الحلقة 5 :
قمت الصباح على صوت الرافاي ... تذكرت اللي رحلتي اليوم ... منعرش علاش قررت نرجع لنيويورك ... اما اللي متاكدة منو ... انو لازم نبعد الفترة هاذي على دزاير ... و منجمش نرجع لتونس زادة ... على. هاذي احسن شي توا .. هي نيويورك ... قمت خذيت دوش لبست سروال كحل مع تي شيرت بيض ... لميت شعري تراس ... حطيت غلوس و ماسكارا ... عبيت روحي بالبارفان ... دخلت المدبرة متاع الدار و البون بالوقت ....وجدتلي الفاليز ... خبرتها اللي هي باش دير الفيلا لين نرجع ... حتى الشركات اللي في دزاير ... حطيت عليهم المدراء يالتنفيذيين ... باش نسيرهم من الفرع اللي في نيويورك ... غمضت عينيا ... فكرة العودة لنيويورك ... تخلي خمس سنين للتالي ... يتلخصوا في اكا الغزرة ... هو اللي خلاني نكون dark ... فقت من سرحتي غزرت للساعة تي راح الحال جملة ... نوقز التيليفون وفا تطلب فيا ... خبرتها اللي راني فالطريق ... ربع ساعة كهو و كنت فالمطار ... نزل الشوفور الفاليز ... دوب ما شفتها سلمت عليها ... تحكي بالبارد ... فاهمة بالقدا وشبيها ....وعدتها انو جامي نرجع ... و عملتها ... وفا كيف الاخت اللي مجابتهاش امي ... لقيتها في برشا مواقف ...وشجعتني انو نتخلا على شخصية Dark ... محبيتش ناقشها ... تو تهدا نحكي معاها ... ركبنا الطيارة ... تعدا الوقت رزين ... تاعبة ومنجمتش نرقد.... وصلنا على السبعة متاع العشية ... وصلنا الشوفور ...طلعت لبيتي ...ترميت على السرير ... منعرش كيفاه غفيت ...
فقت عالعشرة متاع الليل ... تقعدت من بلاصتي ... ضرب في راسي اكا الديسكو لللي كنت نروحلوا ... لبست روب ajustée فالباج ... سيبت شعري ... هزيت التيليفون ...و خرجت ... تعديت على بيت وفا لقيتها راقدة ... خليتلها مساج و خرجت... دوب ما وصلت ... الصوت عالي برشا ... دخلت طول فالنص بديت نتمايل ... و نشطح لين تهديت ... رحت للطوالات ... و خرجت .. مشيت بخطوات ... تخبطت في واحد هزيت راسي ... غزرتلوا باقية نثبت فيه ... تعداني و مشا تلفتت غزرتلوا ... و مبعد مشيت للكونتوار ... خذيت كاس ويسكي ... كاس ورا خوه منعرش قداش شربت ... اما راسي رزان برشا ..حسيت بيد كي تحطت على كتفي .. هزيت راسي نثبت فلي حاط يدو ...
أيلول؛ كان ما تنحيش يدك تونكسرهالك ..
باقي يغزرلي ... موش فاهم شنية نهدر ... باقي يمرج فيا ...قعد فالكرسي و حط يدو على فخضي .... وقفت جيت باش نتلفتلوا طحت ... مد يدو باش يوقفني ... حسيت ببونية كي جات على خدو ... هزيت راسي غزرتلوا ... مدلي يدو شديت فيها ووقفت ... بدا يتعارك مع اكا الساقط ... باقية نحاول نستوعب ...لين عينيا تغمضوا و ما عاد حسيت بشي ...
🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫
أنت تقرأ
حب و إجرام (باللهجة التونسية )
Action#حب_و_إجرام🔫 كرونيكتي الجديدة اللي باش تهزكم من عالمكم لعالم الاجرام... وين الكل وقع على حياتو ... و راهن عليها أكبر رهان ممكن يعملوا ... بعد #خطوة_نحو_الجحيم🔥 باش ندخلوا في تجربة جديدة ... و أحداث جدد ...تفاصيل تحبسلكم انفاسكم و تخليكم تقراو السط...
