حب و إجرام (باللهجة التونسية )

الحلقة 8

الحلقة 8 :
اللي نعرفوا انو هاذ النوع من الرجال دايما يولوا لنفس البلاصة .... الفكرة بدات تدور في مخي يعني نروح ... تذكرت وعدي لوفا ... اما رايحة نربيه نقصد رايحة نحيه ... و نجي ... تنطرت من بلاصتي ... لبست شورت ... و خلعة في زوز نواغ ... سيبت شعري... عملت مكياج سموكي غطا كل ملامحي... خلا غير عينيا ... رميت يدي هزيت سكينتي المفضلة ... حطيتها على حزامي ... هزيت الفاست كوير لبستها ... هزيت التيليفون و الفلوس و المفاتح و خرجت .... ربع ساعة و كنت فما ... عديت عينيا عالللي الكل ... نمشي قدامهم و نحاول نثبت بلاكشي نلقاه ... اللي كيفوا لياليهم عايشينهم هوني ... و بالطبيعة اذاكا اللي توقعتو ... ريتوا كي ماشي مع وحدة الظاهر باش يديها للتوالات .... تبسمت على جنب ... و مشيت وراهم... دوب ما دخلوا لحقتهم ... فما زوز بنات يريقلوا في مكياجهم ... قدمت ليهم .. خبرتهم اللي البوليس جاو ... زربوا نطروا يجريو برا ... تبسمت مشيت للباب قفلتوا ... قدمت بخطوات لين وصلت لباب الطوالات اللي دخلوا ليها ... جبدت الموس دخلتوا فالقفل تحل بالوقت ... دزيتوا ... تنطرت من حجرو تنزل فالروب ... وجها مبلبز بالروج ... مبينة شكانوا يعملوا .... هز راسو غزرلي
أيلول؛ مفااااااااجأة
- شكونك انتي؟؟؟
أيلول؛ اممم ننجم نتوقع انك ما تقدرش تعرفني بالطابلوا هذا مي انا نعرفك يا حلو
-شكون هادي تعرفها نتا !!
- لا عمري شفتها
هزيتلوا براسي لا و انا نضحك ... وقف جا باش يلوح يدو ... جبدتوا و لويت ذراعو ... اكا اللفعة اللي كانت معاه ... استغلت الموقف و خرجت ... تلفتت ضربتها برجلي لرقبتها طاحت دايخة ...باقي يفارع باش يخرج من تحت قبضتي ... فلتوا ... وضربتوا على ظهروا تخبط فالحيط ... تلفت جا باش يضربني ... بعدت و حكمتوا من رقبتوا من التالي و خبطتلوا راسو فلافابو اللي يغسلوا فيه ... طاح دايخ ...بففف زعما راجل ..  هزيت السكين متاعي حكمت يدو ليمنى اللي حكمني بيها. .... و قطعتها ... فاق يعيط من الوجيعة ...غطيت عل فمو ... الدم باقي يسيح ... حكمت يدو ... حطيتها على ركبتي و كسرتها ...و باقية سادة على فمو ... طلقتوا قدمت راسي جا وجهي مع وجهوا
أيلول؛ من حظك انو وعدت بلي منزيدش نقتل ... و من حظك زادة انو يدك اليمنى ... كنت باش تطلع لفوق ... هاذي باش ما تخمم تمس حتى وحدة ... موش اي واحد يفلت من بين يدين dark .....قمت باقي يرجف لين داخ  ...الباب باقي يطبطب ... غزرت للطاقة متاع الطوالات ..  طلعت فوق لافابو ... حليتها و خرجت منها ترميت ... تجرحت رجلي شوي ... قمت فيسع ... ريقلت روحي مشيت البارك ... ركبت كرهبتي ... خدمتها ..  غزرت للباب متاع الديسكوا ... تبسمت توا ارتحت ...غزرت للدم اللي في يدي
.. رجفة سرات فيا .... وقت تعدا اكا السيناريو بين يديا ... و وجوهم اللي تترجا فيا ... و آخر حاجة يسمعوها هي Dark .... خبطت الفولون بيدي .... رمشت بزربة باش منبكيش اما دموعي نزلوا ...فقت من وضعي ..  هزيت يديا مسحت ... نسيت جملة باكا المكياج .... جيت باش نمشي ... غزرتلوا كي خارج ... ثبتت كثر ... تاكدت بلي هو ... دوب ما يرمي الخطوات ... تركز بيدو عالحيط ... هاز القرعة متاع الشراب ... حالتوا تسخف ... تقول موش اكا العبد متاع الصباح ... باقي يرمي فالخطوات ... قريب يطيح ... مستحيل في حالتو هاذي يسوق ... منعرش علاش باقية نتبع فيه بعينيا ... فكيت السبتة متاع الكرهبة و نزلت عندو ... جريت باش نجمت نحكموا قبل ما يطيح ... هز راسوا غزرلي ...
أمير؛ آآآ هاذي نتي ...
أيلول؛ لا الجن اللي لقفك
أمير؛ شبي حالتك هكا
أيلول؛ حالتي ولا حالتك هيا عاوني شوي و ايجا ...
بسيف ما ركبتوا ... مشيت من الجهة الثانية و ركبت ... لقيتو يشرب من القرعة ... ڨحرتلوا .. قدمت ليه جيت شنفك القرعة من يدو ... جبدها ... قدمت اكثر ... حطيت يدي تركزت عالكرسي متاعو ... و اليد ثانية فكيت من يدو القرعةة... حط يديه على وسطي ... تكهربت من لمستوا ... غزرتلوا 
أمير؛ القرب برشا من العباد شيحل عليك نار جامي تطفى
جبدت روحي بعد ما بعد يديه ... رجع راسوا للتالي ... خدمت الكرهبة... و مشيت ...
أمير؛ شبيهم يديك مجروحين
تلفتت غزرتلوا كي باقي يغزرلهم ...
أمير؛ اما هاذوا شي قدام الضياع اللي نحس فيه توا ...نحس في روحي قاعد نتخنق كيف واحد تحت البحر و ميعرفش يعوم ...
أيلول؛ شي ما يستاهل
أمير؛ فما حوايج يستاهلوا
أيلول؛ باز
كملت نسوق باقي ساكت تلفتت غزرتلوا كي غطس فالنوم ... باقي يخلط فالهدرة ... مركزتش معاه برشا ... كل اللي يهمني توا انو نرقد ... ركيت الكرهبة ... شاورت لواحد من العساسين ... عاوني باش طلعتوا... تي توا كل دقيقة يرقد واحد ... هزيت الغطا حطيتوا عليه و خرجت لبيتي خذيت دوش ... لبست الكاب متاع الدوش كهو و رقدت اصلا تاعبة عاللخر ....
🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫