حب و إجرام (باللهجة التونسية )

الحلقة 15

الحلقة 15 :
أمير؛ وينك ؟
أيلول؛ فالدار
أمير؛ دوك نجي عندنا ما نحكوا
أيلول؛ أوكي
علقت عليه ... كملت نرشف النيسكافي و نغزر للبعيد منعرش قداش تعدا وقت ... وصلني ميساج من واحد من رجالي ... الللي  وصيتهم يتتبعوا القضية ... خبرني للي بعثلي دوسيات لازم نشوفهم ... حطيت الكاس و دخلت للدار نطلع للبيرو ...
أيلول؛ كي يجي أمير طلعيه للبيرو
البون؛ امرك مدموزال ..
طلعت للبيرو ... حطيت الپيسي قدامي ... باقية نستنا فالدوسي يوصل ... غمضت عينيا ... نحرك في صوابعي فوق التابل ... دوب ما وصل الدوسي ... ريڨلت قعدتي ... طبطب الباب ... خرجت من الشاشة الكل ..
أيلول؛ ادخل
أمير؛ بونجوغ ...
أيلول؛ بونجوغ صاڤا
أمير؛ مليح و انتي
أيلول؛ صاڤا
حط الفلاش فوق البيرو و قعد ...
أيلول؛ شنية هذا
أمير؛ تصاور متاع اللي كانوا فالحفلة ... و التاتو متاع المافيا متاعهم ...
هزيت الفلاش ركبتوا ..
قاعدة نغزر للفوطوات اللي فالپيسي ... وجوهم مألوفة ... توا عرفت شكون اللي وراهم ...
أمير؛ تعرفي لشكون تابعين ؟
أيلول؛ لا جامي ريتهم
أمير؛ كي هكا علاش يراقبوك و يراقبوني انا زادة و هجموا على دارك
بعدت بالكرسي للتالي .. وقفت هزيت الفاست ... باقي يغزرلي ...
أيلول؛ تو نفرز الحكاية .. مدخلش روحك فيها
مشيت بخطوات ... ما حسيت كان كي دزني للحيط ... و حصرني بيديه ...طلعت عينيا ... ڨحرتلوا ...
أيلول؛ شششـ ..تعمل !!
أمير؛ تفهمي كان كي نحصرك ... موش قلتلك فالحفلة انو نحلوها كيف كيف ... خاطر ...
باقي يحكي ... عروقو ظاهرين يحكي و يلز في هدرتوا ..  عديت عينيا على وجهو الكل .. غمضت عينيا بقوة ...لفيت يديا ورا رقبتوا ... طلعت شوي راسي و بستوا ..
بعدت شوي ... لقيتو يغزرلي مشوكي من الفازة ... جبدت يديا من تحت رقبتوا ..هزيتها مسحتلوا الروج ..
أيلول؛ مدخلش روحك أمير لهوني و يزي تو نفرز كلشي ... عاونتني برشا ... تو نفرزها في ساعة و نخليلك ميساج ... انتي كهو ابعد على حكاياتي ... و مرسي
عديت عينيا على تفاصيل وجهوا الكل ...غزراتو منجمتش نفسرها ... جبدت روحي و خرجت نجري ... كنت نستنا فهاذ اللحظة ... خذيت المفاتح من عند العساس ... خدمت الكرهبة و طرت بيها ... توا طاح و حد ما ينجم يفكوا ...
أمير يحكي :
كنت نعيط هكاك ... منعرش اصلا علاش شعلت هكاك ...خاطر المشكل مشكلها من لول ... و راقبوني خاطر في بالهم عندي علاقة بيها ... اما محبيتش انها تقولي متدخلش بعد اللي عملتوا ... وقفت وقت باستني ... ببوسة نجمت توقفني .... بعدت غزرتلها ... فما شي فيها موش نورمال ... حكات هكاك و خرجت ... وقفت دقايق نحاول نستوعب شصار توا ... رجعت بدقايق للتفاصيل وجهها  كي شافت التاتو متاع الرجال ... أكيد تعرفهم على هاذي عملت اكا الرياكسيون ... محال نخليها هكاك ...خرجت نجري
أمير؛ألو  راكم وراها موش هكا
- وي مسيوا كيما طلبت
أمير؛ عننندكم تضيعوها ولا تشوفكم دوك نحدد موقعكم ...
خدمت الكرهبة ...شعلت ال GPS ظهرلي موقعهم طريق****** علاش رايحة لبلاصة خالية كيف هكا زدت فالفيتاس ... ربع ساعة و لحقتهم بعد ما حبسوا .... دوب ما وصلت .. ريت الكرهبة متاعهم في طريق في نص الغابة ... حبست و نزلت ... غزرتلهم كيف متصاوبين ... خبطت الكرهبة برجلي ... رجعت للكرهبة خدمتها بلاكشي نلقاها ..
🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫