حب و إجرام (باللهجة التونسية )

الحلقة 14

الحلقة 14 :
واقفين قدام الفيلا بعد ما وصلها ..
نضال؛  خسارة وفات الحفلة ... فاتت فيسع
وفاء؛ تي ال 1  راهي
نضال؛ هي الحفلة طويلة اما الوقت معاك اللي خفيف ... و زيد عندنا بزاف متلاقيناش
وفاء؛ اممم صح باش ترجع لأستراليا؟؟؟
نضال؛ امممم تحبيني نرجع
وفاء؛ لا يعني نقصد... كيف ما يناسبك انتا و خدمتك
قدم عندي نزل راسوا شوي ... باقي يثبت في عينيا وترني السخطة ...
نضال؛ بونوي
جبد روحو و مشا خطوات جيهة كرهبتوا ...
وفاء؛ باش تسافر ؟؟
نزلت راسي ضحكت من سؤالها ...حليت الباب متاع الكرهبة ...
نضال؛ نظن غدوة نهار عطلة ...  ميجيش تخلي صديييقك وحدو..  الوغ عازمك لبلاصة سپيسيال ... نتعدا عليك غدوة
تبسمت ..كاني كنت نستنا فالإجابة هاذي ...
وفاء؛ بونوي ....
طلعت لبيتي ... رميت الطالون و ترميت عالسرير ... تمنيت اكا السوايع ميوفاوش و انا نغزر لعينيه ... و انا حاكمة يدو و نشطحوا ... نعشقوا بالحق ... مفقتش لروحي وكتاش لحقت نطيح هكا... فقت من سرحتي ... تي نسيت أيلول جملة ... رحت لبيتها ... حليتها بالشوي لقيتها غاطسة فالنوم .... هاذ ليام الكل مهيش ترقد ... نعرف مهيش رايحة تركح غير كي تعرف شكون حاول يقتلها ...عقبت  وقت طويل باش نجمت نسيها فالثنية هاذيك... اما هوما كل مرة يحاولوا يردوها ليها.. و كون ترجع جامي تخرج من الحفرة اذيكا ... قدمت حطيت الغطا عليها ... رديت الريدو متاع الطاقة وخرجت ... دخلت خذيت دوش ... لبست شورت و خلعة ... و ترميت عالسرير ...جا وجهوا بين عينيا ... ضحكة ترسمت على وجهي ... جبدت المخدة عنقتها و رقدت ....
..........
أيلول تحكي :
فقت على حلمة خايبة ... عرقانة عاللخر ... اكا الجثث و الدم متاع كل اللي نعرفهم و كان انا واقفة و الدم في يديا ... غزرت ليديا ... خذيت نفس طويل ... و قمت رحت للدوش .... حليت السبالة ... طاح شعري على وجهي ... رديتوا ... هاذ الفترة بالذات ... نحس بالستراس ... خاطرني بين زوز قرارات ... انو نبقى أيلول و نفركس على الساقط اللي ورايا ... بالشوي لين نلقاه ...ولا نخلي مجال ل dark انو تظهر اما منجمش نظمن شباش يصير ... خاطر وقت محيت كلشي متعلق بيها فعالم المافيا ... وقتها نجمت نبدا ... اما منظنش انو باش تجيني فرصة خلاف انو ندخل و نخرج بالساهل ... و منحبش نواجهوا هو بالذات ... يمكن لقاءو هو الحاجة الوحيدة اللي بقات معقدتني. من الماضي متاعي ... قفلت الماء لفيت المنشفة عليا ..  مع خرجت هدت عليا وفا ... غزرتلها ملفوق لللتحت
أيلول؛ لحقتوا تعملوا موعد
ضحكت... تي كلش تتوقعوا ... ساعات نحسها تستبصر
وفاء؛ هو
نوقز تيليفوني ...
أيلول؛ هههههه برا مطولش عالحب ميجيش
وفاء؛ أيييييلووووول
أيلول؛ هههههه
وفاء؛ صباح نور... صافا ... وي هاني جاية ... باي ...
أيلول؛ have a Nice day
وفاء؛ ثانكس قوليلي كيف طالعة !!
أيلول؛ تفتقي باي
وفاء؛ ههه باردة القلب باي
خرجت ... ضحكت عليها الفرخة ... تعشق من قلبها ... عندي برشا مشفتهاش تضحك هكا ... اصلا كنت شالقة بإعجابها بنضال ... اما هاي ركحتوا ... حتى هو موش قليل زين و ووهرة ... جا في بالي أمير على الزوز كلمات اللخرين ... تأففت من حالتي ... تالمون تخلطت ... لازم نزرب نوصلوا ... قبل ما يجوني أفكار يندموني مبعد... حليت الڨارد روب ...جبدت روب فولار فالروج ... مع باسكات ڤانس بيضا ...  طلقت شعري ... عملت روج فالغوز ماط ... مع آيلاينر ... حطيت البارفان و خرجت من البيت ... تذكرت تيليفوني عاودت وليت جبدتوا من الپوشات ... لقيت مارك عيط شي 10 مرات ... و خلالي ميساج انو ...اليوم عطلىة ... و باش يسافر للندن كي يرجع ناقشوا الصفقة ... دخلت للكوجينة ... لقيت لي بون حضروا الطابل ... هزيت النيسكافي متاعي ... رشفت منو ... هزيتو و خرجت للجاردان ... قعدت فالفوتاي ... منعرش فاش كنت نخمم بالضبط ... نوقز تيليفوني ... نومرو منعرفوش ... رشفت من النيسكافي و حطيتها ...هزيت
🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫