ရ င် ခွ င် သ စ် (c o m p l e t e d)

Y.K.T~[13]

Unicode:

သိပ်ကိုခမ်းနားလှတဲ့ ငွေဆောင်ဟိုတယ်တစ်ခုရဲ့(၁၂)လွှာက ဝရန်​တာမှာရပ်​လျက်​.. ကော်ဖီပူပူတစ်ခွက်ကိုအဖော်ပြုရင်း အဆုံးမရှိလှပလွန်းတဲ့ ပင်​လယ်​ကြီးကို​ငေးနေရတာလည်း စည်းစိမ်တစ်မျိုးပါပဲလား ။ မိုးမရွာ..မိုးမအုံ့ဘဲ နေ​ရောင်​ခြည်​နွေး​နွေး​ဖြာကျနေတဲ့ ရာသီဥတုလေးက တကယ့်ကိုပဲနေလို့ထိုင်​လို့​ကောင်းလှပါသည် ။

အချိန်​အားဖြင့်​.. မနက်ဆယ်နာရီခွဲနေလေပြီ ။

ရန်​ကုန်​-​ငွေ​ဆောင်​ကို (၆)နာရီ​လောက်​မောင်းရ​တာမို့ ည (၂) နာရီခွဲ​လောက်​ကြီး ဆိုက်​ရောက်​လာခဲ့ကြသည် ။ တောက်​လျှောက်​ကား​မောင်းလာရတဲ့ တစ်ဖက်ကုတင်​ပေါ်ကကိုယ်​တော်​ကတော့ အခုချိန်ထိအိပ်​ကောင်းနေဆဲပင် ။ ကျွန်​တော်​က​တော့ ကား​ပေါ်မှာတစ်​ရေးမှမရခဲ့​ပေမယ့်​လည်း မနက်​အ​စောထ​နေကျဖြစ်​တာ​ရယ်..၊  ကြာကြာအိပ်ရင် ကျောပူလည်းမခံနိုင်တာမို့ အချိန်အကြာကြီးမအိပ်နိုင်ပေ.. ။

Check-in ဝင်​စရာမလို​လောက်​အောင်​ သျှားအ​ဖေက အကုန်​စီစဉ်ပြီးသားဖြစ်​လို့ ရောက်​တာနဲ့​သော့​တောင်းပြီး အခန်းထဲသို့တန်းဝင်​ရုံသာဖြစ်သည် ။ ဒါပေမယ့်အခန်းထဲဖို့အရေးကို ငါးမိနစ်​လောက်​အခန်းဝမှာရပ်ပြီး သျှားရဲ့အရစ်ထုပ်ကိုဖြေရှင်းခဲ့ရသေးသည် ။

ကြိုတင်​ယူထားတဲ့အခန်းက (၄)ခန်းဆိုတော့ ကျွန်​တော်​နဲ့သီဟ တစ်​ခန်း​နေမယ်​လို့ဖြောင်းဖြတာ ဘယ်လိုမှပြောမရခဲ့ပါ ။ ကျွန်​တော့ကိုသူနဲ့တစ်ခန်းနေ​ခိုင်းပြီး သီဟရယ်​ ၊ သူ့သူငယ်​ချင်းနှစ်​ယောက်​ရယ်​ကို တစ်​ယောက်​တစ်​ခန်းစီ​နေခိုင်းသည် ။ အကုန်​လုံးပင်​ပန်းပြီး အိပ်​ချင်​နေကြသည့်​တိုင်​.. သျှားတစ်​ယောက်​သာ လုံးဝလက်​မ​လျှော့ဘဲ ခေါင်းမာနေနိုင်ခဲ့သည် ။ ကျန်​တဲ့သူ​တွေလည်း သူ့ကိစ္စမပြီးမချင်း အခန်းထဲသို့မဝင်​ရ​သေး​.. ။ သျှားလုပ်​ပုံနဲ့​တော့ ဒီ​နေ့ညတစ်​ယောက်​မှ အိပ်​လိုက်​ရမှာမဟုတ်တာမို့ (၆)နာရီကြာကား​မောင်းခဲ့ရ​တဲ့ သူ့သူငယ်​ချင်းနှစ်​ယောက်​ကို အားနာလွန်းတာနဲ့ပဲ.. သူဘက်ကစပြီး အလျှော့ပေးလိုက်ရသည် ။