Enemy Base

Pagkababa niya ng telepono ay agad akong hinila ni Cole palabas sa shop at iniwan iyong mga pinamili niya. It was almost our turn on the counter nang umalis kami.

Halos pinalipad niya na iyong sasakyan sa bilis niyang magmaneho na panay pa ang mura. I just kept silent on the whole ride grasping my seatbelt tightly.

Pagkarating namin sa harap ng IU ay nandoon na nakaabang sina Ichabod at Maxim sa mismong labas ng gate.

Hindi pa man tuluyang nakakahinto iyong sasakyan ay nagsitalunan na sila papasok dito.

Agad sinabi ni Maxim kung saan dinala si William. Mabilis namang pinasibad ni Cole ang sasakyan sa kung saan mang lugar ang sinabi ni Maxim.

"Nasaan si Yohann?" biglang tanong ni Cole. Doon ko lang din napansin na wala pala si Yohann sa sasakyan.

"Pagkaalam niyang kinidnap si William ay agad siyang dumiretso doon. Hiniram niya yung motor ko, ni hindi man lang ako hinintay. Pasensya na di namin napigilan, halatang mas mahal si William kesa satin." parang nagtatampong sumbong ni Maxim.

Ang dami nang sasakyan ang na-overtake namin dahil sa bilis ni Cole na magmaneho at doon lang ako natauhan.

"Wait, bakit nasama ako dito?!"

"Fuck!" Biglang bulalas ni Cole nang muntik kaming bumanga sa isang sasakyan.

Good thing I wore my seatbelt. Mukhang nakalimutan niyang nandito pa ako.

"Wala kaming panahon para ibaba ka, kung di ka naman tanga sana bumaba ka kanina." sabi pa niya.

"Then just shut up and drive, it's partly your fault." Inirapan ko nalang siya. Mabilis kasi ang pangyayari kanina. Hindi naman ako pwedeng bumaba na, I don't have my wallet with me dahil sa kadahilanang bigla bigla nalang akong kinaladkad ng isang gago sa kung saan.

Maglalaro lang naman dapat sana ako pero bakit ako napunta sa sitwasyong ito.

"Stupid nerd."

"Asshole."

Pumagitna naman si Maxim.

"Teka lang, awat muna, unahin muna nating iligtas sina William baka madisgrasya pa tayo ng wala sa oras. Hindi pa nga natin naisasagawa iyong plano."

If the situation wasn't that grave, mapapatawa na ako, they plan to kidnap William pero naunahan sila.

Napaikot nalang ako ng mata at ibinaling ang tingin sa labas. Napalingon ako sa side mirror.

Napansin kong may hawak-hawak na garapon si Maxim.

Binalingan ko naman siya. "Ano yan?"

"Isang ipis binibini. Higit na matakutin si William sa ipis, balak sana naming takutin siyang makipag-ayos kay Yohann gamit nito." pagmamalaki nito sa plano nila na para bang napakaganda ng plano nila.

Muntik na akong masamid.

"That was your plan?" baling ko kay Cole na seryosong nagmamaneho. That's the dumbest plan I've ever heard, at mukhang seryoso pa silang nagpupulong kanina. "The more I hear about your plan, the dumber it sounds."

Inagaw ko mula kay Maxim iyong garapon at pinagmasdan iyong kawawang ipis. It's actually cute. While the atmosphere was tense ay itinuon ko nalang ang pansin sa ipis kesa sa taong mukhang ipis na gusto mong patay pero di mo mapatay-patay.

Ilang minuto pa ang lumipas, napansin kong pumarada ang sasakyan sa likod ng isang bakanteng lote, katabi nito ay isang malaking abandunadong gusali.

Nagsilabasan naman sila.

"Stay there and don't be stupid, stupid nerd." sabi ni Cole.

Bago ko pa man siya mamura ay mabilis silang pumasok sa abandonadong gusali.