ရ င် ခွ င် သ စ် (c o m p l e t e d)

Y.K.T~[15]

Unicode:

ဥတုကာလမှာ ဆောင်းရာသီအလယ်ကြီးသို့ ရောက်ရှိနေသည် ။

မနက်​ခင်းငှက်​က​လေးများရဲ့​တေးဆိုသံ ပကျိပကျိ​လေးများကိုကြားလိုက်​ရတာနဲ့ (၅)နာရီထိုးပြီဆိုတဲ့အသိအတူ နှိုးစက်သံတစ်ခုဖြင့် တာဝန်​တစ်​ခုကဝင်​ရောက်​လာ​လေပြီ ။ ​ရာသီဥတုအေးလွန်း​လို့ မထချင်​ပေမယ့် ထကိုထရမယ့်ဝတ္တရားက ကပ်ပါနေသည် ။

အရင်​လို​ပေါ့​ပေါ့ပါးပါး​ ကော်​ဖီဆိုင်​လေးကို အလုပ်​ဆင်းခဲ့ရတဲ့​နေ့ရက်​များလည်း ကုန်​လွန်​ခဲ့လေပြီ ။​ လေးပင်​တဲ့တာဝန်​ဝတ္တရား​တွေမရှိတဲ့ Barista ဘဝက​နေ​ 'Royal Rose' ရဲ့​ရှေ့​နေလည်းတစ်​ဖြစ်​..၊ ဖေဖေ့ကိုယ်​စား ဥက္ကဌရဲ့အတွင်း​ရေးမှူး​နေရာလည်းတစ်​ဖြစ်​.. တာဝန်​ထမ်း​ဆောင်​ခဲ့ရတာတောင် (၅)လပင်​ပြည့့်​လုနီးခဲ့ပြီ ။

ကားအက်စီးဒန့်တစ်ခုကြောင့် ဖေဖေအိပ်ရာထဲလဲသွားချိန်ကစပြီး သူတို့အိမ်မှာ အပြောင်းအလဲကြီးကြီးတစ်ခု ဖြစ်သွားတယ်လို့ပဲပြောရမှာပေါ့ ။ ​

ဖေ​ဖေ​နေ​ကောင်းစဉ်​တုန်းက ဟိုတယ်​မှာအမှုတစ်ခုရင်​ဆိုင်​နေရချိန်.. ​ရှေ့​နေဘွဲ့ယူထားပြီး​ ရှေ့​နေမလုပ်​ချင်​လို့​အေး​အေး​ဆေး​ဆေးပဲ ဘဝကိုဖြတ်​သန်းခဲ့တဲ့ကျွန်​တော်​က ​ဖေ​ဖေအကူအညီ​တောင်းခဲ့လို့ ထိုအမှုကို​ဖြေရှင်း​ပေးလိုက်​ရာမှ​ပြေလည်​သွားခဲ့သည် ။ ဥက္ကဌကလည်း အဲ့အချိန်တည်းကစပြီး သူ့ကိုဟိုတယ်မှာအလုပ်လာဆင်းဖို့ ကမ်းလှမ်းနေခဲ့တာဖြစ်သည် ။

ကုမ္ပဏီအလုပ်တွေကို သဘောမကျတာမို့ အပြတ်ငြင်းခဲ့ပေမယ့်လည်း အခု​ဖေ​ဖေအိပ်​ရာထဲလဲ​နေချိန်​မှာ အန်​ကယ်​ဦးကောင်းမြတ်သွေးက အိမ်​တိုင်​ရာ​ရောက်​လာပြီး.. ကျွန်​တော့ကို သူတို့ကုမ္ပဏီရဲ့ရှေ့​နေအဖြစ်​လုပ်​ပေးရန်​နဲ့ လစ်​လပ်​နေတဲ့​ဖေ​ဖေ့​နေရာကိုပါအစားထိုးဝင်​ပေးပါဆိုပြီး အကူအညီ​တောင်းလာ​လေ​တော့ ထပ်ပြီးငြင်းဆန်လို့မရခဲ့တော့ပေ.. ။

ဖေဖေ့ရဲ့အက်စီးဒန့်က အလုပ်​ချိန်​အတွင်းဖြစ်​သွားခဲ့တာမို့.. ​အက်စီးဒန့်ဖြစ်​ချိန်​မှစလို့​ ဆေးရုံစရိတ်​ကိစ္စအဝဝကို​ ကုမ္ပဏီဘက်ကပဲအကုန်တာဝန်ယူပြီး ဖြေရှင်းပေးသည် ။ ဖေဖေကလည်းနံရိုးငါးချောင်းလောက်အထိကြေသွားခဲ့ပြီး ခြေထောက်တစ်ဖက်ကျိုးသွားခဲ့တာမို့ ရှေ့လျှောက်အလုပ်ပြန်လုပ်ဖို့တောင် အဆင်မပြေနိုင်တော့ပါ ။