ဥပက္ခော တိမ်တိုက်
(Minsetwai၊Snow Hninn)
၁။
ဟောဒီမှာလေ...
ငါ မော့မော့ကြည့်ရတဲ့ တိမ်ဖြူတစ်ချို့ရှိတယ်...
ငါ့ ညာဘက်လက်ထဲ
ငါ့ကိုယ့်ငါ မညာဘဲ
သူကို ချောင်းကြည့်နေခဲ့ဖူးတယ်....။
၂။
မာယာတွေနဲ့
ချည်နှောင်ထားသလားပဲ
အသွင်ပြောင်းပြောင်းပြတဲ့
တိမ်ဖြူ ရေ
ခံစားချက်တွေ
ဟိုး...
အနက်ရှိုင်းဆုံးအထိ
တိုးဝင်အမြစ်တွယ်ရင်း
ရုန်းထွက်မရဖြစ်နေရပြီ...။
၃။
လေပြေတွေနဲ့ ဆော့ကစားဖို့
ဟောဒီ မြက်ခင်းစိမ်းစိမ်းတို့မှာ
ငေးနေ...
ပန်းချီ ကားတစ်ချပ်လို
တိမ်ဖြူဖြူ မာယာစုတ်ချက်တွေက
လှောင်ပြောင်ရယ်မောနေကြသလားလို့...
ခုလို အိမ်အိုဟောင်းလေးထဲက
ချောင်းချောင်းကြည့်ရတာကိုက
ပြက္ခဒိန်ဇာတ်လမ်းတွဲလေးပါပဲ
တိမ်ဖြူရယ်.....။
၎။
တိမ်ဖြူ
မင်းဟာ
ငါရေးဖြစ်တဲ့ ငါ့ကဗျာပဲပေါ့
င့ါကဗျာမှာ
မင်းအငွေ့အသက်တွေချည်း
အမည်မသိကြည်နူးမှုအတွက်တော့
ငါတစ်ယောက်ထဲ
ပြုံး..ပြုံးနေမိတယ်လေ...။
၅။
ပြုံးနေမိတဲ့ ငါ့ကို အရူးတစ်ယောက်လို့ ဆိုမှာလား တိမ်ဖြူ
ငါ့က
ဥသြတစ်ကောင်ရဲ့ နွေနေ့လည်နဲ့
သံစဉ်အပိုင်းပိုင်းကြားမှာ
အလွမ်းထူခဲ့ရသူပါ...
ငါ့ကို ဖေးကူလှည့်ပါ တိမ်ဖြူ
မြက်ကန်သင်းဟာ
ခြောက်သွေ့ကောက်ရိုးနှယ် ဆိုပေမယ့်
လောင်စာကောင်းလို ဟုန်းခနဲ
တောက်နိူင်တယ်ဆိုတာ
မင်း အသိသားနဲ့
ခုလို လွမ်းမောစေချင်ခဲ့သလားကွယ်
ငါ့မှာ ခြောက်ခြောက်သွေ့သွေ့နဲ့ကို
လွမ်းရတယ်။
