حب و إجرام (باللهجة التونسية )

الحلقة 4

الحلقة 4 :
دخلت للفيلا ... العايلة الكل ملمومة ... حتى عايلتوا ...يتبكاو ... دوب ما دخلت غزرولي الكل ملفوق للتحت ... تعديتهم وقفت عند راسو ... غزرتلوا و هزيت راسي غزرت لعمي اللي واقف ....مع البوليس جا قدم عندي ... قدم يحكي في وذني ..
كمال؛ أيلوول واش لابسة هكا ... تعرفي اللي جاية لجنازة ... و عالأقل بيني شوي حزن ... كامل يخزرولك ... هادا راجلك اللي يشوف يقول فرحانة بموتوا
تبسمت شطر تبسيمة ... و غزرتلوا في عينيه ...
أيلول؛ اوووه صح مزية قلتلي ... توا الحقني للبيرو متاعك عمي  ...
غزرلي مشوكي ... غزرتلهم الكل كيف يغزرولي ... متفآجئين من ردة فعلي ...في بالهم اللي انا نعمل هكا خاطر خانني .... هه ميعرفوش للي انا خذيت حقي منو ... خاطر كان في بالو باش يقتلني و يدي املاكي ... ميعرفش معامن يلعب ...قعدت فوق الكرسي متاع البيرو ... حطيت رجليا فوق البيرو ...دخل قابلني وجهوا ملخلخ ظاهر خايف ... بالطييعة باش يخاف ... زدت تاكدت اللي من الكونترا اللي ريتها ... زواجي مقابل فتح فرع من شركة الإدريسي في تايلاندا ... هذا غير فواتير متاع سحب الأموال باسمي من حسلب بابا و ماما المجمدين ... كان يمدلي نوقع ورق في بالي ... يحبني نشد معاه الخدمة ... و نكون ذراعو اليمين ... اما كان يعقب فالما تحتي ... كان يخليني نوقع مزروبة ... و كنت نوقعلوا على مبالغ كبار ... مكنتش نعرف بحسابات ماما و بابا المجمدين و عمروا ما خبرني عليهم ... برشا حوايج اكتشفتهم متأخرة ... رغم انو 5 سنين ... حد ما نجم يعديها عليا ... و كل حد غلط...كانت حياتو الثمن ....
كمال؛ شبيك أيلول ؟؟؟
أيلول؛ غريبة كيف متعرفش... يعني نظن انتا اكثر واحد تعرف شصاير موش هكا ...
كمال؛ بنتي شنوة اللي قاعدة تحكي فيه ... موش موالفة تحكي معايا هكا ...
نزلت رجليا من فوق البيرو ... هزيتلوا براسي وي
أيلول؛ بنتي بننننتي تحكي بالحق ....
حليت الساك جبدت لورق ... و قمت مشيت جيهتوا ...غزرلهم و غزرلي
كمال؛ شنوة هاذوا ؟؟
أيلول؛ احكم شوف بعينيك تراه
مشيت للبلار نغزر للجو اللي مقلوب ... المطر عامل حالة ... تلفتت غزرتلوا كيف مدهوش
كمال؛ م م م منيين جبت هاذوا !!!!!
أيلول؛ ههه توا هذا سؤال تسقسيه ... خلي نصححلك الصيغة ... علاش عملللللت هكككككا !!!!
كمال؛ لا موش صحيح .. انا
أيلول؛ من غير ما تبدا تكذب الورق اللي فيدك تبين كلشي ... ربيتني باش تستغلني ... واااو براڤو ... ماك سلكت فلوس ما يتحسبوش من دراهم بابا حق معروفك سي كمال ...
قدمت عندو جا وجهي مع وجهو بالضبط ...
أيلول؛ علاش كلش ورا ظهري ... حبيت تطلع شركاتك ... كنت تنجم تطلب مني ... او عالاقل تخبرني ...كنت نمدلك ... خاطر فالتالي اعتبرتك كيف بابا ... تييي
رجعت خطوة حطيت يديا على راسي ... و عاودت وليت غزرتلوا
أيلول؛ كنت نعيطلك بابا.... حتى لآخر دقيقة و فرحانة ... تعديت مرحلة من حياتي ... ولا كلش كحل ... اما كنت مدايرتك الضو الوحيد فيها ... و تخليت على اللي نعمل فيه خاطرك....اما فالتالي كل الرجال. كيف بعض ...  مفما حتى تفسير من غير انك استغليتني ...
قدمت ليه كثر....
أيلول؛ صدقني كان موش معروفك في انو ربيتني و رحمة امي و بابا ... شنطلع بروحك فهاذ الدقيقة ....
كمال؛ وصلت بيك تقولي هكا
أيلول؛ ههه تتوقع نشكرك مثلا ... من اليوم انسا اللي فما بنت اسمها أيلول ... اممم زادة عندي ليك مفآجأة ... درت سحب للفلوس اللي خذيتهم الكل بالسرقة ... و بنيت بيهم شركتك ... غدوة يوصلوك ورق المحكمة ... يعني فلوس بابا خذيتهم الكل ... حتى الاوتيلات والشركات متاعنا اللي قاعد تمشي فيهم ...كلش ولا تحت اسمي ...
كمال؛ شن شششنووووة
أيلول؛ ههه اقل شي ... اعتبر هذا حق عشرتنا ... توا باي باي
هزيت الساك ... تعديتوا ... باقي هاز لورق و يرجف ... نزلت ... عارضتني  عزيزة ...
عزيزة؛ أيلول بنتي ربي يصبرك
جات باش تعنقني ... هزيت يدي وقفتها
أيلول؛ برا اطلع صبر راجلك ... نظن يستاهل تدعيلوا كثر عليا ...
تعديتها و خرجت ... للمطر يطيح ...  نحسوا يغسل فيا من الكذب اللي كنت عايشتوا ... ركبت الكرهبة ... كانت ال 2 متاع ليل ... ديراكسيون الفيلا نحب نرقد و نرتاح من هاذ الشي اللي صرا الكل....
🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫