မို့ရန် ဘာမှ ဆက်မမေးတော့ချေ။ သူ့ကို ဂရုစိုက်ပေးသည့် လူတစ်ယောက်က ဒီလိုအဝေးကို ခရီးသွားမယ်ဆိုတော့ နည်းနည်း အားငယ်ချင်သွားသည်။ သူမ၏ အဖေဟုခေါ်သည့် ယွမ်သခင်ကြီးက သူမကို သိပ်ပြီးဂရုတစိုက် မရှိလှ။ တခါတလေမှ နန်းတော်က ပြန်လာသည်မို့ ပိုဆိုးသည်။ ရေမရသည့် ပန်းလို ညှိုးကျသွားသည့် ညီမဖြစ်သူ၏ မျက်နှာကို ကွမ်းချီ မမြင်ရက်။ တာဝန်က တာဝန်ပေမို့ ညီမလေးကို တစ်ယောက်ထဲ ထားခဲ့ရဦးမည်။
"အားရန်… အစ်ကိုမရှိတုန်း အစစအရာရာ ဂရုစိုက်ပါ… အစ်ကိုပြောတာ နားလည်လား…"
"ဟုတ်ကဲ့…"
ဟိုသားအမိ ၃ယောက်ကို ရည်ရွယ်ပြောမှန်း မို့ရန်သိလိုက်သည်။ ကြည့်ရတာ ယွမ်ကွမ်းချီလည်း ဒီအကြောင်း သိထားပုံရသည်ဟု ထင်မိသည်။ ကွမ်းချီက မို့ရန်၏ လက်တစ်ဖက်ကို ဆွဲယူလိုက်ပြီး
"အားရန်… ဒါ ညီမလေးရဲ့ ၁၆နှစ်ပြည့် မွေးနေ့တုန်းက အစ်ကို လက်ဆောင် မပေးရသေးဘူး…"
မို့ရန် လက်ထဲရောက်လာသည့် ကြာဖူးပုံစံ ရိုးရိုးရှင်းရှင်း ငွေဆံထိုးလေးကို ကြည့်ရင်း ခုနက ပြောလိုက်သည့် စကားတို့ကို ပြန်စဉ်းစားနေသည်။ ဘာတဲ့… ၁၆နှစ်… ဟုတ်မှလည်း လုပ်စမ်းပါ… ငါက ၂၂နှစ် ရှိပြီ… ဘယ့်နှယ့်တော်…!
---------------------------------------------------
"မမလေး မအိပ်သေးဘူးလား…"
"အင်း… ခဏနေမှ…"
"ယွမ်သခင်လေးကို သတိရနေတာလားဟင်…"
အားရှီမေးသည့် မေးခွန်းက ရိုးရိုးပေမယ့် သူမ မျက်မှောင်ကျုံ့သွားသည်။ ဘာမှ ပြန်မဖြေဘဲ နှုတ်ဆိတ်နေသဖြင့် အားရှီက သူမကို မနှောင့်ယှက်တော့ဘဲ သူမဘေးနားတွင် ရို့ရို့လေး လာရပ်သည်။ အိတ်ဆောင်နာရီကို လှမ်းကြည့်လိုက်တော့ နာရီလက်တံက ၁၀နာရီကို ညွှန်ပြနေသည်။ သူမက ညဘက် တော်ရုံနှင့် အိပ်မပျော်တတ်သည့်အတွက် ဒီအချိန်က ဘာမှမဖြစ်ပေမယ့် အားရှီကတော့ ထိုသို့မဟုတ်။ တဝါးဝါး ခိုးသမ်းနေရင်း ကိုယ်လုံးက ယိုင်တိုင်တိုင် ဖြစ်နေချေပြီ။
"အားရှီ… သွားအိပ်တော့လေ…"
"မမလေးမှ မအိပ်သေးတာ…"
"ငါ ခဏနေ အိပ်တော့မှာ… သွားတော့…"
"ဟုတ်ကဲ့…"
အားရှီ သူမအခန်းထဲက ထွက်သွားတော့မှ ကွမ်းချီပေးခဲ့သည့် ကြာဖူးဆံထိုးလေးကို ထုတ်လိုက်သည်။ လက်ထဲတွင် ဆံထိုးကို လှည့်ပတ်ကြည့်နေရင်း ဆံထိုးတွင် တစ်ခုခု ထူးခြားနေသည်ဟု ခံစားနေရသည်။ လိုက်ရှာတော့လည်း မတွေ့သဖြင့် စိတ်ထင်တာ ဖြစ်မည်ဟု တွေးလိုက်ပြီး ကြာဖူးလေးကို လက်နှင့် လှည့်ကစားကြည့်သည်။
YOU ARE READING
ကြင်ယာတော် "မို့ရန်"
Historical Fictionအချိန်ခရီးသွားခြင်းက တကယ်ပဲ ရှိတာလား.... ပတ်ဝန်းကျင်က လှုပ်ရှားသွားလာနေသည့် လူများက သူမကို "ဒါတကယ်ဟုတ်တယ်" ဟု ပြောနေသလိုလို... မျက်ဝန်းတို့ကို မှိတ်လိုက်သည်... "မဖြစ်နိုင်တာ..." (BL မဟုတ်ပါ :\ ) (My OC)
