Unicode:
" ကျွန်တော်မနက်စာမစားရသေးဘူး ကိုခန့် "
သူ့အတွက် မနက်ခင်းကော်ဖီလာချပေးရင်း ပြောလိုက်သောစကားက ဆူပုတ်ပုတ်မျက်နှာထားနှင့်ဖြစ်သည် ။
" အောက်က နန်းကြီးသုပ်မှာပေးပါ့မယ် စီအီးအို "
" ဟို.. ကြက်.____"
ချက်ချင်း အခန်းထဲကထွက်မလို့လုပ်ခါနီး.. အသည်းအသန်လှမ်းတားသည် ။
" ကြက်သွန်စိမ်းမထည့်တာမလား သေချာပြောလိုက်ပါ့မယ် "
" နံ.. "
" နံနံပင်ရောမထည့်ပဲနဲ့.. ချဉ်ငံစပ်ကို အစပ်လျှော့ထည့်ပြီး ဘဲဥများများနဲ့ ကြက်သားနည်းနည်းပဲထည့်မှာမလား သိတာမို့လို့ အဆင်ပြေအောင်ကြည့့်မှာပေးပါ့မယ် စီအီးအို "
"......."
ကျွန်တော်တရစပ်ပြောလိုက်တော့မှ စီအီးအိုဆိုတဲ့တစ်ယောက်က ဟီးခနဲတစ်ချက်ရယ်ပြလာသည် ။
" ဪ.. ဟိုလေ မနက်ဖြန်ခွင့်တစ်ရက်လောက်ယူချင်လို့ပါ စီအီးအို "
" မနက်ဖြန်.. ဘယ်သွားမလို့လဲကိုခန့် "
" ဆေးရုံခဏသွားစရာရှိလို့ပါ "
" ဆေးရုံ ! ဘာဖြစ်လို့လဲ ကိုခန့်ဘယ်နားနေမကောင်းဖြစ်လို့လဲ "
ဆေးရုံဆိုတာနဲ့ သူတွေးချင်တာတွေစွတ်တွေးပြီး စကားဆုံးအောင်နားမထောင်ဘဲ အသည်းအသန်မေးနေတဲ့သျှားက မျက်နှာပေါ်မှာ စိတ်ပူရိပ်တွေသန်းလို့.. ။
" အာ.. မဟုတ်ပါဘူး မနက်ဖြန်ဖေဖေဆေးရုံဆင်းမှာမို့လို့ မေမေတစ်ယောက်တည်းဖြစ်နေလို့ "
" ဪ ကိုခန့်အဖေဆေးရုံကဆင်းပြီလား အဲ့တာဆိုကျွန်တော်ရောလိုက်ခဲ့မယ်ကိုခန့် "
" အင်.. မလိုက်ပါနဲ့ မနက်ဖြန် BOD meeting ရှိတယ်လေ "
" ရပါတယ် တစ်ရက်တစ်လေမတက်တာပဲဟာ "
" မရပါဘူး ဥက္ကဌက ပြင်ဦးလွင်ပရော့ဂျက်ကို မင်းကိုပဲဦးဆောင်ပြီးကိုင်ခိုင်းထားတာလေ အဲ့တာ အစည်းအဝေးမှာ စီအီးအိုမရှိလို့ဘယ်လိုလုပ်ဖြစ်မှာလဲ ပြီးတော့ သီဟကိုလည်းခေါ်ထားပါတယ် စိတ်မပူပါနဲ့ "
YOU ARE READING
ရ င် ခွ င် သ စ် (c o m p l e t e d)
General Fictionသျှားစစ်သွေး + ရှိုင်းခန့်အာကာမောင် (own creation) ဇာတ်အလှည့်အပြောင်းတွေ အများကြီးမပါဝင်တဲ့ သာမန်ဇာတ်လမ်းလေးတစ်ပုဒ်ပါပဲ ။ ဖတ်ကြည့်ပြီး သဘောကျပေးဖို့တော့ စာရေးသူတစ်ယောက်အနေနဲ့ မျှော်လင့်မိပါတယ် ။ [Unicode+Zawgyi]
