ရ င် ခွ င် သ စ် (c o m p l e t e d)

Y.K.T~[19]

Unicode:

နောက်​နှစ်​ရက်​နေရင်​ ဒီဇင်​ဘာလကြီးကုန်​ဆုံး​တော့မည်​ဖြစ်​ပြီး အ​နောက်​တိုင်းပြက္ခဒိန်​အရ နှစ်​သစ်​ကူးသို့ပင်​ကူး​ပြောင်း​တော့မည်​ ။ ရက်​သတ္တပတ်​တွေ​ပြောင်းလဲလာ​သော်​ငြား..​ ဇန်န​ဝါရီလကုန်လောက်အထိ အအေးဓာတ်ကကျန်ရှိနေဦးမှာမို့ ဆွယ်တာထူထူကို ကောင်းကောင်းကြီးအဖော်ပြုနေရသေးသည် ။

ကားဂိတ်​ကိုလမ်း​လျှောက်​သွား​နေရင်း လမ်းထိပ်​ဈေးက ဈေးဆိုင်တော်တော်များများမှာ ဆိုင်​ရာပစ္စည်းတွေကို​ ရောင်းဗန်းလှညီညာအောင် ခင်းကျင်းပြင်​ဆင်​နေကြတာများ မချမ်းကြသည့်​အလား.. ။ ငါးသည်​တွေဆို​ အ​အေးဒဏ်​ကိုမမှုဘဲ ရေခဲရိုက်​ထား​တဲ့ လတ်​လတ်​ဆတ်​ဆတ်​ ငါးအ​အေးတုံးကြီးတွေကိုကိုင်​ပြီး စီရီ​နေကြသေးသည် ။

ဟင်းသီးဟင်းရွက်​သည်​များကလည်း ထိုနည်းလည်း​ကောင်း.. ။​ ရေစက်​လက်​ဖြစ်​နေတဲ့ အရွက်​စိမ်းစိမ်းအမျိုးစုံကို တစ်​မျိုးတစ်​ဖုံစီ စနစ်​တကျ​နေရာချ​နေကြသည် ။ လမ်း​လေးခွစုံမှာ ဆီဒယ်​အိုးကြီးနဲ့ အားရပါးရပူပူ​လောင်​လောင်​ကြော်​လှော်နေတဲ့ အ​ကြော်​သည်​ကြီးကတော့ ဒီရာသီဥတုနှင့်​အံကိုက်​လျက်​ အ​နွေးထည်​တောင်မကပ်တော့ပေ ။

လမ်းတစ်​လျှောက်​ ကိုယ်​စီကိုယ်​စီလှုပ်​ရှား​နေကြတာတွေက အထူးတလည်လိုက္မကြည့်လည်း မြင်တွေ့နေရသည် ။ (၆) နာရီခွဲဆိုတာ ဟိုတယ်​သွား ၊ ရုံးတက်​ဖို့ရာ အလွန်​စော​နေ​သေး​ပေမယ့် သျှားဆိုတဲ့ စီအီးအိုလေးရဲ့ကောင်းမှု​နဲ့ ကျွန်တော့မှာ ဒီအချိန်ကြီးထပြီးသွားလာနေရသည် ။

ဘာမ​ပြောညာမ​ပြောနဲ့ ရုံးသွားချိန်​ဆို ကျွန်​တော့ကိုလာလာကြို​နေတာ နှစ်​ရက်​လောက်ရှိနေပြီဖြစ်သည် ။ မသိချင်​ယောင်​ဆောင်​ပြီး​ကျော်​သွားမယ်​လုပ်​တော့ ဒီ​နေ့ကစပြီးသူနဲ့ပဲ ရုံးတက်​ရုံးဆင်းလုပ်​ရမယ်ဆိုတဲ့ အာဏာဆန်ဆန်အမိန့်တစ်ခွန်းနဲ့ စွတ်​တရွတ်​ဆွဲဆွဲ​ခေါ်သွားတတ်​တာမို့ ပတ်ပြေးနေရသည် ။ ကျွန်​တော့အတွက်​က ဘတ်စ်ကားကို ကြပ်​ကြပ်​တည်းတည်းတိုးမစီးရလို့ အဆင်​ပြေ​ပေမယ့်​ ဟိုတယ်​ကဝန်​ထမ်း​တွေအမြင်​လည်းရှိ​သေးသည်မဟုတ်လား ။