حب و إجرام (باللهجة التونسية )

الحلقة 18

الحلقة 18 :
و تلفتت جيت بين يديه ... جات البون تجري ...
البون؛ مسيو أمي...
من غير ما تكمل ... تلفت ڨحرلها ڨحرة متاع موت ... راحت طول ... تلفت غزرلي ...
أمير؛ شبي **** نتي دوك .... كتافك هكا ****** ... و نتي تفورصي في ***** ... عجبك كي تفتح دوك .... بردتي !؟؟!
باقية نغزرلوا ...عديت عينيا على وجهوا ... كاين خوف عليا في عينيه ً... نزلت راسي منعرش علاش اخترت السكات ... منيش انا اللي نسكت ... تي لساني أطول من حياتي ... حسيت بتنهيدتو كي خرجت .... تفجعت وقت هزني في حملتوا .... غزرتلوا كي يمشي ... باقية سارحة فيه ... لين حطني عالسرير ....  راج جاب البوات فارماسي ... و قعدت جنبي ... نحالي الفاست ... غزر للدم و ڨحرلي ڨحرة متاع موت ... بعدت عينيا عليه ... نحالي الفاصما ... و هز القطن فيه لالكول دوب ما حطوا عالجرح ... تكبست ... يحرق موش نورمال ... جبد يدو و غزرلي
أمير؛ وجعتك!!
هزيتلوا براسي لا ..حط القطن في صحن قدامو و غزرلي ...
أمير؛ ماش لازم ديما تباني قوية ... و تتحملي كلش ... المهم تبقاي فالصورة المثالية ... تجي المرحلة اللي يبان ضعفك ...
تبسمت و طلعت راسي غزرتلوا ...
أيلول؛ تعديت هاذ المرحلة ... على هاذي
أمير؛ وليتي dark
على كلمتوا التالية ... الدم جمدلي في عروقي ... متوقعتش انو يكون سمع هدرتي مع مجد ... و الأهم من هذا أنو سمع أني dark. ... الكلام وحل ... معرفتش شنحكي بالضبط ... عدا عينيه عليا ... هزيت القطن ... و حطيتوا عالجرح .. باقية نمسح ... و عاضة على شفافي. ... كتفي باش يطير ... نحالي القطن من يدي ...حطلي الدوا خاطر الخيط متحلش .. جبد الرولو متاع الفاصما ... و عاود دارلي على كتفي ...دوب ما كمل ... طلع السبتة متاع الخلعة ... هز البوات فارماسي و خرج .... غمضت عينيا بالقوة و حليتهم ... كلش قاعد يتخلط ... منعرش شباش نعمل توا ... اما ملازم حتى حد يعرف اللي انا dark ... خاطرها ماتت ... و هاذي الحقيقة اللي باش تبقى للكل ...
تعدا وقت طويل ... هازة تيليفوني ... قريت الميساج متاع وفا ...اللي باش تكومپي هاد الويكاند ... حطيت التيليفون ... تذكرت شعملت مع حبيبتو... شبيني عملت اكاكا أنا ... ماو ميعنينيش ... تي فاش قام نبوسوا .. ماو الظاهر من غشوا انو تعنيلوا برشا ... قمت من فرشي مشيت نفركس على بيتوا .... لين لقيتها ... من بابها باينة .. طبطبت شي ... حليت الباب و دخلت ... محلاها هاذ البيت ... الوانها تفتق ... مزيج بين البوردو الاكحل و الرمادي ... عملوا جو جامح... و فخم في نفس الوقت ... مشيت بخطوات... ريت تيليفونو مرمب فوق السرير ... كملت نمشب لين وصلت للبالكوا.... واااااااوو محلاه منظر من هوني مع لي فوتاي ... يطل عالبحر ... بلاصة هادية عاللخر ... سمعت باب كي تحل ... تلفتت نغزرلوا ... كي خارج بالشورت كهو ... ينشف في شعروا بالما ... عديت عينيا عالوشوم اللي عليه ... محلياتوا عاللخر... مالا كور.... بلعت ريقي ... محلاه السخطة ... قدم عندي ...
أمير؛ شتعمل هوني !
أيلول؛ أه ؟
أمير؛ شتعمل هووووني ؟
أيلول؛ آآ .. جيت باش نقولك ديزولي
أمير؛ على شنوة !؟
أيلول؛ اللي عملتوا مع اكا الطفلة .. محقنيش ندخل بينكم ... اصلا ماش بقصدي ... و هي تبارك الله ... ممثلة ماشاء الله ... زادت الصوص ... أصلا مسبوعة تي كي حكيت معاها قيمتها برشا الصراحة يعني... رغم اني نظن أنها تستاهل ...
أمير؛ ستوووپ .. ياخي نتي جيتي تعتذري ولا تكملي
أيلول؛ أه ... ياه نقصد ديزولي ليك موش ليها و خلاص
أمير؛ أوكي
أيلول؛ أوووكي!!! تفدلك موش هكا ...
أمير؛ علاه
باقية نغزر لتااتو اللي على كتفو ... لين دارلي باي باي بيديه ...تيي مالا تبهديلة...
أيلول؛ والو ... بيتك مزيانة ...
أمير؛ مرسي .. صافا جرحك توا؟
أيلول؛ اممم
حط المنشفة على كتفوا .... تبسمتلوا و مشيت ... جيت شنخرج ...
أمير؛ أيلول
تلفتت غزرتلوا
أمير؛ طمن عقلي أكبر من انو نحكي حوايج كيف هكا ... و كي وصلتي ترقدي في داري تأكدي بلي راكي محل ثقة كبيرة ... و هاذ الثقة لازم تكون متبادلة ..
تبسمتلوا و خرجت رحت لبيتي  ...  اللليل بدا يطيح .. الدوخة بدات تلعب عليا ...رحت للدوش غسلت. وجهي ... دوب ما نرمي فالخطوة
.. ددوب ما حليت الباب...دخت تركزت عالباب ... تحل الباب متاع البيت ... تنطر جا يجري ليا
أمير؛ صافا !!! شبيك ؟!!؟
أيلول؛ دايخة منع ....رش
هزني حطني على السرير... و خرج يجري جاب البارفان متاعو... حطلي منها ... فقت شوي ... شربلي من الما ...حط يديه على رقبتي و جبهتي يتفقد فيا ...
أمير؛ متقوليليش ... ما كليتيش ....****** موش وصيتهم يتولهولك عالماكلة
عروقو ظهرو من الغش جا شيقوم حطيت يدي على يدو ... غزرلي ..
أيلول؛ أنا اللي ماحبيتش وقت شافتني البون مقدرتش نهز يدي ... جات تعاوني محبيتش
أمير؛ نفس الفصل متاع القوة متاعك ... ولازم تتباني مش محتاجة
هزيت التيليفون... خبرت البون تجيبلها العشا ..  تلفتت غزرتلها ... فيها هدوء موش نورمال ... مخبي وراه برشا حوايج ... عينيها فيهم ... اكا الجموح ... اللي يخليك تحب تعرف شنية التالي ...طبطب الباب خبرتها تدخل ... حطت الشاريو و خرجت .. هزيت الصحن متاع الحوت المشوي مع الصوص .. هزيتوا بالفرشيطة و قدمتوا لفمها ...غزرت للصحن ... وللفرشيطة و غزرتلي ..قدمت يدها تحكمها ... نزلتها باقي حاط يدي عليها .. و قدمت لفمها الفرشيطة .. كلاتها ..  باقي نوكللها .. لين قاتلي صاي ... فقت بيدي اللي حاكم بيها يدها ... هزيتها خرجت الشاريو و خرجت ....
🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫