حب و إجرام (باللهجة التونسية )

الحلقة 39

الحلقة 39 :
أمير؛ أيلوووول نقصي فالفيتاس تو نديرو اكسيدون ... و حبسي البكا
أيلول؛ أمييير بربي اسكت موش ناقصة جملة
أمير؛ عمبالك ويني ياخي !!
أيلول؛ ن نظن فما بلاصة ... أما موش متأكدة ... أمييير نهبل كان يصرالها شي ختي راهي !!
أمير؛ موش باش يصير شي اهدا توا
دوب ما وصلت ... ركيت الكرهبة و نزلت نجري ...غزرتلها من بعيدكي قاعدة عالحرف متاع البالكون اللخر متاع الفيلا ... عينيا تحلوا ... عملتلي باي باي بيديها ... لحق أمير ...
أيلول؛ وفااااا أمانك متعمل شي
طلعت نجري منعرش كيفاش كملت اكا الدروج ...لحظة اكهو و كنت وراها ... تلفتت غزرتلي ...هازة فيدها القرعة متااع الويسكي... جيت نقدم حبستني بيدها ...
وفاء؛ ههه تولهي تزيدي خطوة أيلول
جمدت فبلاصتي..، تلفتت لأمير ... هزلي بحاجبوا متاع لا ... باقية تتارجح ...قلبي باش يخرج ... منجمتش حتى نحكي معاها و هي فاكا الحالة ... شربت من القرعة و غزرتلي ... هزت صبعها ليا
وفاء؛ كلشي انتي السبب فيه ... طلع يحبك هههه ... اما شنية الجديد فاها ... الكل يحبوك ... موش هكا أمير ...هاك عرست بأكثر وحدة مطلوبة ..و اكثر وحدة يجريو الرجال جرايرها ...و يروحو برشا ناس جرايرها زادة ....امممم
قامت من على الحرف و نزلت تكات عليه بظهرها و قابلتنا ...
أيلول؛ وفا امانك يزي ما شربت ... يزي عيش اختي .
وفاء؛ ههههه اختي قلتي ....لا ماناش خوات نصححلك ... انا كنت تابعة متاعك ...
أيلول؛ شصار وفا ؟؟! امانك احكي
قدمت عندنا ... غزرتلي و غزرتلوا ... شربت و طلعت راسها ... حطت يدها على كتفي ...
وفاء؛ اللي صار انو كي كنتي تعدي فليلتك العالمية ..، انا عديتها مع راجل يحبك انتي... فكل لمسة كان يشوف فيا انتي ... خذا شرفي اما فاللخر ... ختمها بلي يحبك انتي ..، و انا كنت نزوة ... هههههه سنيين سنين و انا نزوة ... ههه و بالطبيعة انتي الصح... راكي دارك موش اي وحدة ...
تلفتت  عطاتني بالظهر .... بقيت لحظة نستوعب فللي قالتوا توا ...
أيلول؛ ن ن نضاااال !!! 
أمير؛ ميستاهلش انك تنتاحري على جالوا وفا
وفاء؛ ههههه ننتحر !!! في بالكم اللي انا باش ننتحر لا ... حتى ندي حقي منو ...
تلفتت غزرتلي
وفاء؛ و منك باهي ...و من اليوم جامي تحكي معايا ... خاطرني المرة الجاية باش نعمل حوايج ميجيوش في بالك سينيورة دارك ...
تعداتني و نزلت .. رجعت بخطوة لللتالي ... قريب طحت ... حكمني من ذراعي...باقي يهز فيا ..غزرتلوا طلع يديه مسح دموعي...
أيلول؛ أمير منعرش أصلا ... و مفيباليش بالحكاية .. اصلا نعتبروا صديق اكهوا ... مكانش في بالي اللي نيتوا خايبة ليها ... ع عمري ما سلمت فاها أمير ..
أمير؛ نعرف يا روحي ،.. حبسي توا ...
جبدتها عنقتها... لفت يديها عليا و كبشت فيا ... باقي تبكي.... غمضت عينيا و حليتهم ... تو نوريه اللعب بالقدا ... جبدتها شوي عينيها حمر دم ... خشمها زادة ..عديت يدياعلى خدودها .. و ننزلت راسي ليها ..
أمير؛ كلشي باش يكون مليح يا روحي ... تو نلقاو حل .. هيا نروحو الجو تقلب ... قبل ما تاخو ڨريب باهي
هزتلي براسها باهي... حكمت يدها و نزلنا ...وصلنا للكرهبة.. حليتلها الباب ركبت .. و زدت ركبت انا ... قدمت نربطلها السبتة .. غزرتلي عينيها ذابلين. عاللخر .. عديت عينيا على وجهها ... جبدت روحي .. ريقلت السبتة ... المطر بدات تصب .... تلفتت غزرتلها متكية راسها عالبلار ... سارحة للبعيد ... اللي تحس فيه توا صعيب برشا ... انو صاي خسرت صاحبتها ... و اللي تحبوا صاحبتها يطلع يحبها ... معادلة صعيبة برشا ... ركيت الكرهبة تلفتت غزرتلها ....باقية تايهة ... جبدتها من كتافها ،،، تلفتت غزرتلي ... تاعبة برشا ... طلعت يديا نعدي فيهم على خدودها ،...
أمير؛ باش نحلوا كلشي باهي .. باهي ؟
هزتلي راسها بايه ... تبسمتلها ..،حلينا الباب و نزلنا ... دوب ما دخلنا للفيلا ... لقينا المربية هازة اكا الطفل ... قفلت الباب قدمت عندها هزتوا من يدها ... تكيت عالباب و باقي نتفرج عليها....حتى في حالتها هاذي ... اما قلبها حنين برشا .... قاعدة و تلعب معاه بالشوي ... للحظة سرحت فتفاصيلها المتناقضة... كل مرة نقول صاي فهمتها نلقا روحي ددايخ أكثر،،، كل تفصيل نقول هذا صاي فاها ... نكتشف اللي هي تنجم تكون ضدو... بالمختصر هي مزيج من تناقضات... اللي تخلي الواحد يسرح فاها ... و يخمم شنية التالي ... قص عليا التيليفون كي نوقز ...غزرتلوا ... براء يطلب ... غزرتلها و مبعد تلفتت هزيت
أمير؛ ووي براء ؟
براء؛ خرجت و مخبرتنيش ياخي أمير شبيك وليت هكا ... صحاب رانا
أمير؛ براء مكانش فما وقت و الأمور دخلت بعضها
براء؛ باهي تو نجيك للدار و نحكيو باهي ؟
أمير؛ أوكي ... أه ! شنوووة ...لا
براء؛ شفما ؟
أمير؛ غدوة نحكيو ...اليوم واحل شوي باهي ..غدوة نكون فالشركة اتهلا
براء؛ باهي تهلا
علقت عليه .. و تلفتت غزرتلها كي تايهة ... هدوئها هذا يخوف ... قدمت قعدت قدامها ... رقد في حجرها ...
أمير؛ هاك تعرف ترقد الصغار
أيلول؛ لا بطبيعتهم كي يشبعوا يرقدوا ... مزال جسمو متلمش توا على أذيكا يرقد برشا... محلاه ،.. يعني بالحق فما وحدة ... تسلم في طفل هكا و تمشي من غير ما تخمم انها سيبت طرف منها ..،
أمير؛ يصراو حوايج كيف هاذو ... اما ربي مافيه كان الخير ... هاو طاح عندنا ... و باش نعوضوه كلشي
ركزت على كلمة نعوضوه للحظة مبعد فقت على روحي ...
أيلول؛ نطلعوا نحطوا في بلاصتوا توا
قمت باقية نمشي بالشوية ... لين حطيتوا فسريرو ... غطيتوا ..، و نزلت بستوا بوسة خفيفة ... مبنوا .. منعرش علاش جا فطريقي توا ... و لكان رايحة ننجم نتحمل مسؤولية طفل كيف هكا ... اما اللي متأكدة منو انو موش باش  نسلم فيه ... حرك يدو غزرت للخانة للي في كف يدو ... نفس بلاصة الخانة متاعي ... حليت يدي غزرتلها و زدت غزرتلوا... مالا صدفة... تعدا وقت و أنا قدامو ... الليل بدا يطيح ... المطر اللي محبتش تحبس ... ديسمبر يشبهلي برشا ... خاطرو متقلب ... ووين يركح الجو تلقاه هدوء ما قبل العاصفة ...خاطر جامي تهنيت كل مرة تتقلب حياتي ... و فالتالي خسرت عشيرة سنين ... تحل الباب غزرتلوا كي دخل ... قدم عندي حكم يدي .. و جبدني  .. خرجنا من البيت ...
أيلول؛ أمييير وين ياخي
أمير؛ اتو تشوف
🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🗡