حب و إجرام (باللهجة التونسية )

الحلقة 33

الحلقة 33 :
أمير؛ كيما قلتي فالكرهبة ... أنا الوحيد اللي عندي حق في حياتك
أيلول؛ باهي ارتاح توا ... تو يجي براء
أمير؛ شكون خبرو ؟؟
أيلول؛ أنا
أمير؛ فاش قام تعيطلوا
أيلول؛ عشيرك هو .... لازم يعرف ... و زادة باش نمشي
أمير؛ وين ؟
أيلول؛ خدمة كهو
دخل براء ... بلهفة جا قدامو ... طبس سلم عليه ...
براء؛ أمييير صافا ياخي شكون عمل فيك هكا
أمير؛ مبين العراب
تلفت براء غزرلي ... غزرتلوا فهم شنقصد ...
أيلول؛ باش نمشي توا ....
غزرلي أمير خلي نڨول ڨحرلي ڨحرة متاع موت ....طفيتوا و خرجت ... نازلة من الكلينيك .... تفكيري في اما عقد باش نبرموا مع الكيلر،..... ركبت الكرهبة ... غزرت للأدراس اللي بعثهالي ميساج .... آخر اتفاق بيناتنا ...لتوا متفكرتوا ... دخولي لعالم المافيا .... كان اتفاقية ...معاه ...... و توا باش ندخلوا فاتفاق جديد ..
كل مرة يفرض عليا تجربة جديدة..ركيت الكرهبة .. قدام الديسكو و نزلت ... دخلت الصوت عالي عاللخر ... باقية نعدي فعينيا عالبلاصة ،.. قدمت للكونتوار طلبت كاس شمپانيا ... دوب ما جيت نهزوا ...هزت وحدة الكاس متاعي .. و رشفت منو ... تلفتت ڨحرتلها .... هزتلي بيدها أشرتلي عليه ... قاعد على تابل فالكوان ... هزلي بكاسوا و غمزني ... قمت و مشيت عندو ... وقف عدا عينيه على وجهي ... عندنا برشا متلاقيناش ... مديت يدي باش نصافحوا ... جبدني .نزلني للساحة متاع الشطيح ... تخلطنا مع الغاشي ... غناية متاع mi gente ... باقية نشطح ... كل حد فينا يحب يخرج اكا الضغط ... كل مرة نرمي عيني عليه ... عينيه حمر دم ... الظاهر اللي مكثر فالشراب ... اما هكا كل مرة... نلقاه مكثر الدوز متاع الشراب .، اما ميأثرش فيه جملة ... قدم ليا حكم يدي و لفني ... جا ظهري على سدرو ... طبس لوذني ...باقية نستنا في شرطوا... اما حواسي الكل جمدوا ... كي سمعتوا
الكيلر؛ باش تعرسي
تلفتت غزرتلوا .... غمزني و تبسم ... بقيت واقفة دقيقة ...نستوعب في كلامو ... توقعتش جملة شرط كيف هذا ... عرس جملة ... جيت شنرفض اما جا فيبالي العراب ... نحب نلقاه فيسع ... طول اللعب متاعو ... جيت شنحكي نقولوا يبدل الشرط ... وصلني ميساج و ووصلوا هو زادة ... جبد تيليفونو .. تبسم و غزرلي ..عملي فازة متاع اجبدي تيليفونك ... ضيقت عينيا نستوعب في كلامو .. جبدت التيليفون ... دخلت للميساج اللي وصل ... جاك و دانيال ... تفجرت بيهم طيارتهم الخاصة.... طاقم الطيارة كان من رجال العراب ... و عملوا عملية انتحارية !! ... طلعت راسي نستوعب فلي صار ... ضرب في بالي أمير اللي خليتوا وحدو ... مشا للكونتوار هز كاس فودكا ... فقت من سرحتي ... رحت قعدت قدامو ...
الكيلر؛ دارك معندكش خيار .... برغم اننا عشرة .. اما تعرفيني منتنازلش على شروطي مهما كانت ... هاذي طبيعتي
أيلول؛ علاش نعرس بالذات ... علاش مخيرتش حاجة خلاف
الكيلر؛ انتي اكثر وحدة تعرف اللي محاجتيش بالفلوس ولا شي خلاف ... حاجتي بالمتعة..
أيلول؛ باهي موافقة ... خبرني شكونو
الكيلر؛ هههه مهمكش تعرفي شكون العريس ياخي
أيلول؛ ميهمش
الكيلر؛ باش نبعثلك اسموا بعد 3 أيام
أيلول؛ 3 أيام !!!!! نحب عليييه توا توا
الكيلر؛ نحب نأكد شكون معاه الكل يعني باش نمدلك ليست طويلة ... الوقت اللي تعرس انتي
الكيلر؛ مبعد تعرفي باش نبعثهولك ميساج اللليلة
أيلول؛ باهي
تلفتت مشيت ... من غير ما نخمم ... فالقرار اللي اتخذتوا ولا شنية عواقبوا ... ولا بشكون باش نعرس ... اهم شي نلقاه ... و نعرف اللي حد ما ينجم يلقاه بخلاف الكيلر ... ركيت قدام البحر ... نغزر للبعيد .. تعدا وقت ... اليل بدا يطيح ... منعرش اما منجمتش نروح عند أمير نواجهوا بشنوة باش نعمل ّ.. باقية نخمم كان شكونو هذا اللي نجم يعمل هكا ... و وصل لجاك و دانيال بضربة وحدة !!! ... الشي اللي متاكدة منو .. انو حد موش ساهل جملة ... ينجم يعمل اي شي ... و توا بقاولوا 3. أهداف ... اانا ... أمير ... براء ... تي شبيني واثقة فرجالي هكا ... مهما كان مينجموش يراقبوا أمير و براء كيفي ... لازم نرجع فيسع ... خدمت الكرهبة ... شوي وقت ... و وصلت .... طلعت ... عارضني براء .. دوب ما خرجت من الصانصور ...
براء؛ أيلول صافا ؟
أيلول؛ اممم صافا وانتا ؟
براء؛ مليح .. شصار موش قلتي ... اللي الخطة باش تنجح ...