حب و إجرام (باللهجة التونسية )

الحلقة 24

الحلقة 24 :
حليت عينيا عديتهم عالبيت الكل ...نفس البيت اللي فقت فاها ... تذكرت كل اللي صار ... العصب ركبلي ... غزرت للدبش اللي عليا ... كبست عالفراش ... توا بالحق منعرش شنوة ممكن نعمل ...عاودت الأحداث في مخي ... شبيهم مقتلونيش ... موش يحوسوا عالإنتقام للزوز... أكيد فما شي فالنص ... براء موش ساهل ... دوب ما ذكرت اسموا ... شي قوي خلاني نبلع ريقي .. ننجم نقول اللي خلاني نرجع بالسنين للتالي ... يمكن هو اللي كان السبب ... في أني بعدت عالمافيا جملة ...و أمير الساقط ... دوب ما تذكرت كلاموا... العصب ركبلي ... تحل الباب ... هزيت راسي جات عيني في عينوا ...
براء؛ هاك قمت
أيلول؛ هه الساقط اللول جا ... وينو الرخيس لاخر ...
قدم عندي بالغش ... حكمني من وجهي بيديه. . وكبس
براء؛ **** ريڨل ***** هدرتك
أيلول؛ و إلا باش تخدرني و تعاود اللي عملوا صاحبك
رخف يديه و جبد روحو ... عطاني بالظهر ... عدا يدو على وجهو... تقعدت من الفرش ... مشيت قابلتوا ... قدمت ليه .. ڨحرلي ..
أيلول؛ براء نظن تعرفني بالحق ....و تعرف شنية ننجم نعمل ... و أكبر غلطة عملتوها انكم خليتوني حية لتوا ...هههههه علاش مقتلتونيش ... ماو تعرفوا كان الطرق متاع الساقطين ... اه علاش براء...
حكمني من كتافي... و دزني لين تخبطت فالحيط ... حسيت ظهري تقسم ... هزيت راسي ڨحرتلوا ... عينيه حمر دم ... من ريحتوا باين بلي شارب ... باقي يغزرلي كهو ... هاذ الفازة تعاودت للمرة الثانية ... غمضت عينيا محيت الأفكار متاع الماضي الكل
أيلول؛ علاش مقتلتنيش براء
حط جبهتوا على جبهتي ... حسيت بتنهيدتوا ... جيت باش ندزوا .. كبس عليا ... براء؛ منجمتش نعملها ... هزيت الفرد ... حطيتوا بين عينيك و منجمتش ...
أيلول؛ علاش ؟؟
غزرلي في عينيا ... هزيتلوا بحاجبي باش يجاوب ... جبد روحو عليا ... خاطر رجولتي متسمحليش نقتل عدوي و هو مخدر ...
أيلول؛ اما صاحبك بسلامتوا يستغل الفرص و كون قتلتني و انا مخدرة خير
براء؛أيلول روحي من هنا
أيلول؛ هههههه مثبت فاللي تقول فيه راك فيه تعرف شمعناها أني نخرج منا ... معناها صاحبك الساقط باش نلحقوا للفوق عند الساقط لاخر
تلفت غزرلي ... توا تاكدت من الشكوك متاعي الكل ... وعلى اذاكا باش نبدا اللعب متاع dark ... و نخلي الكل يدخل فدوامة الشك ...قدمت عندو جا وجهي مع وجهوا ... عنقتوا حسيت بيه كي تفآجأ .. اما لف يديه عليا ... و هذا رد الفعل اللي كنت نحوس عليه ... تبسمت على جنب ... و جبدت روحي ...باقي يغزرلي كهو ... نعرف مكثر فالشراب أما صاحي و فايق شنية قاعد يهدر... و شنوة اللي يصير ... نزلت دموعي ... أصلا الموهبة هادي تعلمتها وقت دخلت لعالم المافيا ... انو المراة تنجم تكون أقوى من الراجل ... بثلاث أسلحة ... الأنوثة... الدموع ..و الكيد متاعها ... و انا أكيد شنجرب أسلحتي الثلاثة ... و نقلب اللعب المسخ متاعو بعشيرو براء ...فالتالي براء طلع كيما في بالي ... أما أمير شنوريه اللعب على أصولوا ....غزرلي براء متأثر أما محبش يبين ... في عينيه فضول كبير ... شيعرف علاش نبكي ...
أيلول؛ عيشك براء ... خاطرك مكنتش كيفو ... باش يجي النهار و ننجم نخبرك علاش قتلت رامي ... اما عالأقل مكنتش ساقط كيف أمير
براء؛ dark نقصد أيلول علاش قتلتي رامي ماو كان عشيرك ... كنت ساعات نحسكم كوپل .. كنت نغي..... كنت نغزر لصحبتكم اللي قوية برشا .. بين ليلة و نهار كلش تبدل شصار ياخي ؟؟
هزيت يدي مسحت الدموع .. تبسمت شوي و غزرتلوا ... قدمت لوذنوا ...و همست
أيلول؛ تعرفني من قبل ... تعرف اللي منعملش شي نأذي بيه الناس ... على اذاكا وقت كنت باش نجن و نقلب كل شي بعدت ... اما توا لحق الوقت .. باش يرجع اللعب فالعالم اللي نحبوا ...
جبدت روحي غزرلي ...
براء؛ تقصد اللي
أيلول؛ امممم اذاكا اللي في بالك
براء؛ dark أمير
أيلول؛ أول قاعدة براء شكانت ؟
براء؛ نتعداو الأمور التافهة خاطر الناس اللي كانت في صفنا
أيلول؛ و اذاكا اللي باش يصير خاطرك كنت فصفي للتالي ... كنت تنجم تقتلني اما معملتش ... و خاطر أمير صاحبك باش نتعدا حكايتوا خاطرك ... مزال نزيدوا نتلقاو برشا براء باي
سكت كانوا مصدق ... خرجت ...مدام راني مع براء .. يعني فداروا في نيويورك ... تبسمت ... توا لحق الوقت باش نرجع للصح ... باش نرجع dark ..
🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫