Unicode:
ဖုန်းမပါသွားတဲ့ကိုခန့်ကို ခပ်ကြာကြာမရှာလိုက်ရ ။ ကားရှေ့မှာမှီပြီး ဟိုကြည့်ဒီကြည့်လုပ်နေတာကိုတွေ့လိုက်ရသည် ။ အားအင်တို့ယုတ်လျော့နေတဲ့ ခပ်ဖြည်းဖြည်းခြေလှမ်းတွေနဲ့ပဲ ကိုခန့်ရှိရှာကိုလျှောက်သွားလိုက်တော့ ကျွန်တော့ကိုမော့ကြည့့််ပြီးပြုံးပြလာခဲ့သည် ။
နွေးထွေးလွန်းစွာ ။
ဖြူစင်လွန်းစွာ ။
တောက်ပလွန်းစွာ ။
ရွှင်လန်းအေးချမ်းနေတဲ့ ကိုခန့်မျက်နှာလေးကို အပြုံးနုနုတစ်ခုနဲ့ တွဲဖက္မြင်လိုက်ရမှပဲ ရင်ထဲကအပူတွေက တစ်ဟုန်ထိုးခုန်ဆင်းသွားတော့၏ ။
သူ ဒါကိုလိုအပ်နေတာ.. ။
လောင်မြိုက်နေတဲ့သူ့ရင်ဘတ်ထဲ ဒီအေးချမ်းမှုလေးကို သူတကယ်လိုအပ်နေခဲ့တာဖြစ်သည် ။" ဟင်.. ဘာတွေဒီလောက်ကြည့်နေတာလဲဘိုးတော် လူကိုမမြင်ဖူးဘူးလား "
သူ့ကိုတမေ့တမောငေးကြည့်နေတဲ့ ကျွန်တော့ကို ကိုခန့်က ရယ်သံစွက်ပြောလာလေသည် ။
ရှပ်အင်္ကျီဖွေးဖွေးနှင့် စတိုင်ဘောင်းဘီအနက်ရောင်ကို ခါးပတ်အကူအညီဖြင့် တွဲဖက်ဝတ်ဆင်ထားခြင်းက ယောက်ျားတစ်ယောက်ရဲ့တည်ကြည်ခံ့ညားမှုတွေအပြည့်.. ။ ရှပ်အဖြူစွတ်စွတ်က အသားအရေရဲ့ဖြူ ဝင်းမှုကြောင့် မှေးမှိန်သွားသယောင်တောင်ထင်ရ၏ ။ ဖြူလွလွလက်ကောက်ဝတ်လေးမှာ နာရီအနက်ရောင်လေးတစ်လုံးက တောက်ပစွာတည်ရှိနေသည် ။ လှိုက်လှဲစွာရယ်လိုက်ခြင်းရဲ့အဆုံးသတ်မှာ ကျွန်တော့မူပိုင်ဟု ကိုယ်ကိုယ်တိုင်သတ်မှတ်ထားတဲ့ ချစ်စရာ သွားတက်လှလှလေးတွေက ထင်ထင်ရှားရှားပေါ်လွင်လာတော့သည် ။
ဒီလိုအပြုံးတွေကပဲ သူ့ဘဝကြီးတစ်ခုလုံး လင်းထိန်တောက်ပလာအောင်လုပ်ပေးခဲ့တာကို ဒယ်ဒီမသိနိုင်ပါဘူး ။ တစ်လောကလုံးလည်း နားလည်ပေးနိုင်ကြမယ်မထင်ဘူး ။
" ဟာ.. သျှားစစ်သွေး "
တုတ်တုတ်မှမလှုပ်တဲ့ ကျွန်တော့မျက်နှာရှေ့.. ကျွန်တော်မြတ်နိုးတန်ဖိုးထားရလွန်းတဲ့ သူ့လက်ဖြူလွှလွှလေးတစ်ဖက်ကို ဝှေ့ယမ်းပြလာ၏ ။
VOUS LISEZ
ရ င် ခွ င် သ စ် (c o m p l e t e d)
Fiction généraleသျှားစစ်သွေး + ရှိုင်းခန့်အာကာမောင် (own creation) ဇာတ်အလှည့်အပြောင်းတွေ အများကြီးမပါဝင်တဲ့ သာမန်ဇာတ်လမ်းလေးတစ်ပုဒ်ပါပဲ ။ ဖတ်ကြည့်ပြီး သဘောကျပေးဖို့တော့ စာရေးသူတစ်ယောက်အနေနဲ့ မျှော်လင့်မိပါတယ် ။ [Unicode+Zawgyi]