حب و إجرام (باللهجة التونسية )

الحلقة 9

الحلقة 9 :
فقت الصباح ... رميت عيني للساعة .. تي ال 9 راهي ...قمت عديت يديا على شعري ... لازمني قهوة باش نصحصح ....نزلت للتحت دخلت للكوجينة ... ريتو كيف قاعد مع وفا يضحكو ... دوب ما دخلت غزرولي في زوز .. من فوق للتحت ... غزرت لروحي تي نسيت اللي رقدت بالكاب متاع دوش ... ...
أمير؛ بونجور
أيلول؛ بونجوغ
وفاء؛ بونجوغ قهوة مرة كي العادة
قعدت عالتابل ... حطيت راسي عليها ...
أيلول؛ امممم تاعبة عاللخر ديريها مدوزية عيشك ..
هزيت راسي شوي من على التابل غزرتلوا ...
أيلول؛ صافا
أمير؛ اممم صافا مرسي عالبارح
هزيت راسي كي حطت وفا الكاس قدامي ... هزيتوا
أيلول؛ رديتلك مزيتك كهو
أمير؛ ههه الظاهر تحب كلش بالحساب
وفاء؛ هههه كيف ماقتلك امير كلش قدقد
أيلول؛ لحقتوا تتعرفوا و كلشي
وفاء؛ هههه ماو راكي فاطنة روطار بساعة توا الاجتماعاات الكل تتأخر
أيلول؛ عادي تو تتفرز ... اصلا كلش حكينا فيه البارح موش ضروري نروحو
وفاء؛ لازم أيلول ماو لازم نفتتحوا البراند الجديدة لازم تحضيرات ...
أيلول؛ باش تمرجيني عالصباح  لين روح هكا
وفاء؛ ههههه اذاكا الظاهر باش نسبقك نظم الأمور و الحقيني
أيلول؛ باهي باي
هزت ساكها ... نزلت سلمت عليا ... و مدت يدها صافحت أمير
وفاء؛ متشرفين مرة اخرى أمير
أمير؛  ليا الشرف ...
خرجت كملت نشرب فالقهوة متاعي و هو زادة ...
أيلول؛ شنية اللي خلاك تكون في اكا الحالة
أمير؛ نفس الشي اللي خلا حالتك هكاك النهار اللي قبلوا
أيلول؛ ههه محال يكون نفس السبب
أمير؛ تختلف الاسباب و النتيجة واحدة
رشفت من القهوة ... حسيت بحركة موش نورمال ... نطرت رحت نجري للطاقة ... غزرت للبوابة الكبيرة ... مفماش العساسين ..  عرفتها ...
أمير؛ صافا !!
أيلول؛ أيجاااا
جبدتوا من يدو ... طلعنا نجريو للبيت متاعي ... دخلنا ... قفلت الباب ...جريت للخزانة ... جبدت الفرد متاعي ... تلفتت غزرتلوا كيف متفاجئ ...
أيلول؛ تعرف تصوب !!؛
أمير؛ وي مي
تلفتت جبدت الفرد الثاني رميتوا حكموا ... قص علينا كي دخلوا زوز ... كسرو البلار متاع الطاقة ... مسلحين ... هزيت الفرد صوبتهم قبل ما يلحقوا يصوبوا ... جريت عند واحد فيهم ... نحيت القناع على وجهو ... زدت هزيت يدو غزرتلها ... موش من العصابات اللي نعرفهم .... قمت نجري حطيت يدي على كتاف أمير ... بلعت ريقي ....
أيلول؛ أمييير ... فما مشكل كبير على اذاكا اتخبا لين نفرزهم ...باهي ... حياتك باش تكون ف
قص عليا كي حط يدو على وسطي ... ردني وراه و صوب على  زوز دخلوا ... و تلفت غزرلي...حليت عينيا متفآجأة ....
أمير؛ let's have fun ( فلنحصل على المتعة )
غمزني ضحكت ... نزلنا باقيين نصوبوا عليهم لين خلصوا ..  حكمت واحد فيهم وقت كان هارب ... ضربو أمير جا فلرض ...
أيلول؛ هوما زوز كلمات منعاودهمش .... شكون بعثكم
- م م منعرش
زاد ضربوا أمير تفلق وجهو بالدم ...
-منعرش جامي ريت وجهو ... مدلنا الأوامر انو نهجموا عليك نقتلوك و عطانا فلوس حتى مقرو منعرفوهش ... هو اللي اتصل بينا ... و دفع نص مليون دولار ثمن راسك
أيلول؛ ههه نص مليون موش قلل من اهميتي اما الا ما نعرفو . . دخلوا وحدات الأمن روطار كي العادة ...
-مدموزال احنا
أيلول؛ بلع عليا ... هزوه اعملوا معاه اللازم ... و خبر الخدامات ينظفوا الفيلا من الدم ...
-أمرك
🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫