ရ င် ခွ င် သ စ် (c o m p l e t e d)

Y.K.T~[14]

Unicode:

မျက်​စိ​ရှေ့မှာမြင်​နေရတဲ့ စိမ်းစိမ်းစိုစို လက်​ဖက်​စိုက်​ခင်းကြီးကိုကြည့်​ပြီး စိတ်​အစဉ်ကအေးချမ်းလတ်​ဆတ်​လျက်​.. ။

ဒီလက်​ဖက်​စိုက်​ခင်းကြီးက​ လေး​မောင်​တို့အိမ်​နဲ့သိပ်​မ​ဝေးပေမယ့် စက်​ဘီးနဲ့သွားမှသာအဆင်​ပြေ​နိုင်တာမို့ သီဟမနိုး​သေးတာနဲ့​ပဲ အပျင်း​ပြေစက်​ဘီး​လေးစီးရင်း တစ်ယောက်တည်းထွက်​လာခဲ့လိုက်သည် ။ လေးမောင်တို့အိမ်ကို မ​နေ့ကညမိုးချုပ်မှရောက်တာဖြစ်ပြီး နှစ်​ရက်​လောက်​တော့ အိမ်​မှာ​အေး​ဆေးနားဦးဆိုတဲ့ လေးမောင်ရဲ့စကားကြောင့် ဒီလိုတောင်​ပေါ်​ဒေသရဲ့ လတ်​ဆတ်​သင်းပျံ့တဲ့လေတွေကို တစ်ဝကြီးရှူရှိုက်​ရင်း အပြည့်​အဝအနားယူ​နေရတာဖြစ်သည် ။

ရာသီဥတုကလည်း နေလို့ထိုင်လို့တော်တော်လေးအဆင်ပြေသလို ရန်​ကုန်​လိုမျိုး​ နေရာတိုင်းမှာစီတန်းကြပ်​ညပ်​နေတဲ့ကား​တွေရယ်​ ၊ ကာဗွန်​ဒိုင်​အောက်​ဆိုဒ်​ဓာတ်ငွေ့​ပေါင်းစုံရယ်​ ၊ တိုက်အမြင့်အဆောက်အဦးအမြင့်ကြီးတွေရယ် ၊ များပြားလွန်းလှတဲ့လူဦး​ရေတွေ ၊ အဲ့ဒုက္ခ​တွေ ဒီမှာဘာဆိုဘာမှမရှိ​တာမို့.. နေရတာ အရမ်း​အေးချမ်းလွန်းတယ်လို့ပြောရမည် ။ တစ်သက်လုံးအပြီး​နေသွားချင်​တဲ့အထိ ရှုခင်းတေွကဖမ်းစားနေသေးတော့ က​လောမြို့ကို မြန်​မာနိုင်​ငံရဲ့ဆွစ်​ဇာလန်​ဆိုပြီး သတ်​မှတ်​ကြတာအပိုမဟုတ်​မှန်း အခုမှတကယ်​နားလည်လာရတော့သည် ။

က​လောကို သျှားတို့နဲ့ခရီးထွက်​ပြီး နှစ်​လ​လောက်​ကြာမှလာဖြစ်​ခဲ့သည် ။​ ကောင်းစက်​က ဒီမှာပဲအပြီး​နေ​တော့မယ်ဆိုပြီး ဟိုကို ယူစရာရှိတာပြန်​ယူဖို့ ခဏပြန်​သွား​တာမို့ ကောင်းစက်​ပြန်​လာမယ့်အချိန်​ကို​စောင့်​ရင်းနဲ့ပဲ ကြန့်ကြာသွားရသည် ။ ကောင်းစက်​ကအပြီး​နေ​တော့မှာဆို​တော့ ဒီခရီးမှာ ကော်ဖီဆိုင်​အတွက်​နောက်​ဆံတင်းစရာမလိုပဲ.. အေး​အေး​ဆေး​ဆေး​နေလို့ရတာက အားသာချက်ပင်ဖြစ်တော့သည် ။​ လေး​မောင်​ကလည်း​ ပျော်​သ​လောက်​နေလို့ပဲပြောထားတော့ အခုထိပြန်​မယ့်​ရက်​က တိတိကျကျမရှိသေးပေ ။