Mr. Hugutero (once broken)

Isa ka

Isa ka
Jeanebeth Nesperos

Isa ka sa mga taong gusto kong ingatan
Yong tipong gugustuhin kong makasama't alagaan
Isa ka sa mga taong ayaw kong mawala
Ang gusto ko makasama ka hanggang sa pagtanda

Isa ka sa mga taong minsang bumuo sa buhay ko
Pinunan mo ang kulang sa aking pagkatao
Isa ka sa mga taong nagpatunay na ako'y may halaga
Sinikap mong iukit iyon sa aking alaala

Isa ka sa mga taong minsan naging sentro ng aking mundo
Minsan ng nangyaring sayo lang umikot ang pagkatao ko
Isa ka sa mga taong minsan akong ginusto
Nangyari nang pinaglaban mo ako sa harap ng maraming tao

Isa ka sa mga taong minsang nang nanindigan
Minsan mo nang napatunayan na kaya mo kong ipaglaban
Isa ka sa mga taong nagpatibay sa aking sarili
Kaya hinangad ko na sana makasama kita hanggang huli

Isa ka sa mga taong inalayan ko ng buong pagmamahal
Lahat ng maaaring hadlang 'di ko ginawang sagabal
Pinilit kong ipagpanalo ang lahat kahit mahirap
Ginawa ko ang aking makakaya, ubod ng pagsisikap

Ngunit isa ka din sa mga taong minsan na akong binigo
Iniwang sawi at mundo'y gumuguho
Walang saysay ang mga salita mo noong una
Wala kang balak panghawakan iyon sa simula't simula pa

Isa ka sa mga taong minsang gumulo sa tahimik kong mundo
Binigyang kulay ang aking pagkatao
Ngunit lahat nang iyon pawang kasinungalingan
Ni isa walang totoo, lahat ng ipinakita mo pura kaplastikan

Isa ka sa mga taong naging parte ng buhay ko
Isa ka sa mga taong mamahalin ko na sana ng buong-buo
Isa ka sa mga pinakatamang nangyari sa buhay ko
Ngunit isa ka din sa mga pagkakamaling pinagsisihan ko nang buong-buo.