حب و إجرام (باللهجة التونسية )

الحلقة 13

الحلقة 13 : 
أيلول؛ فاش تعمل !
أمير؛ اشطحي من غير ما تشلقي ..فما 6 يراقبوا فينا من غير لي برا 8 ... و اللي حاكمهم سمعتوا كي خبر البوس تاعوا اللي احنا في نفس الحفلة ... و انو باز فما علاقة بيناتنا ... وهذا الشي اللي حابوا يوصلهولو ... اللي وراه اكيد يعرف شمعنى اللعب مع أمير ... على اذاكا يبعد لين ننجم نعرفوا ...
لفيت عليه .. و عاودت حطيت يدي على كتفوا ...قدمت ليه اكثر حطيت راسي على كتفوا ... في بالو اللي انا أيلول كهو ... على هذا يحب يحطني تحت جناحو ... باش يبعد هذا عليا ... ميعرفش الأنا الأخرى متاعي و اللي هي DarK اللي كون يعرف اللي تبلاني شكوني ... باش يموت من غير ما نجبدوا ... جبدت روحي شوي ....اما باقية قريبة ... نحس فالنفس تاعوا على وجهي ... لف بيا و نزلني ... نجمت نرا ملامحوا شوي مع الضو الخافت الاحمر اللي ضرب ... باقي يطلع فيا ... عينيا فعينيه ... امير نحسوا لغز ... مزيج بين الرجال اللي عرفتهم في حياتي الكل ... الرجولة ..  الحضور ... الكاريزما ... الكره ... الوجع ... السلطة ... و الألم ... التملك ... رميت عيني على واحد قاعد يصور ...لزيت لأمير أكثر ... لين وليت نحس في دقات قلبوا ... غرست راسي في رقبتوا ... حسيتوا تكبس ...
أيلول؛ باش تجيش فوطو شابة يديها لمعلموا ...
أمير؛ هه فما واحد زادة يصور من جيهتي .... ايجا تشوف ..
لاح يدو تحت رقبتي ... و جبدني جا وجهي مع وجهو ... غزرتلوا في عينيه ..غمزني ... و قدم اكثر ... طبس راسو عليا ... عينيا تحلوا !!!
أيلول؛ فاش تعمممممل
أمير؛ شششش
قرب خلاص ... قريب شبوسني ... عينيا راح يتغمضوا ... غزرت لعينيه ... كي غزروا للعساس ... فهمت شيقصد بالفازة انو يبينلوا بلي باسني ... و ميبقاش احتمال صحاب كهو .... جبد روحو ... عدا عينيه على وجهي ... بلعت ريقي ... تييي شبيني توترت هكا ...
أمير؛ توا نبعد باش ميحكموناش الصحافة  و تولي حكاية .... وصيت الرجال يجيبولي تسجيلات الكاميرا ... غدوة نتعدا عليك كان عرفتهم بونوي ...
جبد روحو ... برودة تعدات عليا ... غمضت عينيا و حليتهم ... استوعبت شصار و نزلت ...شوية و شعلوا الضواو ... صوت التصفيقات علا .... جات وفا و نضال بالوقت ... سرحت فاللحظات اللي كنت فيهم... تبسمت من غير ما نحس ... تي يعاون فيا من قلبوا... اما علاش يعمل هكا ... اصلا ننجم نلقا اللي عملها ... كون جيست نبين اسمي dark. ...الكل باش مشيو تحت يدي .. حتى امير ... هزيت راسي غزرت للي عمل الحفلةكي يحكي ..  تكيت للتالي ..  عديت عينيا عالصال الكل ... خرج ... حتى الرجال مفماش ... منحتاجش تفكير باش نتأكد اللي راحوا يخبروا ... الحمار اللي حاكمهم انو كوپل مع أمير..  فكرة غريبة عليا ... خاطر الحب فكرة جامي خممت فيها بعد اللي صار فالماضي ...وين يا اني نكون أون كوپل مع حد ... يعني تفكير أمير فاجأني صراحة ... خاطرو دخل روحو ... و لحق يخطط لتفاصيل كيف هكا ... غزرت لوفاء ... اللي عاملة جو عاللخر ... خبرتها اللي باش نمشي ... حبت تجي اما طلبت تقعد اصلا مزال الحال 23:30 ... اما نحس روحي نعسانة و نحب نرقد ... ودعت نضال ... و مشيت لمارك ... سلمت عليه ..
أيلول؛ مارك رايحة نروح دوكا ... مبروك مرة أخرى
مارك؛ بالسرعة هادي زيدي شويا ... هاكي منورتلنا الحفلة
أيلول؛ ههه مرسي .. اما تعبت شوي هاك تعرف ضغط الخدمة
مارك؛ وي صح ... حقا راح نقولك اللي عندي ليك صفقة شراكة
أيلول؛ اممم تاع شنوة
مارك؛ باش تعجبك ... اصلا هاذ الصفقة تناسبك غير نتي .. ههه اغزري جاو الصحافة
تلفتت ... حط يدو على كتافي... باقيين نتبسموا ... وهوما يصوروا ... و يسقسوا عالجديد ... خبرهم على امكانية شراكة بيناتنا ... بعد ما كمل هذا الكل نجمت... نفلت منهم ... نسوق فالكرهبة... مفماش للي يراقبوني ... زعما من خافوا أمير ؟ ... تفكرت شطحتنا ... جات صورتوا بين عينيا ... شوي كهو و فقت لروحي شبيا هكا .... مطولتش ووصلت للدار... رحت نحيت المايكاب .. و لبست بيجاما ... ترميت عالسرير... كان نهار طوييل برشا ... غمضت عينيا و رقدت...
🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫