ရ င် ခွ င် သ စ် (c o m p l e t e d)

Y.K.T~[16]

Unicode:

" ကြွလာ​တော်​မူပါပြီလား.. ရှေ့​နေကြီး "

ကျွန်​တော့ကိုမြင်​တာနဲ့ မျက်​နှာ​စပြောင်လာတဲ့ သီဟစကား​ကြောင့်​ မရယ်​မပြုံးဖြစ်​တာကြာပြီဖြစ်​တဲ့ ကျွန်​တော့နှုတ်​ခမ်းသားတွေလည်း အခုမှပဲအလုပ်​ရသွား​တော့သည် ။ သီဟက​တော့ အသက်​(၃၁)ဖြစ်​နေတာ​တောင်​ အခုထိကျွန်​တော့ကိုစ​နောက်​လို့​ကောင်းဆဲ.. ။

" ကြွရတယ်​ကြွရတယ်​.. ငါ​့ဆိုင်ကကော်​ဖီကို အရမ်းလွမ်း​နေပြီ မ​သောက်​ရတာ ဘယ်​လောက်​တောင်​ကြာ​နေပြီလဲ "

"​ ဖျော်​တိုက်​မှာပါကွာ ဖြည်းဖြည်း​ပေါ့ သွား..ဟိုမှာသွားထိုင်​စောင့်​နေ "

သီဟ​ပြောလိုက်​တော့ ကျွန်​တော်​ထောင့်​ကျကျခုံ​လေးမှာပဲသွားထိုင်​လိုက်​တော့သည် ။ အချိန်​ကလည်းအ​တော်​နှောင်း​နေပြီမို့ ဆိုင်​မှာလူအနည်းငယ်​ရှင်း​စပြုလာပြီ ။ ခပ်​တိုးတိုးသာပျံ့လွင့်​နေတဲ့ တေလာဆွစ်ဖ်ရဲ့ 'Last Christmas' သီချင်းက တစ်​စုံတစ်​ယောက်​ကိုလွမ်းဆွတ်​စေဖို့ အပြည့်​အဝကူညီပံ့ပိုး​ပေး​နေ​သလိုပင် ။

နေ့စဉ်ဖြတ်​သန်းရတဲ့ (၂၄)နာရီတိုင်းမှာ တစ်​ရက်​မှမပျက်​ကွက်​ဘဲ သူ့ဘဝထဲကိုဝင်​ရောက်​ခြယ်​လှယ်​ခဲ့တဲ့ သူ.. ။

ပိတ်​ရက်​လေးနှစ်​ရက်​မှာ​တောင်​ တွေ့ချင်​တာကိုသည်းမခံနိုင်​လို့ ဒီ​ထောင့်​က,စားပွဲ​လေးမှာပဲ စာလုပ်​တယ်​အ​ကြောင်းပြပြီး ကျွန်​တော်​လုပ်​သမျှကို မျက်​စိ​ထောက်​ထောက်​ကြည့်​တတ်​ခဲ့တဲ့ သူ.. ။

အိမ်​ပြန်​လိုက်​ပို့​ပေးတိုင်း လူလည်​ကျပြီး ပို​ဝေးတဲ့လမ်း​တွေက​နေ ပတ်​မောင်းတတ်​တဲ့ သူ.. ။

ရပြီးသားရူပဗေဒပုစ္ဆာ​တွေကို နားမလည်​သ​ယောင်​ လာလာပြန်​မေးတိုင်း စိတ်​ရှည်​လက်​ရှည်​ရှင်းပြတဲ့ကျွန်​တော့ကို မျက်​စိမလွှဲထိုင်​ကြည့်​ခဲ့တဲ့ သူ.. ။

မတော်တဆ ရုပ်​ရှင်​တွေဘာတွေကြည့်ဖြစ်ခဲ့တိုင်းလည်း လက်​မှတ်​ကုန်​နေလို့ဆိုတဲ့ မုသာဝါဒကိုသုံးပြီး စုံတွဲခုံကိုမ​ယောင်​မလည်​ဝယ်​လာတတ်​တဲ့ သူ.. ။