الحلقة 21 :
وفاء تحكي على كلاموا التالي ... عينيا تحلوا .. قمت من بلاصتي ... قام في جرتي ..
نضال؛ شبيك وفاء ؟؟
وفاء؛ أه .. شي
نضال؛ باز تسرعت فاعترافي .. اما تعرفيني منجمش نخبي برشا... اصلا الشي اللي نحس فيه ... عندو برشا موش من اليوم ولا البارح ...لقيت روحي نرتاح معاك ... و تنجمي تفهميني من غير ما نحكي ... ما نعرش شنية تحسي نتي .. اصلا جامي نجمت ندخل الداخل و نفهم ... مشاعرك ليا .. خاطرك غامضة .. و النهار اللي نحس روحي فهمتك فيه ... نلقا روحي موش فاهم شي ...
حكم يدها .. غزرتلوا..
نضال؛ محكيتلكش هكا باش تغزرلي هاذ الغزرة ... ولا انو تتبدل علاقتنا ... مدابيا كيف توا كيف قبل .. خاطر منيش مستعد نخسرك كصديقة ولا غيرو ..
غزرتلوا و ضحكت
وفاء؛ كملت ؟!
نضال؛ ههههههه اممم
وفاء؛ أنا زادة نفس شعورك
نطر من بلاصتوا ... يضحك ..
نضال؛ هههههه و علاش كنتي تشوفي معايا هكاك .. تباني رايحة تقتليني
وفاء؛ ههههههه باش نراقب تفاصيل وجهك
نضال؛ فرخة ههههه إيجا
قمت ... جبدني عنقني ... تي تقول باش يدخلني في ضلوعوا ... تبسمت اللي نحس فيه توا منجمش نوصفوا ... قلبي باش يخرج من بلاصتوا ... كورون ضرب في كرشي ... جبد روحو شوي ... عدا عينيه على وجهي الكل .. رجعلي شعري ورا وذني ... تبسمتلوا .. باسني على جبهتي بوسة مرصوصة ... غدوة باش نرجعوا ... توحشت أيلول برشا ...
...............................
حليت عينيا راسي يوجع عاللخر ... غزرت للبيت ضيقت عينيا موش البيت اللي رقدت فاها ... تقعدت غزرت لدبشي ...موش نفسوا!!... وقفت غزرت للباب متاع البيت .. حليتوا و خرجت نجري ... موش الفيلا متاع أمير ...
أيلول؛ أمييير ... أميييير ...
نزلت لقيتوا قاعد فالصالة للتحت يتكيف في ڨارو.. متكي راسو للتالي ... قدمت بخطوات ليه .. غزرلي و طلع عينيه للسقف ... موش من عادتوا يعمل هكا ... غزرت ليدوا كيف مجروحة و الدم متخثر فاها .. نطرت وقفت فوق راسو ...
أيلول؛ أميير شبيها يدك ياخي !!
باقي ساكت يرحي فالڨارو ...
أيلول؛ أمييييير نكلم فيك راهو
عدل قعدتوا ... طيش الڨارو فالسوندري اللي فوق التابل ... و جبدني من يدي بالقوة طحت عليه ...لف يديه على وسطي ...و غرز راسو فرقبتي ... جيت نجبد روحي كبس عليا أكثر ... نفسوا باقي يضرب في رقبتي ً... تعدا وقت شي ربع ساعة اكاكا ... جبدت روحي شوي .. اما باقي لاف يديه .. جا وجهي مع وجهوا ...غزرلي غزرة منجمتش نفهمها ...
أيلول؛ شبيك أمير .. شبيهم عينيك حمر هكا ! ... و يدك شبيها ؟
أمير؛ اسكت أيلول
أيلول؛ شنو.....
قص عليا ... كي طلع يدو من وسطي لتحت رقبتي و باسني ...
🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#حب_و_إجرام🔫
#يسرى_أمجوج👑
أنت تقرأ
حب و إجرام (باللهجة التونسية )
Action#حب_و_إجرام🔫 كرونيكتي الجديدة اللي باش تهزكم من عالمكم لعالم الاجرام... وين الكل وقع على حياتو ... و راهن عليها أكبر رهان ممكن يعملوا ... بعد #خطوة_نحو_الجحيم🔥 باش ندخلوا في تجربة جديدة ... و أحداث جدد ...تفاصيل تحبسلكم انفاسكم و تخليكم تقراو السط...
